Koula 20:27 - Mbede Lə Luba Kone Gə Sigi

²⁷ mba m-iya ne kara ang, m-tɔji-si mə njigi lə Luba tɔ̰y.

Testament ke Siki 1960 (Kabba Laka)

²⁷ Mbata ma mbeté ang ta pa karesè tar ndedji lo Allah toï.

Koula 20:27 ပူးပေါင်းရင်းမြစ်များ

Matiye 28:20

ɗaa ndo-jeje ar-je ɗa neje tɔ̰y gə m-un ndu-m kəne m-ar-si le. Oje m-ga̰ gə si naa gə gə ndɔje tɔ̰y saar ndɔ gə nangə nee a kunda ne ngang-ɛ.

Lugu 7:30

Parijiyɛ̰je je gə njekɔr gəl toronduje ꞌmbadə ne gə Luba njigi ɗa mba tar lə-je, ɗaa njigi kar Ja̰ ɗa-je batɛm ang.

Jean 15:15

M-ɓar-si ngan njekulaje ang ja saar gə dɔbo̰, mba ngon njekula gərə ne gə ꞌɓəə-eje ɗa ang; m-ɓar-si njekuraje lə-m mba tarje tɔ̰y gə m-o ta Bɔy gə le, m-pa m-ar-sisəy ꞌgərəje tɔ.

Koula 13:36

Ngaa Dabidi ɗa kula lə Luba dɔ ndɔje gə lə-a saar ndɔ-ɛ asə ɗaa uy ar ꞌdub-e kar njeka-ɛje gə ngaɓa darɔ-ɛ yɔlɛ mə buwa gə tɔ.

Koula 2:23

Dəw gə nee, gə Luba ila-a mə ji-si gə le, Luba gərə neje gə a ɗa-je sə-a kede nam ɓa ar-je dəwje gə ꞌɓəəl Luba ang ꞌɓər-e kagə dəsə gə d-ar-ɛ n-uy.

Koula 20:20

ꞌGərəje to gə neje tɔ̰y gə a la gə si le m-iya dɔ-ɛ kara ang, m-pa tar-ɛ m-ar-si gə m-tɔji-si kəm dəwje gə nəm ngaɓa mə kəyje gə nəm tɔ,

Koula 20:35

Ɗəw neje gə tɔ̰y le, m-tɔji-si to gə kəm kar dəw ɗa kula be ɓa a la ne gə njeɗəmje ngaɓa kole ne mə dɔ tarje gə lə Mbayɓe Jeju gə pa gə t-ɛ ja na: Kar ne dəw to nokarə ya̰ unda ta ne ji dəw gə.

1 Corinthiendjé 11:23

Mba ꞌma le, ne gə m-tɔji-si le m-inga ji Mbayɓe gə: Mbayɓe Jeju le, mə cil gə d-un dɔ-ɛ kəne ja, un mbə;

2 Corinthiendjé 4:2

Ngaa, neje tɔ̰y gə to lokiya gə ngaɓa to nerɔkul lə-sijee le, j-ɔsə ngərəng, sijee j-a tula pa nja-si naa gə ang ngaɓa ja buguru dɔ tar lə Luba ang tɔ. Ngaa, ja kila dɔ tar gə tɔgərɔ gə ɗaga, ja ɗa ne tar naji lə-sijee kar kəji lə dəwje to ne dɔ sijee gə ngadə no Luba gə.

Galatedjé 4:16

Se tar gə tɔgərɔ gə m-pa m-ar-si le ɓa m-təl to ne njeba̰a̰ lə-si wa?

Ephésiendjé 1:11

Ɗəw gə lə Kirisi le ja tɔ ɓa, sijee gə Luba ɔr-si unda-si gə kəm-e kede ləw baa le, j-inga ne nenduba gə ɔji dɔ-si, ɗəw neje gə ꞌne gə Luba ja n-uwa dɔ gɔl-ɛ nəm, gə neje tɔ̰y gə n-ɗa n-ɔji ne go mə njigi lə-a ꞌne ja,

1 Thessaloniciendjé 2:4

ngaa mba Luba na mə-sijee ɗaa o-si gə maj-ɛ ɓa um kula kila mbərə Tar gə May ji-si gə, be ɓa j-a pa tar mba may ne ta kəm dəwje baa ang ngaa mba may ne ta kəm Luba gə nje na mə dəwje.