Koula 20:21 - Mbede Lə Luba Kone Gə Sigi

²¹ m-pa gə ɗaga m-ar Jiibije gə dəwje gə ꞌgərə Luba ang mba kar turu kəji gə rɔ Luba gə ngaɓa ꞌta kagə Mbayɓe lə-si Jeju.

Testament ke Siki 1960 (Kabba Laka)

²¹ Ma mpa tar nadji mare Juifdjé ke Grecdjé tò, tar mbeté kedji né da ke madjang, ta dé rò Allah té, ke ta ko mèdè té ke Mbaibé lodjè Jésus Christ.

Koula 20:21 ပူးပေါင်းရင်းမြစ်များ

Matiye 3:2

N-pa na: ꞌTuruje kəji lə-si, mba ɓeko̰ gə dara nay əw ang baa.

Matiye 4:17

Dɔ kar-ɛ gə Jeju ila mbərə ngaɓa pa na: ꞌTuruje kəji lə-si mba ɓeko̰ gə dara nay əw ang baa.

Marəke 1:15

N-pa na: Dɔ kar asə nam, ɓeko̰ lə Luba le nay əw ang baa. ꞌTuruje kəji lə-si, ɓo ꞌtaje kagə Tar gə May.

Marəke 6:12

Be ɓa d-aw ɗaa d-ila mbərə turu kəji.

Lugu 13:3

Bənəng ang baa, m-pa m-ar-si, ngaa to gə ɓo ꞌturuje kəji lə-si ang nama, a kuyje to gə bənəng ja tɔ.

Lugu 13:5

Bənəng ang baa, m-pa m-ar-si, ngaa to gə ɓo ꞌturuje kəji lə-si ang nama, a kuyje to gə bənəng ja tɔ.

Lugu 15:10

Ɗəw kara baa, m-pa m-ar-si, logə njeneɗa gə kṵra̰y turu kəji lə-a nama, rɔ anjije lə Luba ləl-je.

Lugu 15:7

Ɗəw kara baa, m-pa m-ar-si, logə njeneɗa gə kṵra̰y turu kəji nama, to rɔləl ya̰ mə dara gə unda dəwje gə gadə-gadə dɔg ji nay kara gə gir-je gə ji nay kara gə ꞌturu kəji lə-je ang.

Lugu 16:28

mba m-aw gə ngan ko̰-mje mi d-isi kəne əng. Kəm kar n-aw n-pa n-ar-je kede nam ɓa, mba kar ꞌjeje kara, ꞌɗe lo ko ꞌməsərə gə m-ar kəne nee ang.

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Jean 3:36

Dəw gə ta kagə Ngon nama inga təbə gə to gə ndɔ gə ndɔ; dəw gə ta kagə Ngon ang nama kinga təbə lə-a gə gə ndɔ gə ndɔ a godo, ngaa wungu lə Luba nay dɔ-ɛ gə.

Koula 10:43

Pajambərəje tɔ̰y ja ꞌpa tar naji lə-a na: Dəw gə ta kag-ɛ nama mbɔr dɔ ri-a ja tar neɗaje gə kṵra̰y a kɔr ne dɔ-ɛ gə.

Koula 11:18

Logə d-o-je tar le to gə be ɗaa məko̰ lə-jə unda nangə bɛm ar d-ɔsə gaji Luba na: Be ɓa dəwje gə ꞌgərə Luba ang kara Luba ar-je ɗəw mbəl kəji mba kar d-inga ne təbə tɔ.

Koula 16:31

Pɔl je gə Silas d-ila kəne na: ꞌTa kagə Mbayɓe Jeju nama a kaji, ꞌi gə njeməkəyje lə-i.

Koula 17:30

Luba le, ḭya̰ go neje gə dəw ɗa dɔ kar mbə gə ɗaa ɓogəne ila mbərə ar dəwje gə lo tɔ̰y ja mba kar ꞌturu kəji lə-je,

Koula 19:17

Ne gə nee le dəwje tɔ̰y gə d-isi Epɛs ꞌgərə, Jiibije gə dəwje gə ꞌgərə Luba ang gə ar ɓəəl unda-je badə gangə-je ɗaa d-ila riɓar dɔ ri Mbayɓe Jeju gə.

Koula 2:38

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Koula 2:40

Ngaɓa n-pa tarje bula n-ula ne jingaw mə-je gə nəm ngaɓa n-pa ne tar naji na: Ar-je d-aji-si horo dəwje gə kṵra̰y gə ɓogəne.

Koula 20:23

ne kara baa le, gə ɓeboje kara kara ja, Njil Njerɔsangə tɔji-m ngaɓa pa ar-m to gə d-a tɔ-m ngaɓa neməsərəje d-aw ngina-m.

Koula 20:24

Ngaa kara ja kara m-o təbə lə-m gə ne gə to ɓəəl ta kəm gə ang, may kar m-tɔl ta ngɔdə lə-m ngaɓa ta kula gə m-inga ji Mbayɓe Jeju gə, gə to kila mbərə Tar gə May kar mənuji lə Luba.

Koula 24:24

Ndɔje nday ɓəl go-e gə ɗaa, Pilis ɗe gə jene lə-a Durusil gə to Jiibi ngaɓa ula ɓar Pɔl. N-ɗe n-o tar t-ɛ gə ɔji dɔ ta kagə Kirisi Jeju.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Koula 26:20

ngaa m-pa tar turu kəji gə mbəl kəji təl gə rɔ Luba gə, gə ɗa kul-ɛ gə dana gadə m-ar nje gə Damasə kede ngaɓa nje gə Jerujalɛm, gə nje gə dɔ nangə gə Jude tɔ̰y, ngaɓa dəwje gə ꞌgərə Luba ang nəm tɔ.

Koula 28:23

Go-e gə ɗaa d-ila ndɔ d-ar-ɛ ngaɓa ꞌɗe bula d-inga-a lo to-e gə. Logə n-ɔr gəl tar lə-a le ɗaa n-ɗa tar naji gə ɔji ɓeko̰ lə Luba ngaɓa n-sangə ɗəw torondu gə lə Moyiji ngaɓa gə mbede lə Pajambərəje, mba cɛdə ne singa-je ɔji dɔ Jeju, un kud-e gə ndɔɔ ja saar ce kar kumatagə.

Koula 3:19

Be ɓa ꞌturuje kəji lə-si gə ꞌmbəlje mə-si ɓo ar-je Luba bɔrə ne neɗa gə kṵra̰y lə-si gə kɔrɔ.

Koula 8:25

ꞌPa tar naji gə d-ila mbərə tar lə Mbayɓe d-ar dəwje bula mə ngan ɓeje gə Samari nam ɓa ꞌtəl d-aw Jerujalɛm ɓi.

Romaindjé 1:14

Njekəm karəje gə njekəm karə angje nəm, baw ne gərəje gə mbəje nəm le, ɓangə lə-je to dɔ-m gə:

Romaindjé 1:16

Mba m-ɗa rɔ kul ɔji dɔ Tar gə May ang, mba to singamongə lə Luba mba kar dəw gə ɗa-ɗa gə takagə nama aji ne, Jiibi ja dɔngɔr, ngaɓa dəw gə to Jiibi ang tɔ.

Romaindjé 10:9

To gə ɓo ꞌpa gə ta-i ja to gə Jeju to Mbayɓe, ngaɓa ꞌta kagə mə-i gə to gə Luba ndol-e horo nje gə d-uy nama, a kinga kaji.

Romaindjé 2:4

Ose məmay lə-a gə boy, gə kila mə dɔ mar-ɛ gə lə-a ngaɓa kore ur lə-a le ꞌi o gə neje gə baa, lal kar-i ꞌgərə to gə məmay lə Luba ɔs-i ngug-ngug kar-i ꞌturu ne kəji lə-i wa?

Romaindjé 4:24

ɔji dɔ sijee tɔ, gə d-a tura si, sijee gə j-a takagə nje ndol Mbayɓe lə-si Jeju horo nje gə d-uy gə,

Romaindjé 5:1

Mba ꞌtura si gə dəwje gə gadə-gadə ɗəw takagə gə le ɗaa, ɗɛgɛgɛ to horo-sijee gə gə Luba ɗəw gə lə Mbayɓe lə-si Jeju Kirisi;

1 Corinthiendjé 1:22

Mba Jiibije dəji netɔjije, Gərɛgəje ɗaa sangə kəm karə.

2 Corinthiendjé 7:10

Mba kəm gə to ndoo gə may ta kəm Luba gə le, ɗe gə turu kəji gə ce dɔ kaji gə ngaɓa jɔgə dəw ang, ngaa kəmtondoo gə dɔ nangə gə nee le uji yo.

Galatedjé 2:16

To gə be ɓa, Luba o dəw gə dəw gə gadə-gadə ɔji dɔ kuji gə kila dɔ torondu gə ang ngaa ɔji dɔ takagə Jeju Kirisi. Sijee kara j-a ta kagə Jeju Kirisi mba kar Luba o ne si gə dəwje gə gadə-gadə ɗəw ta kagə Kirisi gə, ɓo dəw a to gadə-gadə ɗəw kila kuji dɔ torondu gə ang, mba dəw kara gə Luba a ko-e gə dəw gadə-gadə gə go kuji gə kila dɔ torondu le godo.

Galatedjé 2:20

m-aw kəm ja baa ngaa to ꞌma ɓa m-aw kəm baa ang, ɗaa Kirisi ɓa isi kəm baa mə-m gə. Kaw kəm baa lə-m ɗəw darɔ gə ɓogəne le m-aw kəm baa ɗəw takagə ngon lə Luba gə njigi-m ngaɓa ila rɔ-ɛ kɔrɔ mba-m.

Galatedjé 3:22

Ngaa Mbede um ne tɔ̰y gəl singamongə gə lə neɗa gə kṵra̰y mba kar ndu kun gə d-uwa dɔ gɔl-ɛ le, d-ar njetakagə ɗəw takagə Jeju Kirisi gə.

Ephésiendjé 1:15

Gəl-e gə nee ɓa, ꞌma kara, logə tar ta gə ꞌtaje kagə Mbayɓe Jeju, ngaɓa njigi gə ꞌnjigije njerɔsangəje tɔ̰y oso mbi-m gə ɗaa,

Colossiendjé 2:5

Mba, le darɔ-m godo gə si kara m-ga̰ gə si ɗəw njil gə, rɔ-m ləl-m mba m-o to gə isije gə go ɗəb-e ngaɓa takagə lə-si kara to gə mong-e dɔ Kirisi gə tɔ.

Pilimo 1:5

mba m-o tar njigi gə takagə lə-i gə ɔji dɔ Mbayɓe Jeju ngaɓa ɔji dɔ njerɔsangəje tɔ̰y.

1 Jean 5:1

Dəw gə ɗa-ɗa ɓa ta kagə to gə Jeju to Kirisi nama, Luba uji-e, Ngaɓa dəw gə ɗa-ɗa ɓa gə njigi Bɔ ngon je nama njigi ngon-e tɔ.

1 Jean 5:5

Dəw gə nje cɛdə ɗɔ dɔ nangə to na wa? Be ang nama, dəw gə ta kagə to gə Jeju to Ngon lə Luba ja ɓa.