Koula 2:24 - Mbede Lə Luba Kone Gə Sigi

²⁴ N-uy ɓa Luba ndol-e ɔr-ɛ ne ji yo gə mba ɗəw gə yo a ko̰ ne ɓe dɔ-ɛ gə godo.

Testament ke Siki 1960 (Kabba Laka)

²⁴ A Allah arè nï tarr mbata nè nòrou né ongou yo mbä, mbata yo ase ta ngemè ang.

Koula 2:24 ပူးပေါင်းရင်းမြစ်များ

Matiye 27:63

ɗaa ꞌpa na: Mbay, mə-si ole dɔ tar gə nje kərə dəwje le pa, logə isi ne gə təbə baa ɓi na: To gə ɓo ndɔ munda go kuy gə lə ne nama, n-a kɔsə lo ce buwa yo gə.

Jean 10:18

Dəw kara kara ɔr təbə lə-m ang, ngaa ꞌma ja gə dɔ-m m-ḭya̰ təbə lə-m m-ila kɔrɔ; M-aw gə singamongə mba kḭya ne təbə lə-m kila kɔrɔ ngaɓa m-aw gə singamongə mba təl kinga ne to gə ɗangə tɔ; ye gə nee ɓa to gə ndu gə m-inga ta Bɔy gə.

Jean 10:35

Be ɓa nje gə ꞌpa tar lə Luba d-ar-je le, ꞌɓar-je Lubaje tɔ. Mbede lə Luba gə nee le, dəw asə tuji ang.

Jean 12:39

Gəl-e gə nee ɓa, to gə ɓo d-asə ta kagə ang, mba Ejay le təl pa ja cibi na:

Jean 20:9

Mba tar lə Luba gə pa na, may kar n-ndol horo nje gə d-uy gə le, ꞌgərə unja-je ngadə ang ɓi.

Koula 1:16

Ngan ko̰-mje, may kar tar gə mbede pa kede nam le aw lo-e gə: Njil Njerɔsangə pa gə ndu Dabidi ɔji dɔ Judas, mba Judas ja təl to njekɔr no nje gə d-aw d-uwa Jeju.

Koula 13:30

Ngaa Luba ndol-e horo nje gə d-uy gə.

Koula 13:37

Ngaa dəw gə Luba ar-ɛ ce mə buwa yo gə le darɔ-ɛ yɔlɛ ang.

Koula 17:31

mba n-ɔr ndɔ kara n-unda doy, gə n-a gangə ne tar gə ɗəw gə gadə-gadə dɔ dəwje tɔ̰y gə dɔ nangə gə nee. N-ɔr dəw kara n-unda-a kar ye ɓa a ɗa tar nee le, uy ɓa təl ce mə buwa yo gə kəm kar dəwje ꞌta kag-ɛ.

Koula 2:32

Jeju gə nee le uy ɓa Luba ar-ɛ ndol ɗaa sijee j-a to njetar naj-ɛje.

Koula 3:15

Ar-je ꞌtɔl nje gəl kisi kəm baa ngaɓa Luba təl ndol-e horo nje gə d-uy gə ɗaa sijee j-a to njetar naj-ɛje.

Koula 3:26

Luba ɔr ngon njekula lə-a ula ɓe lə-sisəy ja dɔngɔr, mba kar n-tɔr ndu dɔ si gə, gə mba kar na-na kara mbadə ne go neɗaje gə kṵra̰y lə-a.

Koula 4:10

Sisəy tɔ̰y gə dəw mə ɓeje gə Ijirayɛl, ne kara gə kar-si ꞌgərəje ɓa nee: Gə ri Jeju Kirisi gə Najarɛd ja dəw gə ar no-si gə nee le aji ne. Jeju Kirisi gə ꞌɓərə-eje kagə dəsə gə ngaɓa Luba ndol-e ar-ɛ n-ce horo nje gə d-uy gə le.

Koula 5:30

Luba lə ka-sijee ndol Jeju gə ꞌtɔl-ɛje, ꞌɓərə-eje kar kagə gə le.

Romaindjé 10:9

To gə ɓo ꞌpa gə ta-i ja to gə Jeju to Mbayɓe, ngaɓa ꞌta kagə mə-i gə to gə Luba ndol-e horo nje gə d-uy nama, a kinga kaji.

Romaindjé 14:9

Mba Kirisi uy ɓa təl aw kəm baa mba to Mbayɓe lə nje gə d-uy gə nje gə d-aw kəm baa.

Romaindjé 4:24

ɔji dɔ sijee tɔ, gə d-a tura si, sijee gə j-a takagə nje ndol Mbayɓe lə-si Jeju horo nje gə d-uy gə,

Romaindjé 6:4

ꞌDubu-si sə-a naa gə kara baa ɗəw batɛm gə, mba kar to gə Kirisi uy ɓa ndol ne horo nje gə d-uy gə ɗəw rɔnduba gə lə Bɔ dəwje le, ɗəw kara baa kar-sijee kara j-a nja ne ɗəw kisi kəm baa gə sigi tɔ.

Romaindjé 8:11

Ngaɓa to gə ɓo Njil gə nje ndol Jeju horo nje gə d-uy gə le isi mə-sisəy gə nama, ꞌne gə nje ndol Kirisi Jeju horo nje gə d-uy gə nee le n-a kar darɔ-sisəy gə a kuy le inga təbə ɗəw gə lə Njil-e gə isi mə-sisəy gə le.

Romaindjé 8:34

Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee!

1 Corinthiendjé 15:12

Be ɓa, to gə ɓo d-ila mbərə to gə Kirisi uy ɓa ndol horo nje gə d-uy gə ɗaa, nje gə kɛm horo-sisəy gə ꞌpa na ce buwa yo gə lə nje gə d-uy godo to gə ban wa?

1 Corinthiendjé 15:15

Cibi j-a to njetar najije lə Luba gə gə mbɔr-ɛ baa, mba j-a gangə tar j-unda ta Luba gə, to gə n-ndol Kirisi, ngaa n-ndol-e ang baa, to gə ɓo tɔgərɔ ja, nje gə d-uy le ꞌndol ang.

1 Corinthiendjé 15:20

Ngaa ɓisine ɗaa, Kirisi uy ɓa ndol horo nje gə d-uy gə, n-to dɔngɔr dəw gə ndol horo nje gə d-uy gə.

1 Corinthiendjé 15:4

ꞌdub-e, ɗaa ndɔ gə njekum gə munda ɗaa n-ndol, to gə mbede pa,

1 Corinthiendjé 6:14

Be ɓa Luba gə nje kar Mbayɓe uy ɓa ndol le, a kar-sijee j-a kuy mba ndol gə singamongə lə-a tɔ.

2 Corinthiendjé 4:14

Sijee ja gərə to gə nje kar Mbayɓe Jeju uy ɓa ndol le a kar-sijee j-uy ɓa ja ndol gə Jeju naa gə kara baa, ɗaa n-a kar-si j-ar-je naa gə no-ɛ gə.

Galatedjé 1:1

ꞌMa, Pɔl, m-ɗa mbede nee, m-ar-sisəy njetakagəje gə mə Mbo̰ naaje lə njetakagə gə dɔ nangə gə Galat. M-to njeka̰ykula lə Jeju Kirisi gə dəwje ɓa ula-m ang nəm ngaɓa dəw ɓa ɔr-m ang nəm tɔ. Ngaa Jeju Kirisi je gə Luba gə Bɔ gə to nje ndol Kirisi horo nje gə d-uy ɓa d-ula-m.

Ephésiendjé 1:20

N-tɔji singamongə lə-a ɗəw gə lə Kirisi, n-ndol-e ne horo nje gə d-uy gə ngaɓa n-ar-ɛ isi dɔ ji kɔl-ɛ gə mə dara gə taar,

Colossiendjé 2:12

ꞌDubu-si sə-a ɗəw batɛm gə, d-ar-si ja ꞌce-je sə-a mə buwa yo tɔ ngaɓa gə ɗəw ta kagə singamongə Luba gə ar-ɛ n-ce ne horo nje gə d-uy gə.

1 Thessaloniciendjé 1:10

ngaɓa gə mba kar-si ꞌngəbəje ne ngon-e gə n-ndol-e horo nje gə d-uy gə gə a kḭ dara, Jeju gə a kɔr-si ta wungu gə a ɗe gə.

Ebərəje 13:20

May kar Luba gə njekunda gəl ɗɛgɛgɛ, gə ar Mbayɓe le-si Jeju ndol horo nje gə d-uy, to ne njekuul badəmje gə boy, ɗəw gə lə məs-e gə riya ne kone gə to gə ɓal-ɓal,

Ebərəje 2:14

Be ɓa mba nganje d-um naa gə kara ɗəw məsə gə ɗəw darɔ gə ɗaa, ꞌne kara to to gə be ja n-um ne gə je naa gə ɗəw kuy gə lə-a mba guru ne singa ꞌye gə singamongə yo to ji-a gə, gə to ꞌSɛ̰ngərɛ̰,

1 Piyɛr 1:21

ꞌTaje kag-e to gə Luba ar n-ce buwa yo gə horo nje gə d-uy gə ngaɓa ula rɔnduba dɔ-ɛ gə, mba kar gə go takagə lə-si ɗaa undaje ne mə-si dɔ Luba gə.

Apocalypse 1:18

gə nje kisi kəm baa. M-uy ja, ɗaa oje m-isi kəm baa gə no ngaɓa m-uwa lakɛrɛ kar yo gə kar lo gə jabaw ji-m gə.