Koula 20:28 - Mbede Lə Luba Kone Gə Sigi

²⁸ Undaje kəm karə dɔ rɔ-si gə ngaɓa dɔ nekuulje tɔ̰y gə Njil Njerɔsangə unda-si gə nje ka dɔ-ɛje, mba kar uulje ne mbo̰ naa lə njetakagəje lə Luba, gə ye ja ta gə məs-e.

Testament ke Siki 1960 (Kabba Laka)

²⁸ Ngemidjé ròsè madji ke dèdè ke loou mbona té toï ke Ndil ke madji toï aresè tokou ndjè ngem né, ta kare mourou dooudjé ke kei Allah té, ke nè ndokodè mbata la ndja ke mese la.

Koula 20:28 ပူးပေါင်းရင်းမြစ်များ

Matiye 16:18

Be ɓa ꞌma ja m-pa m-ar-i to gə ꞌi ꞌto Piyɛr, dɔ ər gə m-a kunda gəl Mbo̰ naa lə njetakagəje lə-m kəne, singamongə lə nje gə jabaw a kasə ɗa sə-a ne kara ang.

Matiye 2:6

ꞋI, Bɛdəlɛhɛm, dɔ nangə gə Juda ꞋI le ꞌnjɛ̰ baa Horo ɓeboje gə dɔ nangə gə Juda; Mba ngon mbay a ce gəl kuji-i gə, Gə a to njekɔr no Ijirayɛlje, gə to dəwje Lə-m.

Marəke 13:9

Unda-je kəm karə dɔ darɔ-sisəy gə ja; D-a kaw gə si no ngɔ gangə tarje gə, ngaɓa d-a kunda-si gə kɔb mə kəy nendo gə, d-a kaw gə si no njeko̰ ɓeje gə, no mbayje gə mba tar lə-m kar to tar naji no-je gə.

Lugu 12:32

Sisəy gə ꞌtoje nekuulje gə njɛ̰, ar-je mə-si ila kasə ang, mba rɔ Bɔ-sijee ləl-e mba kar-si ɓeko̰ le.

Lugu 21:34

Undaje kəm karə dɔ rɔ-si gə, ɓo ar-je mə-si to gə dɔ gə nekay mbə gə, gə nekusa gə gə ka guru gə ja kara baa ang, mba kar uwa-si ɓərə ang, ngaɓa gə tar kəjije gə ɔji dɔ kisi kəm baa gə mba kar ndo-ɛ nee le uba-si nangə bus ang.

Koula 13:2

Logə d-aw ꞌpolo Luba ngaɓa ꞌtɔl mə-je ɓo ɗaa Njil Njerɔsangə na: Ɔrəje Barənabas je gə Sɔl undaje-je ɓədə mba kula gə m-ɓar-je mb-ɛ.

Koula 14:23

D-unda ngatɔgəje d-ar-je gə Mbo̰ naa lə njetakagəje kara kara ngaɓa go-e gə ɗaa ꞌtɔl mə-je ɓo gə ꞌdəji Luba ngaɓa d-um-je mə ji Mbayɓe gə to gə ꞌta kag-ɛ le.

Koula 20:17

Dɔ ndɔ-ɛ gə əng le Pɔl isi Mile ja ula ɓar ngatɔgəje gə Mbo̰ naa lə njetakagəje gə Epɛs.

Koula 20:29

ꞌMa m-gərə to gə logə m-a kaw nama, njagəmanjɛrje gə to ɓəəl d-a kandə horo-si gə mba busu nekuulje,

Romaindjé 16:16

Oje naa gə yo gə nee ꞌtoje ne mbi naa pu-pu gə maj-ɛ. Mbo̰ naaje lə njetakagəje lə Luba tɔ̰y gə gəl Kirisi gə ja na m-o-si m-ar-je.

1 Corinthiendjé 1:2

J-a ɗa mbede nee j-ar Mbo̰ naa lə njetakagəje lə Luba gə to Kɔrɛnt, nje gə d-unda-je gə losang-ɛ gəl Kirisi Jeju gə, mba kar-je ꞌto njerɔsangəje gə go ɓar gə ꞌɓar-je, naa gə kara baa gə sijee tɔ̰y, gə lo tɔ̰y gə ꞌɓar ri Mbayɓe Jeju Kirisi gə to Mbayɓe lə-sijee gə lə-ꞌjejee tɔ.

1 Corinthiendjé 10:32

May kar ꞌtoje jigi tuga gɔl mba Jiibije ang nəm, mba dəwje gə ꞌgərə Luba ang ang nəm, mba Mbo̰ naa lə njetakagəje lə Luba ang nəm,

1 Corinthiendjé 11:22

Mə kəy lə-sisəy godo gə mba kar-si usaje gə ayje kəne wa? Ose ꞌdabəje Mbo̰ naa lə njetakagəje lə Luba dasəra, ngaɓa nje gə ne lə-je godo ɗaa ilaje ne rɔ kul kəm-je gə wa? M-a pa na ɗi ɓa kar-si wa? M-a pidi si wa? Ye gə nee ɗaa M-pidi-si ne ang.

1 Corinthiendjé 15:9

mba ꞌma gə m-to dəw gə njɛ̰ baa horo njeka̰ykulaje gə; m-asə kar ꞌɓar-m njeka̰ykula ang, mba m-ula kəm Mbo̰ naa lə njetakagəje lə Luba ndoo.

1 Corinthiendjé 6:20

Mba ꞌndogo-si gə ne ndogo gə gad-e al dɔ lo. Ɗaa may kar unje darɔ-si ulaje ne rɔnduba dɔ Luba gə.

Galatedjé 1:13

Be ɓa, sisəy oje tar pa nja-m gə ɔji dɔ nejiɓe lə Jiibije: m-ula kəm Mbo̰ naa lə njetakagəje lə Luba ndoo ya̰ ngaɓa m-njigi tuji-je ne pugudu.

Ephésiendjé 1:14

gə to gə nenduba lə-sijee gə Luba ɔsə gə kɔrə, ngəbə ne ndɔ gə n-a kar-si j-inga kɛs-e gə nay tɔ̰y, lo gə j-a kinga ne kaji gə dɔbo̰ kar j-ɔsə ne pa j-ila ne riɓar dɔ-ɛ gə.

Ephésiendjé 1:7

Gə ɗəw gə lə-a gə mbɔr dɔ məs-e ɓa uga dɔ sijee, ɔr tar neɗaje gə kṵra̰y lə-si dɔ-si gə, gə go mənuji lə-a gə ɗusu lo njḭ-njḭ,

Ephésiendjé 4:11

ꞌNe gə n-ar nje gə kɛm ꞌto njeka̰ykulaje, gə pajambərəje, gə nje kila mbərəje lə Tar gə May, gə njekɔr no dəwje ngaɓa gə njenetɔjije tɔ,

Philippiendjé 1:1

ꞌMa Pɔl, je gə Timoce, njekulaje lə Kirisi Jeju, j-a ɗa mbede nee j-ar njerɔsangəje gə mə Kirisi Jeju gə, gə d-isi Pilipi, gə nje ka dɔ njetakagəje ngaɓa gə diyakərəje tɔ.

Colossiendjé 1:14

Mbɔr dɔ-ɛ ꞌne ja ɓa j-inga ne kaji ngaɓa tar neɗaje gə kṵra̰y ɔr ne dɔ-si gə.

Colossiendjé 4:17

Be ɓa ꞌpaje ar-je Arəsipə: ꞌTɔsə kəm-i dɔ kula gə Mbayɓe um ji-i gə le gə maj-ɛ gə mba ɗa.

1 Timoce 3:1

Oje tar gə tɔgərɔ le ɓa nee, to gə dəw gɔl m-e gə mba kun dɔ kula nama, nj-ɛ njigi kula gə may.

1 Timoce 3:2

Be ɓa, may kar nje ka dɔ lo kuwa dɔ naa le tar a kuwa dɔ-ɛ ang, n-a to nje jene gə kara, n-a ɗa mə bo nekusa ang, n-a kunda kəm karə dɔ rɔ-ɛ gə, n-a to njekuwa nuji, n-a to nje kuwa mbaje cibi n-a kasə mba tɔji ne dəwje.

1 Timoce 3:5

Ngaa to gə ɓo, to gə dəw gə gərə ngom mə kəy lə-a ja ang le se a ngom mbo̰ naa lə njetakagəje lə Luba to gə ban wa?

1 Timoce 4:14

Əw rɔ-i ndam gə gusu mənuji gə aw nee, ye gə Luba ar-i ɗəw gə pajambərəje pa nee tar-ɛ dɔ ndɔ gə ngatɔgəje d-ila nee ji-je dɔ-i gə.

1 Timoce 4:16

May kar-i ngom rɔ-i ngaɓa ngom nendo lə-i. Ore kəm-i kəne. Ngaa ɓo, ꞌɗa be nama, ꞌi a kaji rɔ-i nəm ngaɓa nje gə d-o tar ta-i gə nəm tɔ.

1 Timoce 5:17

May kar ngatɔgəje gə d-o̰ dɔ kula gə maj-ɛ le, njetakagəje d-a kila riɓar dɔ-je gə gɔl joo, nje gə d-ula rɔ-je ndubu ɗəw pa tar gə lə Luba ngaɓa ɗəw netɔji gə ja ɓa.

Tite 1:7

May kar nje ka dɔ njetakagəje le to dəw gə tar uwa dɔ-ɛ ang mba n-nay to gə njengom ne lə Luba, gə n-a to nje ɗa gasəra ang, n-a to njewungu ang, n-a to mbə kodo ang, n-a to nje tɔsə tar ang nəm ɓa, n-a sangə nedɔji gə to ne rɔ kul ang,

Tite 2:14

Kirisi ja un rɔ-ɛ uga ne dɔ-si, ɓa ɔr ne si dan neɗa gə kṵra̰y gə. N-ɗa to gə be mba mbo̰ ne si gə dəwje lə-a gə n-mbərə-je n-togo-je ngaɓa mba kar ɓo ɗa kulaje gə may-may to ne mə-si gə.

Ebərəje 12:15

May kar-si oje gə maj-ɛ mba kar mənuji lə Luba lal dəw kara ang, mba kar dəw təl to riya gə adə, mba riya gə adə le oso mə mar-ɛ gə nama a tuji mar-eje tɔ̰y ɗaa dəw a kusa ang.

Ebərəje 13:17

Oje tar ta njekɔr no-sijee gə ngaɓa osoje kul no-je gə. Mba ꞌtɔsə kəm-je dɔ təbə gə lə-si gə d-a tura go-e. ꞌƊaje gə maj-ɛ mba kar ꞌɗa gə rɔləl ɓo gə man no ang mba ꞌtura go-e gə man no kara ne may kara gə a kingaje kəne godo.

1 Piyɛr 2:25

Mba ꞌnayje to gə badəmje gə d-igi be, ngaa ɓisine ɗaa ꞌtəlje dɔ-si gə ɓə lə njekuul-si ngaɓa nje tɔsə kəm-e dɔ kəm gə lə-si nəm tɔ.

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

1 Jean 1:7

Ngaa to gə ɓo j-a njaje dan lokarə gə, to gə ꞌne kara n-to lokarə, nama j-a ɗa mə kara gə naa gə yo gə nee, ngaɓa məsə Jeju togo neɗa gə kṵra̰y lə-si tɔ̰y.

Apocalypse 5:9

D-ɔsə pa gə sigi kara ꞌpa na: ꞌI asə mba ta mbede le nəm, gə mba kɔr t-ɛ gə rɛ̰ gə bəngə ji-je gə to kəne nəm tɔ, mba d-unja gɔb-i gə ne məsə, ɗaa məs-i ɓa ꞌi uga ne dɔ gəl kuji tɔ̰y, ndo̰ tar tɔ̰y, dəw mə ɓeje tɔ̰y gə gəl kuji dəwje ar Luba.