Koula 19:22 - Mbede Lə Luba Kone Gə Sigi

²² Be ɓa n-ula njebakulaje lə-a joo, Timoce je gə Erasətə Masedowan gə ɗaa ꞌne n-təl n-isi dɔ nangə gə Aji njɛ̰ ja cibi.

Testament ke Siki 1960 (Kabba Laka)

²² Tokou nè noula Timothée ke Eraste, dooudjé djo ke to ndjè koumè Macédoine té, nè nisi Asie té marè bai.

Koula 19:22 ပူးပေါင်းရင်းမြစ်များ

Koula 13:5

Logə ꞌce mə ɓe gə Salamin ɗaa d-ila mbərə Tar gə May lə Luba kəy nendo gə to kar Jiibije. Cibi d-aw gə Ja̰ Marəke gə nje la gə je.

Koula 16:1

Logə n-ce Dɛrəbə ngaɓa Lisətərə, ɗaa ngon njenendo kara ga̰ kəne, ri-a Timoce, ko̰-ɛje to Jiibi gə takagə Kirisi ngaa bɔ-ɛje to gərɛk.

Koula 16:3

Be ɓa Pɔl njigi kuwa-a ji-a gə, to gə be ɓa Pɔl uwa-a unja bər-e mba kila ne kɔji dɔ torondu gə lə Jiibije gə lo-eje gə nee le mba ꞌgərə som to gə bɔ-ɛje to gərɛk.

Koula 18:5

Logə Silas je gə Timoce d-ɔdə d-aw ɓeko̰ gə Masedowan ngaa Pɔl ila rɔ-ɛ kula kila mbərə, gə pa tar naji ar Jiibije to gə Jeju ja to Kirisi.

Koula 19:10

To to gə be-be ja ɓal joo saar ar dəwje tɔ̰y gə d-isi dɔ nangə gə Aji d-o ne tar lə Mbayɓe, Jiibije ngaɓa dəwje gə ꞌgərə Luba ang nəm.

Koula 19:21

Logə neje nee nday ɗaa Pɔl gɔl mə kəji gə lə-a mba kaw Jerujalɛm ɗaa a nday gə mə ɓeko̰ gə Masedowan gə dɔ nangə gə Akayi. N-təl n-pa na: Ɓo m-aw Jerujalɛm nama may kar-m m-o Rɔm gə kəm ja tɔ.

Koula 19:29

Be ɓa bangə ɓar gə mə ɓebo wu-wu. D-unda ndu-je naa gə tɔ̰y d-aw gə tɔg-ɛ baa nadə kagə miḭ gə. Dəwje gə Masedowan gə ri-je na Gayus je gə Arisətarəkə, gə njebalokawje lə Pɔl kara ꞌtuwa-je d-ar d-aw gə je naa gə tɔ.

Koula 20:1

Logə kunda bangə nee le unda nangə ɗaa Pɔl ula ɓar ngan njenendoje ar ꞌɗe, ɗaa ula jingaw mə-je gə ngaɓa ḭya̰-je ɔdə mba kaw gə dɔ nangə gə Masedowan.

Koula 20:34

Sisəy ja kara ꞌgərəje to gə ji-m gə nee ja ɗa ne ɔji dɔ-m ngaɓa ɔji dɔ dəwje gə ꞌdan-m.

Romaindjé 16:23

Gayus gə to njekəy mba lə-m ngaɓa to nje kar Mbo̰ naa lə Njetakagəje tɔ̰y le, na m-o-si m-ar ꞌne tɔ. Erasətə gə to njengom nekinga lə ɓebo kara na m-o-si m-ar ꞌne ngaɓa ngon ko̰-si Karətus kara nəm tɔ.

2 Corinthiendjé 1:16

Ɗaa, m-a kḭ kaw ɓə lə-si Masedowan, ngaɓa m-a tɔl t-ɛ ɗaa, m-a kḭ Masedowan təl ɗe ɓə lə-si gugu mba kar ꞌlaje sə-m ar-mje m-aw Jude.

2 Corinthiendjé 11:9

mba logə m-ga̰ ɓə lə-sisəy le, ndoo neje to-m ja ngaa m-ta ne kara ji dəw gə ang, ngaa ngan ko̰-sijee gə d-ḭ Masedowan ɓa d-ar-m neje gə ndoo-e to-m. Ɔji dɔ neje tɔ̰y le, m-njigi mba to nekodo dɔ sisəy gə ang, ngaɓa m-ɔgə rɔ-m mba to nekodo dɔ si gə ja saar gə no.

2 Corinthiendjé 2:13

Be ɓa, njil-m uwa dɔ-m ang mba m-inga ngon ko̰-m Titə ang ɗaa, m-iya̰-je m-ɔdə m-aw Masedowan.

2 Corinthiendjé 8:1

Sisəy ngan ko̰-mje, j-a njigi kar-si ꞌgərəje mənuji lə Luba gə tɔji rɔ-ɛ gə ɗaga horo Mbo̰ naaje lə njetakagəje gə Masedowan.

2 Corinthiendjé 8:19

cibi, Mbo̰ naaje lə njetakagəje d-unda ndu-je naa gə d-ɔr-ɛ gə njebalokaw mbaa gə-sije ɔji dɔ kula mənuji. J-un kula nee le mə ji-sijee gə ja mba kila ne riɓar dɔ Mbayɓe gə nəm ngaɓa mba tɔji ne kəji məmay gə to mə-sijee gə.

1 Thessaloniciendjé 1:8

Mba Tar lə Mbayɓe ɓar kagə ɓə lə-si, ce Masedowan gə Akayi ja kara baa ang ngaa dəwje ꞌgərə takagə Luba lə-si gə lo tɔ̰y, ar al dɔ lo sula.

2 Timoce 4:20

Erasətə isi mə ɓe gə Kɔrɛnt gə, ɗaa Toropim ɓa rɔ-ɛ to-e ar m-ḭya̰ mə ɓe gə Mile.