Koula 2:7 - Mbede Lə Luba Kone Gə Sigi

⁷ Lo tar igi-je sɛl ngaɓa al dɔ-je ɗaa ꞌpa na: Dəwje gə d-ar d-aw ꞌpa tar nee le ꞌto ngan njeɓeje gə Galile ja tɔ̰y ang wa?

Testament ke Siki 1960 (Kabba Laka)

⁷ Mèdè ounda do bia, dèdè dedji nya mpana, Woidjé, dooudjé toï ke pa tar to to dooudjé ke Galilée té ang wa?

Koula 2:7 ပူးပေါင်းရင်းမြစ်များ

Matiye 21:11

Bula dəwje d-ila kəne na: To gə Jeju pajambərə gə mə ɓe Najarɛd, dɔ nangə gə Galile.

Matiye 26:73

Waga ɗaa, nje gə d-ar lo-e gə ꞌɗe d-inga Piyɛr ꞌpa d-ar-ɛ na: Tɔgərɔ ja, ꞌi kara, ꞌto kara lə dəwje gə nee le tɔ, ndo̰ tar lə-i ja j-a gər-i ne.

Matiye 8:10

Logə Jeju o tar gə njekun dɔ njeɗɔje gə tɔl le pa to gə be, ɗaa lo tar ig-e sɛl gə rɔləl, cibi ɓa təl pa ar dəwje gə ꞌndole go-a na: Tar gə tɔgərɔ ja m-pa m-ar-si to gə horo dəw mə ɓeje gə Ijirayɛl nee tɔ̰y ja kara m-o takagə gə bo to gə be ang.

Marəke 1:27

Dəwje tɔ̰y ja njil-je ce ar-je ꞌdəji naa tar gə yo gə nee na: Ne gə ban ɓa to gə be wa? To netɔji gə sigi gə gə singamong-ɛ wa? N-un ndu n-ar njilje gə kṵra̰y ja kara, d-ila kuji kəne səmə!

Marəke 2:12

Ji naa gə nee ja, n-ḭ taar, n-un tuwa lə-a cibi n-ɔsə lo n-ce kəm dəwje gə tɔ̰y ja, n-ar lo tar igi-je sɛl, ɗaa d-ɔsə ne gaji Luba ꞌpa na: J-o ne gə to gə be ndɔ kara ang.

Jean 7:52

D-ila-a kəne na: ꞌI kara ꞌto gə dəw gə Galile gə ja tɔ ang wa? ꞌTən Torondu gə maj-ɛ o, ɗaa a gərə to gə pajambərə a kḭ Galile gə ang.

Koula 1:11

Sisəy dəwje gə Galile, mba ɗi ɓa arje aw aje ne lo gə dara wa? Jeju nee gə d-un-e horo-si gə dɔ-ɛ gə dara gə aw le, n-a təl ɗe ɗəw kara baa to to gə aw o-eje ne lo kaw gə dara be tɔ.

Koula 2:12

Dəwje nee tɔ̰y ja lo tar igi-je sɛl ngaɓa ꞌtəl ꞌdəji rɔ-je tar na: A gə nee ɗa, j-a kɔr gəl-e to gə ban ɓa nee.

Koula 2:8

Ngaa na ban ɓa na-na kara horo-si gə nee o ndu-je gə ndo̰ tar kuj-e kuj-e nee wa?

Koula 3:10

Dəwje ꞌgər-e taar baa ja ɗaa ꞌpa na: To dəw gə nje kisi kɔy ne ta kəy gə lə Luba gə ꞌɓar-ɛ Bɛl le ang wa? Ɗaa ɓəəl unda-je badə gangə-je ngaɓa lo tar igi-je sɛl mba ne gə ce dɔ-ɛ gə le.