Koula 2:30 - Mbede Lə Luba Kone Gə Sigi

³⁰ Ngaa n-to pajambərə ɗaa Luba naji dɔ rɔ-ɛ gə to gə dəw kara gəl kuji gə lə-a a kisi dɔ ngəndəng mbay gə lə-a.

Testament ke Siki 1960 (Kabba Laka)

³⁰ Tokou ban, mbata nè nto prophète, ke nè ngeré Allah tòè ke koubou rè leo, ke Allah a karè ngon kada ke nè na koudjè ta kisi ngèndé béh kö té la,

Koula 2:30 ပူးပေါင်းရင်းမြစ်များ

Matiye 22:43

Ɗaa Jeju təl pa ar-je na: Na ban cibi ɓa logə Njil Njerɔsangə ɗusu mə Dabidi ɗaa, ɓar-ɛ Mbayɓe, logə ye pa na:

Matiye 27:35

Logə ꞌɓər-e kagə dəsə gə ɗɔdə ɗaa ꞌɗa ꞌya̰a̰ ꞌkay ne naa kubuje lə-a be ɓa gə mba kar tar gə pajambərə pa na: ꞌKay naa kubuje nəm, cibi ɓa ꞌɗɔ-je ne mbay le aw ne lo-e gə.

Marəke 12:36

Dabidi gə darɔ-ɛ ja pa gə ɗəw gə lə Njil Njerɔsangə ɔji dɔ Kirisi na: Mbayɓe Luba pa ar Mbayɓe lə-m: Isi dɔ ji kɔl-m gə, Saar gə mba kar-m m-təl ne njeba̰a̰je lə-i mba kar ꞌnja dɔ-je gə.

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Koula 1:16

Ngan ko̰-mje, may kar tar gə mbede pa kede nam le aw lo-e gə: Njil Njerɔsangə pa gə ndu Dabidi ɔji dɔ Judas, mba Judas ja təl to njekɔr no nje gə d-aw d-uwa Jeju.

Romaindjé 1:3

ɔji dɔ ngon-e gə d-uji-e gəl kuji gə lə Dabidi, ɗəw darɔ gə,

Romaindjé 15:12

Ejay kara pa tɔ, na: Ngira Jese le, a kuba, ꞌNe gə n-a kuba nangə kḭ mba kɔr no gəl kuji dəwje; Gəl kuji dəwje d-a kunda mə-je dɔ-ɛ gə.

2 Timoce 2:8

Ole mə-i dɔ Jeju Kirisi gə, gə ndol horo nje gə d-uy gə, ḭ gəl kuji gə lə Dabidi, gə go Tar gə May gə m-ila mbər-e.

Ebərəje 1:1

Kede ləw le, Luba pa tar ar ka-sijee gə ndu pajambərəje gə ɗəwje dang-dang gɔl bula,

Ebərəje 3:7

Gəl-e gə nee ɓa, gə go tar gə Njil Njerɔsangə pa na: To gə ɓo oje ndu-e ɓogəne nama,

Ebərəje 4:7

cibi n-təl n-ila ndɔ to gə sigi na ɓogəne, ꞌpa ne gə ndu Dabidi ləw baa ja, to to gə ꞌpa ne kede əng le na: To gə ɓo oje ndu-e ɓogəne nama, Ar-je mə-si kədərə ang.

Ebərəje 6:17

To gə be ɓa Luba kara njigi tɔji nje gə uwa dɔ gɔl ne ar-je to gə ndu-e a turu ang ɗaa naji dɔ darɔ-ɛ ye gə,

Ebərəje 7:21

Nje gə kɛm le, ꞌto njekapoloje lal kar d-ore kudu-je gə naji ngaa ꞌne le, Mbayɓe naji ar-ɛ na: ꞌto njekapolo ja gə dɔbo̰, ɗaa nj-ɛ a turu kəji lə-a kəne ang.

2 Piyɛr 1:21

mba tar gə pajambərəje ꞌpa le, ɗe gə go kəm karə lə dəw kara ang, ngaa Njil Njerɔsangə ɓa ar-je singamongə ꞌpa ne tar gə ndu Luba.

Apocalypse 17:14

D-a ɗa ɗɔ gə ngon badəm ɗaa, ngon badəm a cɛdə-je ɗɔ, mba n-to Mbayɓe lə mbayɓeje ngaɓa Mbay lə mbayje. Ɗaa nje gə ꞌɓar-je, gə nje gə ꞌmbərə-je ngaɓa gə nje gə ꞌto ngon kuji d-a cɛdə sə-a ɗɔ naa gə kara baa tɔ.

Apocalypse 19:16

ꞌƊa ri kara kubu gə lə-a ngaɓa dɔ bingi-e gə na: Mbay lə mbayje ngaɓa Mbayɓe lə mbayɓeje.