Koula 20:31 - Mbede Lə Luba Kone Gə Sigi

³¹ Gəl-e gə nee ɓa may kar-si isije kəm baa, ar-je mə-si ol-e to gə ɓal munda ja, kar-a gə cil, m-əw rɔ-m ang, m-ndəji-si kara gə kara, gə man no kəm gə.

Testament ke Siki 1960 (Kabba Laka)

³¹ Mbata tar nèn ngemidjé madji, olidjé mèsè mbata bal mouta ma mïya ang ta ndedji dooudjé toï, tilti rem kade rem ke man kem.

Koula 20:31 ပူးပေါင်းရင်းမြစ်များ

Matiye 13:25

Ngaa logə dəwje tɔ̰y d-aw cibi ɗaa, njeba̰a̰ lə-a ɗe dubu waa da̰w horo wa gə le ɗaa ɔdə aw lo lə-a

Matiye 3:7

Logə n-o to gə Parijiyɛ̰je gə Sadusiyɛ̰je ꞌɗe bula ya̰ mba batɛm ɗaa n-pa n-ar-je na: Sisəy gə ꞌtoje to gə kondɔtɔlje be, na ɓa tɔji-si pa ka̰y wungu lə Luba gə aw ɗe le wa?

Lugu 21:36

Ɔsəje kəm-si kɔrə ɓo ꞌdəjije Luba gə karje ja tɔ̰y, mba kar d-ɔr-si d-unda si gə kəm-e mba kar-si ꞌce-je nee ta neje gə a ɗe dɔ ndɔ gə bara gə, ngaɓa gə mba kar ar-je ne dɔ gɔl si gə njang no Ngon lə dəw gə.

Koula 19:10

To to gə be-be ja ɓal joo saar ar dəwje tɔ̰y gə d-isi dɔ nangə gə Aji d-o ne tar lə Mbayɓe, Jiibije ngaɓa dəwje gə ꞌgərə Luba ang nəm.

Koula 19:8

Pɔl andə kəy nendo gə lə Jiibjije n-pa tar kəne gə ɓəəl ang ngaɓa ma̰y gə je tar n-cɛdə ne singa-je gə ɔji dɔ ɓeko̰ lə Luba. N-ɗa be ja asə nay munda.

Koula 20:11

Logə n-təl n-aw mə kəy gə taar le ɗaa n-cɛdə mbə n-usa, cibi n-təl n-pa tar kur-e əw saar n-ce ne ta dɔɔɓe gə ɓa n-ɔdə n-aw.

Koula 20:19

M-ɗa kula lə Mbayɓe gə kula dɔ ngulum, gə man no ngaɓa dan nenaje gə ce dɔ-m gə, gə go njuma kula lə Jiibije.

Koula 20:7

Ndɔ dɔmasi le j-a mbo̰ naa mba cɛdə mbə, ɗaa Pɔl uwa gə je dɔ naa saar unda ngang-ɛ dan lo gə mba lo kar-ɛ nama a kɔdə kaw.

Koula 24:17

Go ɓalje gə nday bula ɗaa m-təl m-ɗe gəl kuji gə lə-m, m-un ne m-ar njenekɔyje ngaɓa m-ar nenuji tɔ.

1 Corinthiendjé 4:14

ꞌM-ɗa mbede gə nee le mba kila ne rɔ kul kəm-si gə ang; ngaa m-ndəji-si to gə ngan-m gə m-njigi-je.

Philippiendjé 3:18

M-pa tar pa nja lə dəwje bula m-ar-si ngaɓa ɓisine kara m-pa gə man no to gə ꞌnja gə njeba̰a̰je lə kagə dəsə lə Kirisi

Colossiendjé 1:28

ꞌNe ja j-ila mbərə lə-a, j-a ndəji ne dəwje kara kara ngaɓa j-a ndo dəwje kara kara gə kəm karə tɔ̰y, mba kar na-na kara to ne dəw gə may pɛdə ɗəw gə lə Kirisi.

1 Thessaloniciendjé 5:14

Ngan ko̰-mje, j-a ndəji-si kar ꞌndangəje njedabəje, ulaje jingaw mə nje gə singaje ɔr gə, ꞌlaje gə nje tɔgə godoje, ilaje mə-si pɔ̰ dɔ dəwje gə tɔ̰y.

2 Thessaloniciendjé 2:5

Se mə-si ole dɔ tar gə m-pa m-ar-si logə m-ga̰ horo-si gə le ang wa?

2 Thessaloniciendjé 3:8

Sijee le, j-usa ne lə dəw baa ang, ngaa kara gə cil gə le j-ula rɔ-si ndubu j-ɔr ɗɛgə-ɗɛgə mba təl to nekodo dɔ dəw gə kara kara horo-si gə ang.

2 Timoce 4:5

Ngaa ꞌi le, unda kəm karə dɔ rɔ-i gə, uwa gədərə dan ꞌməsərə gə, ɓo ɗa kula lə njekila mbərə Tar gə May gə Luba um ji-i gə le gə maj-ɛ.

Ebərəje 13:17

Oje tar ta njekɔr no-sijee gə ngaɓa osoje kul no-je gə. Mba ꞌtɔsə kəm-je dɔ təbə gə lə-si gə d-a tura go-e. ꞌƊaje gə maj-ɛ mba kar ꞌɗa gə rɔləl ɓo gə man no ang mba ꞌtura go-e gə man no kara ne may kara gə a kingaje kəne godo.

Apocalypse 16:15

A o, m-ɗe to gə nje ɓogo be. Nokarə to kar dəw gə isi kəm baa dɔ rɔ-ɛ gə ngaɓa ngom kubuje lə-a, mba nja kud-e dum ang, ngaɓa mba kar d-o lo rɔ kul lə-a ang nəm tɔ!