Koula 2:10 - Mbede Lə Luba Kone Gə Sigi

¹⁰ Piriji, Paməpili, Ejipətə, gə dɔ nangə ɓe gə Libi gə to mbɔr ɓebo gə Sirɛn, gə nje gə d-ḭ mə ɓebo gə Rɔm,

Testament ke Siki 1960 (Kabba Laka)

¹⁰ Ke dèdè ke Phrygie ke Pamphylie ke Egypte, ke maredjé ke mare nange ke Libye ke to nange té ke Cyrène, ke dooudjé ke to ndjè mbaadjé ke ï Rome té, Juifdjé ke dooudjé ke tourou ròdè to Juifdjé to.

Koula 2:10 ပူးပေါင်းရင်းမြစ်များ

Matiye 2:15

Jəjəb isi gə je Ejipətə saar ndɔ gə mbay Erɔdə uy, to gə be ɓa gə mba kar tar gə Mbayɓe pa gə ndu pajambərə le aw ne lo-e gə yɛrɛrɛ na: ꞌMa m-ɓar ngon-m gə ɗaga mə ɓe gə Ejipətə.

Matiye 23:15

Nekəmandoo to kar-sisəy, njekɔr gəl toronduje gə Parijiyɛ̰je gə njetar mulaje! Mba a̰yje ngɔdə ulaje ngangə babo kadə gə gəl nangə mbugu gə mba kinga dəw kara kar-ɛ to nje ta kagə-si, cibi, lo gə ingaje nj-ɛ nam ɗaa, ꞌtəl ꞌɗa-ɛje gə nje kuba tuji dan pər gə gɔl joo unda sisəy.

Matiye 27:32

Logə d-aw ꞌce mə ɓebo gə gə ɗaga ɗaa, d-inga dəw kara gə ɓe lə-a Sirɛn, ri-a na Simo, ɗaa d-uwa gə singa d-ar-ɛ odo kagə dəsə lə Jeju.

Marəke 15:21

Dəw kara ḭ ndɔɔ ɗaa, d-uwa-a gə singa d-ar-ɛ odo kagə dəsə lə Jeju, ri-a na Simo gə ɓe lə-a Sirɛn, bɔ Alɛgəjandərə-je je gə Rupus;

Koula 11:20

Ngaɓa horo-je gə le dəwje gə kɛm gə d-ḭ Sipərə gə Sirɛn ꞌɗe Antiyos ꞌpa d-ar Gərɛgəje tɔ ngaɓa d-ila ne mbərə Tar gə May lə Mbayɓe Jeju d-ar-je nəm.

Koula 13:1

Mbo̰ naa lə njetakagəje gə mə ɓe gə Antiyos le pajambərəje gə njenetɔjije ꞌga̰ kəne: Barənabas, Simiyo̰ gə ꞌɓar-ɛ Nijɛr, Lusiyus gə ɓe lə-a Sirɛn, Manayɛn gə nje baa kuji lə Erɔdə njeko̰ ɓe ngaɓa Sɔl tɔ.

Koula 13:13

Dɔ ndɔ-ɛ gə nee le Pɔl je gə njeba-ɛje lə-a d-ḭ ɓebo gə Papos d-aw Pɛrəjə dɔ nangə gə Paməpili ɗaa Ja̰ uba-je ḭya̰-je təl aw Jerujalɛm.

Koula 13:43

ngaa logə mbo̰ naa unda ngang-ɛ ɗaa Jiibije bula gə njetəl Jiibije njekila kuji dɔ ne gə lə Lubaje ꞌndole go Pɔl je gə Barənabas, ꞌto̰ gə je tam ngaɓa d-ula jingaw mə-je gə mba kar d-uwa tar mənuji lə Luba gədərə.

Koula 14:24

ꞌNdayje Pisidi ngaɓa d-aw Paməpili.

Koula 15:38

ngaa Pɔl njigi ang mba Ja̰ le aw gə je mba kede ɗaa uba-je ḭya̰-je mə ɓeko̰ gə Paməpili lal kore gə je naa ɗəw dɔ kula gə.

Koula 16:6

Dɔ ndɔ-ɛ nee le Njil Njerɔsangə ɔgə-je ɗəw kila mbərə tar dɔ nangə gə Aji. Be ɓa ꞌnday-je ɓeko̰je gə Piriji gə Galasi taar.

Koula 17:21

Njeɓeje gə Atɛn gə mbaje gə ꞌɗe horo-je gə le d-isi gə dɔ karje tɔ̰y ja mba to̰ tam ne gə sigi ose mba tuga mbi-je ko ne.

Koula 18:2

Mə ɓebo gə nee le n-inga Jiibi kara ri-a na Akilas, to ngon njeɓe gə Po̰, je gə jene lə-a ri-a na Pirisika, d-ḭ ɓeko̰ gə Itali ɓisine ɓi, mba dɔ ndɔ-ɛje gə əng le mbay Kolodə un ndu mba kar Jiibije tɔ̰y d-ɔdə Rɔm gə gugu. Ɗaa Pɔl um gə je naa gə.

Koula 18:23

Dɔ ndo-ɛ gə əng le kur-e əw njɛ̰ Antiyos ngaɓa n-day mə ɓeko̰je gə Galasi gə Piriji n-aw n-ula jingaw mə ngan njenendoje gə.

Koula 2:11

gə Jiibije ngaɓa njetəl Jiibije, gə ngan njeɓeje gə Kərɛd gə Arabəje, j-o ndu-je d-ɔsə gaji neɗa mayje lə Luba gə ndo̰ tar kuji-si.

Koula 23:11

Mə cil gə njekore go-e gə ɗaa, Mbayɓe ce dɔ Pɔl gə, pa na: Uwa jingaw mə-i gə, mba ɗəw kara baa to gə ꞌɗa ne tar naji lə-m Jerujalɛm le, a ɗa to to gə be ja tɔ a mə ɓe gə Rɔm gə.

Koula 27:5

Logə j-unda babo kadə gə Silisi gə Paməpili gangə ɗaa j-a ce Mira, ɓeko̰ gə Lisi.

Koula 28:15

Logə ngan ko̰ naaje d-o no-si ɗaa d-aw saar d-inga-si mə ɓe gə ꞌɓar-ɛ nadə ne ndogo lə Apiyus ngaɓa ɓe gə ꞌɓar-ɛ Kəy to mbaaje gə Munda. Logə Pɔl oje ɗaa ɗa Luba oyo ngaɓa uba singa nəm.

Koula 6:5

Tar gə nee ləl bula dəwje tɔ̰y. Be ɓa ꞌmbərə Etiyɛn gə to njetakagə gə to ɓəəl ya̰ ngaɓa Njil Njerɔsangə kara ɗusu m-e nəm, gə Pilibi, gə Porokɔr, gə Nikanɔr, gə Timo, gə Parəmenas ngaɓa Nikola gə to ngon njeɓe gə Antiyos ɓa təl Jiibi.

Koula 6:9

Nje gə kɛm horo-je gə d-ḭ kəy nendo gə lə Jiibije gə to kar ɓərəje gə d-ɔr kula gɔsə-je gə, horo nje gə d-ḭ ɓe gə Sirɛn gə ɓe gə Alɛgəjandəri ngaɓa nje gə d-ḭ dɔ nangə gə Silisi gə dɔ nangə gə Aji d-un kudu ma̰y tar gə Etiyɛn.

Romaindjé 1:15

Be ɓa ɓo-e ɔsə-m ngug-ngug mba kar m-aw m-ila mbərə Tar gə May m-ar-sisəy gə isije Rɔm tɔ.

Romaindjé 1:7

m-ɗa mbede nee m-ar-sisəy tɔ̰y gə isije Rɔm, gə Luba njigi-si ya̰, gə ꞌɓar-si kar ꞌtoje gə losang-ɛ le: May kar Bɔ-sijee Luba gə Mbayɓe Jeju Kirisi d-ar-si mənuji gə ɗɛgɛgɛ!

2 Timoce 1:17

ngaa ndɔ gə n-ɗe mə ɓe gə Rɔm ɗaa, n-sangə-m gə mong-e saar n-inga-m.

Apocalypse 11:8

Nin-je a to ɗəw boo mə ɓebo gə boy gə d-unda ri-a gə ne kɔji mar-ɛ ɗəw njil gə na Sɔdom gə Ejipətə, lo-e gə ꞌɓərə Mbayɓe kagə dəsə gə kəne.