Koula 20:24 - Mbede Lə Luba Kone Gə Sigi

²⁴ Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.

Testament ke Siki 1960 (Kabba Laka)

²⁴ Ma mo tébe lom ndja tokou né ke madji kem té ang, baa ta karem nda koula lom ase toï, ke ta pa tar ke Mbaibé Jésus arem, ta pa tar nadji tar ke madji lo tokou mè madji lo Allah.

Koula 20:24 ပူးပေါင်းရင်းမြစ်များ

Lugu 16:28

mba m-aw gə ngan ko̰-mje mi d-isi kəne əng. Kəm kar n-aw n-pa n-ar-je kede nam ɓa, mba kar ꞌjeje kara, ꞌɗe lo ko ꞌməsərə gə m-ar kəne nee ang.

Jean 15:27

Ngaɓa sisəy ja kara, a paje tar naji lə-m mba ꞌga̰je se-m naa gə lo kuma kudu ne gə.

Jean 17:4

ꞌMa, m-ila riɓar dɔ-i gə dɔ nangə gə nee, kula gə um mə ji-m gə kar-m m-ɗa le, m-ɗa m-ɗunga tɔ.

Koula 1:17

ꞌNe ja kara ꞌtura-a horo-si gə ngaɓa d-um kula k-ɛ ji-a gə tɔ.

Koula 11:23

Logə n-ce Antiyos gə to gə n-o mənuji lə Luba ɗaa n-ɗa rɔləl ngaɓa n-ula jingaw mə-je gə mba kar d-um mə-je dɔ Mbayɓe gə.

Koula 13:25

Logə Ja̰ tɔl ta kula lə-a bɛm ɗaa pa na: Əjije na ꞌma ɓa m-to na wa? To ꞌma ang, ngaa dəw kara aw ɗe go-m əng ngaɓa n-to dəw gə m-asə tudu kula sabɔgɔ lə-a gɔl-ɛ gə ang.

Koula 14:3

Ngaa d-isi kuru-je əw Ikoniyom, ꞌpa tar gə dɔ Mbayɓe gə ngadə-ngadə, ɗaa ye kara ɗa tar naji ɔji dɔ tar mənuji lə-a, ar netɔjije gə neje dang-dang gə kəm dəw o ndɔ kara ang ce ɗəw gə lə-je.

Koula 15:7

Logə ꞌma̰y naa tar-ɛ asə mbagə ɗaa Piyɛr uba nangə ḭ taar un tar pa na: Ngan ko̰-mje, ꞌgərəje to gə un kud-e dɔngɔr ndɔje ja baa, Luba mbərə-m horo-si gə, mba kar dəwje gə ꞌgərə Luba ang d-o tar gə ɔji dɔ Tar gə May ta-m gə ɓo ꞌta ne kagə.

Koula 18:5

Logə Silas je gə Timoce d-ɔdə d-aw ɓeko̰ gə Masedowan ngaa Pɔl ila rɔ-ɛ kula kila mbərə, gə pa tar naji ar Jiibije to gə Jeju ja to Kirisi.

Koula 20:21

m-pa gə ɗaga m-ar Jiibije gə dəwje gə ꞌgərə Luba ang mba kar turu kəji gə rɔ Luba gə ngaɓa ꞌta kagə Mbayɓe lə-si Jeju.

Koula 20:23

ne kara baa le, gə ɓeboje kara kara ja, Njil Njerɔsangə tɔji-m ngaɓa pa ar-m to gə d-a tɔ-m ngaɓa neməsərəje d-aw ngina-m.

Koula 20:32

Ngaɓa ɓogəne m-iya̰ si mə ji Luba gə, gə tar mənuji gə lə-a, gə a kar-si singa kar tɔgə dɔ takagə gə ngaɓa gə go tar lə-a ja na kar-si ne neduba horo dəwje tɔ̰y gə ꞌto gə losang-ɛ.

Koula 21:13

Be ɓa Pɔl təl ila kəne na: Ɗi ɓa ꞌnoje ne ngaɓa ar-je mə-m gangə ne man wa? Mba ꞌma le m-isi pɛrɛrɛ mba kar ꞌtɔ-m gə tɔ ja baa ang, ngaa mba kuy Jerujalɛm nəm mba ri Mbayɓe Jeju.

Koula 22:21

Be ɓa n-pa n-ar-m na: Aw, mba m-a kula-i əw dɔ-i gə ɓe lə dəwje gə ꞌgərə Luba ang.

Koula 9:15

Ngaa Mbayɓe təl pa ar-ɛ na: Aw, mba dəw nee le ꞌma ja m-mbər-e gə neɗa kula lə-m, mba kar n-un ri-m n-aw ne no dəwje gə ꞌgərə Luba ang gə, gə no mbayje gə, ɓa no ngan Ijirayɛlje gə;

Romaindjé 11:6

Be ɓa, to gə ɓo to gə mənuji nama, ɗəw tura go kula ɗaje godo; ɓo be ang nama mənuji to mənuji ang. Ngaɓa to gə ɓo gə kula ɗaje nama, to gə mənuji ang, be ang nama, kula ɗa kara to kula ɗa ang tɔ.

Romaindjé 4:4

Be ɓa dəw gə ɗa kula le d-o lar kuga-a gə ne mənuji ang baa, ngaa to ne gə ɔji dɔ-ɛ.

1 Corinthiendjé 15:58

Be ɓa, ngan ko̰-mje gə m-njigi-si ya̰, uwaje gədərə, ulaje ngira-si nangə, awje gə kede-kede mə kula gə lə Mbayɓe, mba ꞌgərəje to gə kula lə Mbayɓe gə ꞌɗaje le to ne gə baa ang.

2 Corinthiendjé 12:10

Gəl-e gə nee ɓa rɔ-m lələ-m dɔ tɔgə godo gə, dɔ tajije gə, dɔ ndoo neje gə to-m gə, dɔ kula kəm ndoo gə, dɔ nekəmandooje gə gə ɔji dɔ Kirisi, mba logə tɔgə-m godo ja ɓa m-uba singa ɓi.

2 Corinthiendjé 4:1

Gəl-e gə nee ɓa, kula gə Luba um ji-si gə go məmay gə lə-a le, sijee j-ila ne kasə ang.

2 Corinthiendjé 4:12

Be ɓa yo o̰ ne ɓe dɔ sijee gə, ngaa sisəy ɗaa, təbə uru gada mə-si gə.

2 Corinthiendjé 5:8

Tɔgərɔ, j-unda singa-si dɔ rɔ-si gə ja, ngaa ja njigi ya̰ mba kuba darɔ nee le kḭya̰, mba kaw kisi naa gə gə Mbayɓe.

2 Corinthiendjé 7:4

M-ḭya̰ mə-m yag m-ar-si, rɔ-m ndɔɔ ya̰ dɔ si gə, mə-m oso nangə pɔ̰, rɔləl ɗusu mə-m dan ꞌməsərəje gə j-o gə.

Galatedjé 1:1

ꞌMa, Pɔl, m-ɗa mbede nee, m-ar-sisəy njetakagəje gə mə Mbo̰ naaje lə njetakagə gə dɔ nangə gə Galat. M-to njeka̰ykula lə Jeju Kirisi gə dəwje ɓa ula-m ang nəm ngaɓa dəw ɓa ɔr-m ang nəm tɔ. Ngaa Jeju Kirisi je gə Luba gə Bɔ gə to nje ndol Kirisi horo nje gə d-uy ɓa d-ula-m.

Ephésiendjé 1:6

mba kila ne riɓar ɔji dɔ njigi gə lə-a gə n-unda ne sijee dan may gə ɗəw gə lə ngon-e gə n-ɓol-e.

Ephésiendjé 3:13

To gə be ɓa, m-dəji-si mba kar-si ilaje kasə ɔji dɔ tuji gə m-isi dan-ɛ gə mba tar lə-si ang. To gə ne riɓar lə-sisəy.

Philippiendjé 2:17

Ngaa, le to gə m-nuga rɔ-m kadə m-ɔsə ne dɔ kar-sisəy gə dɔ kula takagə lə-si gə to nepolo gə nenuji kara, m-ɗa rɔləl-e ngaɓa m-təl m-ɗa gə sisəy tɔ̰y;

Philippiendjé 2:30

mba n-əndə ba̰y yo mba kula lə Kirisi, n-ila rɔ-ɛ da, n-ta ne toro si n-la ne sə-m.

Colossiendjé 1:24

Ɓisine ɗaa m-ɗa rɔləl dan ꞌməsərə gə m-o ɔji dɔ-si ngaɓa ɗəw darɔ-m gə ɗaa m-tɔl ta kɛsə ꞌməsərə gə Kirisi o ɔji dɔ darɔ-ɛ gə to Mbo̰ naa lə njetakagəje.

1 Thessaloniciendjé 2:2

Ngaa, go ꞌməsərə gə j-o ngaɓa kəm-si gə d-ula ndoo mə ɓe gə Pilipi gə to gə oje ne tar-ɛ le ja kara, Luba ula jingaw mə-sijee gə ar j-ila mbərə Tar gə May lə-a j-ar-sisəy dan nejɔgəje gə bula.

1 Thessaloniciendjé 3:3

mba kar neməko̰je gə ɓisine cɛdə singa dəw kara horo-sisəy gə ang. Mba sisəy ja kara ꞌgərəje to gə neje gə əng le to ɔji dɔ sijee ja.

2 Timoce 1:12

Ngaɓa gəl-e gə nee ja tɔ ɓa m-o ne ꞌməsərə ngaa rɔ kul uwa-m ang, mba m-ta kagə Kirisi Jeju. Ngaɓa m-gərə gə maj-ɛ to gə n-asə ngom ne gə n-um ji-m gə le saar ndɔ gə n-a təl ne.

2 Timoce 3:11

kəm-m gə d-ula ndoo, gə mɛr gə m-o kara o gə kəm-i nəm tɔ. Ne ur ti gə ɗa-m mə ɓe gə Antiyos, gə mə ɓe gə Ikoniyom, gə mə ɓe gə Lisətərə le o ja. D-ula kəm ndoo ya̰ ja ngaa m-uwa gədərə. Ngaɓa Mbayɓe ḭya̰-m kəne ang.

2 Timoce 4:17

Ngaa Mbayɓe ja to dər gəl-m ngaɓa ar-m singa m-pa ne tar lə-a m-ar gəl kuji dəwje gə ꞌgərə Luba ang d-o mba kar aw ne lo-e gə. Mbɔr dɔ singamongə lə Luba ɓa m-ce ne ta tobḭ gə.

Tite 1:3

Tar gə Luba gə njekaji-si um ji-m gə le dɔ kar-ɛ asə ɗaa ye ja un ndu-e ar-m mba kar-m m-pa gə ɗaga.

Tite 2:11

Mənuji lə Luba gə to gəl kaji lə dəwje tɔ̰y le kila rɔ-ɛ gə ɗaga.

Ebərəje 10:34

Mba oje kəmtondoo lə nje gə to kəy kula gə, ngaɓa d-uwa si nemayje lə-si ꞌta kara to si ang nəm, mba ꞌgərəje to gə ingaje nemayje gə to ɓəəl gə a to gə ɓal-ɓal nam.

1 Piyɛr 5:12

Ɗəw gə lə ngon ko̰-si gə to dəw gə gadə-gadə, gə ri-a na Silibɛ̰ ɓa m-ɗa ne mbede nee, m-pa ne gə si tarje ɓəl, mba ndəji-si ne ngaɓa pa ne kar-si to gə mənuji lə Luba gə tɔgərɔ le, to to gə be ja ɗaa, uwaje gədərə kəm-si gə kede.

1 Jean 3:16

Ne gə sijee j-a gərə ne njigi lə ɓa nee: ꞌne le, n-un təbə lə-a n-uga nee dɔ-si. Be ɓa, sijee kara, j-un təbə mba ngan ko̰-sijee.

Apocalypse 12:11

Ngaa ngan ko̰-sijee le ꞌcɛdə ɗɔ da kɔb ɗəw məsə ngon badəm gə ngaɓa gə ɗəw tar naji lə-je gə ꞌjejee ꞌpa. Ta yo gə ja kara d-əji rɔ-je ang saar.

Apocalypse 6:11

Ɗaa d-ar-je, na-na kara, kubu gə ngal yududu gə nda kələw-kələw. Ngaɓa ꞌpa d-ar-je kar d-uwa kɔr-je dɔ kar njɛ̰ be, saar gə mba kar nje baa kulaje lə-je, gə ngan ko̰-sijee gə d-a tɔl-je to gə ꞌjejee be tɔ le, d-udu ta-je bugum ɓa.