Koula 19:8 - Mbede Lə Luba Kone Gə Sigi

⁸ Pɔl andə kəy nendo gə lə Jiibjije n-pa tar kəne gə ɓəəl ang ngaɓa ma̰y gə je tar n-cɛdə ne singa-je gə ɔji dɔ ɓeko̰ lə Luba. N-ɗa be ja asə nay munda.

Testament ke Siki 1960 (Kabba Laka)

⁸ Paul ao mè kei Allah té, ke nè mpa tar nnè mouta ke bel ang, nè mmaitar ke nè ndedjidè mbata béh ko lo Allah.

Koula 19:8 ပူးပေါင်းရင်းမြစ်များ

Koula 1:3

Be ɓa go kuy gə lə Jeju ɗaa ꞌjejee gə nee ja ɓa Jeju tɔji rɔ-ɛ kəm-je gə gə ɗəwje dang-dang mba tɔji-je ne to gə n-aw kəm baa. Cibi ɓa ndɔje gə kɛm n-ce ta kəm-je gə nda̰-nda̰ ja ndɔ dɔg sɔɔ ngaɓa n-pa tar ɓeko̰ lə Luba n-ar-je nəm.

Koula 13:14

D-ḭ mə ɓe Pɛrəjə d-aw gə no-je ꞌce Antiyos, dɔ nangə gə Pisidi. Ndɔ kuwa kɔr ɗaa d-aw d-andə kəy nendo gə d-isi kəne.

Koula 13:46

Ngaa Pɔl je Barənabas ꞌpa təsərə d-ar-je na: Sisəy ja, d-a pa tar lə Luba kar-si dɔngɔr ngaa mba ꞌmbadəje ngaɓa oje to gə asəje kingaje təbə gə gə ndɔ gə ndɔ ang, ɗaa oje: J-a turu kəm-si gə dɔ dəwje gə ꞌgərə Luba ang gə.

Koula 14:1

Logə Pɔl je Barənabas d-aw Ikoniyom kara d-aw d-andə kəy nendo gə tɔ, ꞌpa tar ꞌcɛdə ne singa bula bo Jiibije gə dəwje gə ꞌgərə Luba ang d-ar ꞌta kagə.

Koula 17:17

N-aw n-to̰ tam gə Jiibije mə kəy nendo gə lə-je ngaɓa gə dəwje gə ꞌpolo Luba ngaɓa gə dəwje n-inga-je nada gə ndɔ-ndɔ tɔ.

Koula 18:19

Logə ꞌce Epɛs ɗaa Pɔl ḭya̰-je ngaa ye ɔdə aw kəy nendo gə lə Jiibije, aw ma̰y gə je tar,

Koula 18:26

ꞌNe nee le n-pa tar kəm ngon gə jingaw mə kəy nendo gə lə Jiibije. Logə Pirisika je gə Akilas d-o ɗaa d-uwa-a gə rɔ-je gə ꞌtəl tɔj-ɛ ɗəw lə Luba bɛrɛ-bɛrɛ ja cibi.

Koula 18:4

Gə ndɔ kuwa kɔrje tɔ̰y ja Pɔl aw ma̰y tar gə Jiibije nəm gə dəwje gə ꞌgərə Luba ang nəm kəy nendo gə lə Jiibije mba cɛdə ne singa-je.

Koula 19:10

To to gə be-be ja ɓal joo saar ar dəwje tɔ̰y gə d-isi dɔ nangə gə Aji d-o ne tar lə Mbayɓe, Jiibije ngaɓa dəwje gə ꞌgərə Luba ang nəm.

Koula 19:7

Dəwje nee tɔ̰y le d-asə dɔg gə gir-je gə joo be.

Koula 19:9

Ngaa nje gə kɛm mə-je kədərə al dɔ lo ɗaa ꞌpa tarje gə kṵra̰y ɔji dɔ ɗəw lə Mbayɓe be ɓa n-ɔr kəm ngan njenendoje ɗədə n-aw gə je kəy nendo gə lə dəw gə ri-a na Tiranus ɗaa gə ndɔ-ndɔ ja n-to̰ gə je tam.

Koula 20:31

Gəl-e gə nee ɓa may kar-si isije kəm baa, ar-je mə-si ol-e to gə ɓal munda ja, kar-a gə cil, m-əw rɔ-m ang, m-ndəji-si kara gə kara, gə man no kəm gə.

Koula 28:23

Go-e gə ɗaa d-ila ndɔ d-ar-ɛ ngaɓa ꞌɗe bula d-inga-a lo to-e gə. Logə n-ɔr gəl tar lə-a le ɗaa n-ɗa tar naji gə ɔji ɓeko̰ lə Luba ngaɓa n-sangə ɗəw torondu gə lə Moyiji ngaɓa gə mbede lə Pajambərəje, mba cɛdə ne singa-je ɔji dɔ Jeju, un kud-e gə ndɔɔ ja saar ce kar kumatagə.

Jude 1:3

Ngan ko̰-mje gə m-njigi-si ya̰, m-njigi ya̰ mba ɗa mbede kar-si ɔji dɔ kaji gə j-inga-je naa gə le, m-un kəm tim-tim mba ɗa, mba kula nee jingaw mə-si kar ꞌɗaje ɗɔ ɔji dɔ takagə gə d-ar njerɔsangəje gɔl kara baa ja gə dɔbo̰.