Koula 20:2 - Mbede Lə Luba Kone Gə Sigi

² Logə n-aw nday mə dɔ nangə gə nee le ɗaa n-ula jingaw mə-je gə gə tarje ya̰ ngaɓa n-aw n-ce ɓeko̰ gə Gərɛsə gə.

Testament ke Siki 1960 (Kabba Laka)

² Tokou nè ndai loou té ke nou ke nè ndedjidè nya, nè nao Grèce té.

Koula 20:2 ပူးပေါင်းရင်းမြစ်များ

Lugu 3:18

Be ɓa, Ja̰ ar tar ndəji bula dəwje ya̰, cibi n-ila mbərə Tar gə May n-ar-je.

Koula 14:22

d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Koula 15:41

ꞌNday gə ɗəw dɔ nangə gə Siiri gə Silisi d-ula jingaw mə Mbo̰ naaje lə njetakagəje.

Koula 16:12

J-ḭ lo-e gə nee ɗaa j-aw Pilipi gə to dɔngɔr ɓebo gə dɔ nangə gə Masedowan ngaɓa to ɓeko̰ gə Rɔm. J-isi mə ɓebo gə nee le ndɔ bula ɓəəl.

Koula 17:1

Go-e gə ɗaa ꞌnday-je gə ɗəw gə Aməpipolis, gə Apoloni ngaɓa ꞌce-je ne Tesaloniki gə kəy nendo lə Jiibije to kəne.

Koula 17:10

Be ɓa dɔ ndɔ-ɛ gə əng ja londul ɗaa ngan ko̰ naaje d-ar Pɔl je Silas d-ɔdə d-aw Bere. Logə ꞌce-je be ja ɗaa d-andə kəy nendo gə lə Jiibije.

Koula 2:40

Ngaɓa n-pa tarje bula n-ula ne jingaw mə-je gə nəm ngaɓa n-pa ne tar naji na: Ar-je d-aji-si horo dəwje gə kṵra̰y gə ɓogəne.

Koula 20:1

Logə kunda bangə nee le unda nangə ɗaa Pɔl ula ɓar ngan njenendoje ar ꞌɗe, ɗaa ula jingaw mə-je gə ngaɓa ḭya̰-je ɔdə mba kaw gə dɔ nangə gə Masedowan.

Koula 20:11

Logə n-təl n-aw mə kəy gə taar le ɗaa n-cɛdə mbə n-usa, cibi n-təl n-pa tar kur-e əw saar n-ce ne ta dɔɔɓe gə ɓa n-ɔdə n-aw.

Koula 20:3

N-ɗa nay munda mə ɓeko̰ gə nee le ɗaa n-isi pɛrɛrɛ mba kal to mba kaw gə Siiri ngaa gə go njuma gə Jiibije d-ula dɔ-ɛ gə ɗaa, n-un ɗəw n-təl n-aw Masedowan.

1 Corinthiendjé 4:19

Ngaa, to gə ɓo Mbayɓe njigi nama m-a kaw ɓə lə-si ɓisine baa, ɗaa nje kɔsə rɔ-jeje nee le, m-a gərə tar pa lə-je ja baa ang, ngaa ne gə d-a kasə ɗa kara nəm.

Colossiendjé 1:28

ꞌNe ja j-ila mbərə lə-a, j-a ndəji ne dəwje kara kara ngaɓa j-a ndo dəwje kara kara gə kəm karə tɔ̰y, mba kar na-na kara to ne dəw gə may pɛdə ɗəw gə lə Kirisi.

1 Thessaloniciendjé 2:11

Sisəy ꞌgərəje to gə na-na kara horo-si gə le, j-a ɗ-ɛ to to gə bɔ nganje ɗa ne ngan-ɛ gə maj-ɛ be.

1 Thessaloniciendjé 2:3

Tar ndəjije lə-sijee le, j-ar gə mbɔr-ɛ baa ang nəm, gə kəji gə mina ang nəm ɓa j-a ɗa gə gusu baa ang nəm tɔ;

1 Thessaloniciendjé 4:1

Ɗudu tar ɗaa, ngan ko̰-sijee, ne gə j-a dəji sisəy ngaɓa j-a ndəji sisəy kəne ɗəw gə lə Mbayɓe Jeju ɓa to nee: pa nja gə dəw a nja ɓa mba ta ne kəm Luba le ꞌndoje rɔ-sijee gə, ɗaa njaje pa nj-ɛ nam ngaa, be ɓa may kar-si ꞌnjaje kəne be dɔ-si gə kede ja ɓi.