Koula 2:22 - Mbede Lə Luba Kone Gə Sigi

²² Dəwje gə Ijirayɛl, oje tar gə nee: Jeju gə Najarɛd le to dəw gə Luba ɔr-ɛ, ngaɓa ɗa nemisi, gə neje dang-dang gə kəm dəw o ndɔ kara ang, gə netɔjije ɗəw gə lə-a horo-si gə ar ꞌgərəje.

Testament ke Siki 1960 (Kabba Laka)

²² Dooudjé lo Israël, woidjé tar nèn. Jésus ke Nazareth doou ke Allah oulè horosè té ke tokou koula, ke né ta kare mè dooudjé ounda do biä, ke né tòdjou ke Allah da deo té la kemsè té, sésè ndja egeridjé tokou ban.

Koula 2:22 ပူးပေါင်းရင်းမြစ်များ

Matiye 12:28

Ngaa, to gə ɓo ɗəw gə lə Njil Luba ɓa ꞌma m-tɔbə ne njilje gə kṵra̰y nama, ɓeko̰ lə Luba ce ɓə lə-si nam ngaa.

Matiye 2:23

ɗaa ɓe gə ɓar-ɛ Najarɛd ɓa n-aw n-isi kəne, bənəng ɓa gə mba kar tar gə pajambərəje lə Luba ꞌpa le aw ne lo-e gə na: D-a ɓar-ɛ dəw gə Najarɛd.

Matiye 9:8

Logə bula dəwje d-o be ɗaa, lo tar igi-je sɛl, ar d-ɔsə ne gaji Luba gə nje kar dəwje singamongə gə to gə be.

Lugu 11:20

Ngaa to gə ɓo Luba ɓa ar-m singa m-tɔbə ne njilje gə kṵra̰y nama, ɓeko̰ lə Luba ce ɓə lə-si nam ngaa.

Lugu 18:37

Dəwje d-ila-a kəne na: To Jeju gə Najarɛd ɓa aw nday.

Lugu 24:18

Dəw gə kara horo-je gə ri-a na Kelopas ila kəne na: Se ꞌi ja gə kar-i baa ꞌto dəw gə ꞌga̰ mə ɓe gə Jerujalɛm nee, gə o tar ne gə ɗa ne dɔ ndɔje gə nday nee le ang wa?

Jean 1:45

Pilibi inga Nataniyɛl ɗaa pa ar-ɛ na: Sijee j-inga dəw gə mbede lə Moyiji gə mbede lə pajambərəje ꞌpa tar lə-a, Jeju gə ɓe gə Najarɛd, gə to ngon lə Jəjəb le.

Jean 10:37

To gə ɓo m-ɗa kulaje lə Bɔy ang ɗaa, ꞌtaje kagə-m ang!

Jean 11:47

Ye əng ngaa, buba njekapoloje gə Parijiyɛ̰je d-uwa dɔ naa no ngɔ gangə tar gə lə Jiibije ɗaa ꞌpa na: Ɗi ngaa j-a ɗa wa? Mba dəw gə nee le ɗa netɔjije bula ya̰ ngaa.

Jean 12:17

Bula dəwje gə ꞌga̰ sə-a, logə n-ɓar Lawjar n-ar-ɛ ɔsə lo ce buwa yo gə, ngaɓa ndol-e horo nje gə d-uy gə le, ꞌpa tar naji lə-a.

Jean 15:24

To gə ɓo kulaje gə dəw gə ɗangə kara asə ɗa ang nee le m-ɗa horo-je gə ang nama tar neɗa gə kṵra̰y a kuwa dɔ-je ang; ne ɓisine gə d-o gə kəm-je nda̰-nda̰ nee ja cibi ɓa d-aw ꞌndɔɔl-m ꞌma je gə bɔy dɔ-je gə kede-kede.

Jean 19:19

Pilad ar ꞌɗa bəgərə d-unda taar kagə dəsə gə, d-unja ne kəne na: Jeju gə Najarɛd, mbay lə Jiibije.

Jean 3:2

ꞌNe nee le, n-aw cil gə n-aw n-inga Jeju n-pa n-ar-ɛ na: Njenetɔji, ja gərə to gə ꞌto njenetɔji gə ḭ rɔ Luba gə; mba netɔjije gə, ꞌI, ꞌɗa nee le, to gə ɓo Luba nay gə dəw ang nama nj-ɛ a kasə ɗa kara be ang tɔ.

Jean 4:48

Jeju pa ar-ɛ na: To gə ɓo oje netɔjije, gə neje dang-dang gə kəm dəw o ndɔ kara ang nama a taje kagə kara be ang ja saar.

Jean 5:36

Ngaa tar naji lə-m ꞌma to ɓəəl ya̰ unda kar Ja̰: Kulaje gə Bɔy um ji-m gə mba kar-m m-ɗa le, m-ɗa m-tɔl t-ɛ bɛm. Kulaje gə m-ɗa nee le ja ɗa tar naji lə-m to gə Bɔ dəwje ula-m.

Jean 6:14

Logə dəwje d-o netɔji gə Jeju ɗa ɗaa, ꞌpa na: ꞌNe ja n-to pajambərə gə a ɗe dɔ nangə gə nee to gə tɔgərɔ.

Jean 6:27

Ulaje rɔ-si ndubu mba nekusa gə a kunda nangə mbadagə ang, ngaa mba nekusa gə kar kisi gə təbə gə a to gə no, ye gə Ngon lə dəw a kar-si, mba ꞌne ɓa bəngə ji Bɔ dəwje Luba to rɔ-ɛ gə.

Jean 7:31

Dəwje ya̰ dan bula dəwje gə ꞌta kag-ɛ ɗaa ꞌpa na: Logə Kirisi a ɗe le se, ye a ɗa netɔjije ya̰ kunda kar dəw gə nee ja cibi wa?

Jean 9:33

To gə ɓo dəw gə nee ḭ rɔ Luba gə ang nama, n-a kasə ɗa ne kara ang.

Koula 13:16

Be ɓa Pɔl uba nangə ḭ taar un ji-a ar-je ngaɓa pa na: Sisəy dəwje gə Ijirayɛl, gə nje gə ɓəəl Luba, ꞌtugaje mbi-si.

Koula 14:27

Logə ꞌɗe ɗaa, ꞌmbo̰ bar kəm Mbo̰ naa lə njetakagəje, d-ɔr gəl ne tɔ̰y gə Luba ɗa gə je d-ar-je ngaɓa ɗəw gə n-ɔr ne ta ɗəw takagə n-ar dəwje gə ꞌgərə Luba ang.

Koula 2:19

M-a ɗa neje dang-dang gə kəm dəw o ndɔ kara ang mə dara gə taar Ngaɓa netɔjije dɔ nangə gə nee, Məsə, pər ngaɓa kundu sa;

Koula 2:43

Na-na kara ɓəəl lə Luba ɗusu m-e ngaɓa Luba un njeka̰ykulaje ɗa neje dang-dang gə kəm dəw o ndɔ kara ang bula gə netɔjije.

Koula 21:28

d-uru ne ꞌkuwi na: Ijirayɛlje ꞌce-je, oje dəw gə njetɔji ne gə lo-lo kar dəwje tɔ̰y, tila ne kəm dəw mə ɓeje nəm, tila ne kəm torondu nəm ngaɓa kəm lo gə nee nəm ngaɓa n-ɗe gə dəwje gə ꞌgərə Luba ang mə kəy polo Luba gə mba kar lo gə to losang-ɛ nee le mina ne.

Koula 22:8

M-ila kəne na: ꞌTo na wa, Mbayɓe. Ngaɓa n-ila-m kəne na: ꞌMa, m-to Jeju gə Najarɛd gə ꞌi ula kəm-m ndoo.

Koula 24:5

J-inga dəw gə ar nee le gə dəw gə kṵra̰y gə nje kɔsə gəl ɓɛlɛ horo Jiibije gə tɔ̰y gə dɔ nangə nee, njekɔr no dəwje gə d-unda rɔ-je gangə gə ꞌɓar-je gə dəwje gə Najarɛd,

Koula 26:26

Mbay kara ꞌtɔj-ɛ neje gə nee le tɔ, ɗaa m-pa tar-ɛ gə ɓəəl ang ja m-ar-ɛ, mba m-gərə to gə ne kara kara igi-e ang mba ne gə nee le nday lokiya gə ang.

Koula 26:9

ꞌMa le ja ɓa m-əji to gə tɔsə kəm ri Jeju gə Najarɛd le to ne gə may, a m-ɗa gə singa-m ja.

Koula 3:12

Logə Piyɛr o be ɗaa təl un tar pa ar dəw mə ɓeje na: Sisəy dəwje gə Ijirayɛl mba ɗi ɓa oje ne gə nee le ɗaa lo tar igi si sɛl wa? Mba ɗi ɓa aje si be to to gə singamongə gə ḭ rɔ-sijee gə ose gə kila kuji dɔ Luba gə lə-sijee ja ɓa j-ar dəw nee le nja ne wa?

Koula 3:6

Ngaa Piyɛr pa ar-ɛ na: Lar ose maa kara godo ji-m gə, ngaa ne gə to ji-m gə nee ja m-ar-i, gə ri Jeju Kirisi gə Najarɛd, ḭ taar ɓo ꞌnja.

Koula 4:10

Sisəy tɔ̰y gə dəw mə ɓeje gə Ijirayɛl, ne kara gə kar-si ꞌgərəje ɓa nee: Gə ri Jeju Kirisi gə Najarɛd ja dəw gə ar no-si gə nee le aji ne. Jeju Kirisi gə ꞌɓərə-eje kagə dəsə gə ngaɓa Luba ndol-e ar-ɛ n-ce horo nje gə d-uy gə le.

Koula 5:35

Cibi n-un tar n-pa na: Sisəy dəwje gə Ijirayɛl, ne gə mə-si uwa mba ɗa gə dəwje nee le oje gə maj-ɛ ɓa.

Koula 6:14

Mba j-o gə mbi-si to gə n-pa na Jeju gə Najarɛd a tuji lo gə nee le ngaɓa a mbəl nejiɓeje gə Moyiji ḭya̰ ar-si le.

2 Corinthiendjé 12:12

Neje gə tɔji to gə m-to njeka̰ykula gə ngadə le, sisəy oje gə ɗəw kula gə horo-si gə gə go kuwa gədərə dan nena gə, ɗəw netɔjije, ɗəw neje dang-dang gə kəm dəw o ndɔ kara ang ngaɓa gə ɗəw nemisije gə tɔ.

Ebərəje 2:4

Luba ore kudu tar naji lə-je gə netɔjije, gə nemisije ngaɓa neje dang-dang gə kəm dəw o ndɔ kara ang, gə gusu-eje gə n-ar-je ɗəw gə lə Njil Njerɔsangə to gə m-e njigi.