Koula 2:33 - Mbede Lə Luba Kone Gə Sigi

³³ Luba un-e unda-a dɔ ji kɔl-ɛ gə, ɗaa n-inga Njil Njerɔsangə gə Luba uwa dɔ gɔl-ɛ le ngaɓa n-ar-ɛ ɗe dɔ-si gə ɗaa oje gə kəm-si nəm gə mbi-si nəm tɔ.

Testament ke Siki 1960 (Kabba Laka)

³³ Tokou ban mbata Allah wèè ke tarr do dji kòlè té, ke mbata nè ninga ke dji Bòi Allah té tar ke madji lo Ndil ke madji toï, nè nongou yéh nèn ke sésè woidjé ke kemsè ke mbisè.

Koula 2:33 ပူးပေါင်းရင်းမြစ်များ

Matiye 28:18

Jeju ɗəm gə rɔ-je gə pa ar-je na: M-inga singa ko̰ dɔ neje mə dara gə gə dɔ nangə nee tɔ̰y.

Marəke 16:19

Logə Mbayɓe Jeju pa gə je tar tɔ̰y ɗaa d-un-e d-aw sə-a dara, ɗaa n-isi dɔ ji kɔl Luba gə.

Lugu 24:49

Ɗaa, oje, ne gə Bɔy uwa dɔ gɔl-ɛ ɔji dɔ-si le, m-a kula-a dɔ-si gə. Sisəy ɗaa, isije mə ɓe gə nee saar mba kar singamongə gə ḭ taar dəbə dɔ-si gə.

Jean 14:16

ꞌMa, m-a dəji Bɔ dəwje kar-ɛ ar-si njekuul mə-si gə ɗangə kara, mba kar-ɛ isi gə si gə no.

Jean 14:26

Ngaa njekuul mə, gə to Njil Njerɔsangə gə Bɔy a kula-a gə ri-m a ndo-si neje tɔ̰y ngaɓa a kole mə-si dɔ neje tɔ̰y gə m-pa tar-ɛ m-ar-si tɔ.

Jean 15:26

Logə njekuul mə dəwje gə m-a kar a kḭ rɔ Bɔy gə ɗe ye to gə njil tar gə tɔgərɔ gə m-a kula-a a kḭ rɔ Bɔy gə ɗe ɗaa, ꞌne ja gə dɔ-ɛ n-a pa tar naji lə-m.

Jean 17:5

Ɓisine ɗaa, Bɔ dəwje, ꞌɗɔy-m gə rɔnduba gə m-inga rɔ-i kede nam ɓa dɔ nangə to le.

Koula 1:4

Ndɔ kara n-aw n-usa ne gə ngan njekulaje lə-a le ɗaa n-un ndu n-ar-je na: Awje əw gə ɓebo gə Jerujalɛm ang ngaa ꞌnginaje ne gə Bɔy uwa dɔ gɔl-ɛ, ne gə m-pa tar-ɛ m-ar-si le.

Koula 10:45

Njetakagəje gə to Jiibije tɔ̰y gə ꞌɗe gə Piyɛr d-o dum dɔ-je mba dəwje gə ꞌgərə Luba ang kara d-inga nekarə baa lə Njil Njerɔsangə.

Koula 2:17

Luba pa na dɔ ndɔje gə gugu nama, Dəw gə ɗa-ɗa kara Njil-m a kuru m-e gə, Ngan-si gə jingaw gə ngan si jene d-a kila mbərə M-a pa tar gə basa̰je d-a ko ne lo kiya gə Ngaɓa ɓugaje kara m-a pa gə je tar gə ni tɔ.

Koula 5:31

Luba unda-a dɔ ji kɔl-ɛ gə, gə Mbay ngaɓa gə Njekaji dəwje, mba kar Ijirayɛlje ꞌturu ne kəji lə-je ngaɓa gə mba kar tar neɗa gə kṵra̰y ɔr ne dɔ-je gə.

Romaindjé 5:5

ngaɓa, kunda mə ɗa nerɔkul ang, mba Njil Njerɔsangə gə d-ar-si le, ar njigi lə Luba ta mə-si ya̰-ya̰.

Galatedjé 3:14

Be ɓa, dəwje gə ꞌgərə Luba ang gə ꞌta kagə Jeju Kirisi d-inga ne ndu tɔr lə Abəraham, mba kar ɗəw takagə gə ɗaa, sijee kara j-a kinga ne Njil gə Luba uwa dɔ gɔl-ɛ.

Ephésiendjé 1:13

Ɗəw gə lə Kirisi le ja tɔ ɓa, sisəy oje ne mbərə tar gə tɔgərɔ, Tar gə May gə gə aji-si. Gə go ɗəw gə lə-a le ja cibi ɓa, sisəy ꞌtaje ne kagə, ɗaa d-ɔsə bəngə ji gə kar Njil rɔ-si gə, Njil Njerɔsangə gə d-ɔji gə mba kar-si,

Ephésiendjé 4:8

Gəl-e gə nee ɓa, ꞌɗa mə mbede gə na: N-aw mə lo gə taar əw, n-aw gə nje gə ꞌto kəy kula gə dɔ-ɛ gə, ngaɓa n-ar dəwje nekarə baa.

Tite 3:6

Luba ula Njil Njerɔsangə ɗəw gə lə Njekaji-si Jeju Kirisi ar-ɛ ɗusu mə-si tubu,

Ebərəje 10:12

Ngaa ꞌne le, logə n-un nepolo mba neɗa gə kṵra̰y gɔl kara ja ɗaa, n-isi dɔ ji kɔl Luba gə gə ɓal-ɓal,

Ebərəje 2:9

Ngaa nje koso kul no anjije gə kur-e əw ɓəəl baa le, Jeju gə j-o rɔnduba gə d-ula dɔ gə, gə ɗɔy gə ꞌɗɔy-ɛ, mba ꞌməsərə yo gə n-o, be ɓa gə go mənuji lə Luba ɓa n-o ne yo gə rɔ-ɛ mba-si tɔ̰y.

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.