Koula 18:3 - Mbede Lə Luba Kone Gə Sigi

³ ꞌJejee kara ꞌto njegusu kuji kəy kubuje to gə Pɔl be tɔ. Be ɓa Pɔl isi gə je ɗaa ꞌɗaje kula kara baa, d-uji-je kəy kubu.

Testament ke Siki 1960 (Kabba Laka)

³ Mbata koula la to kadaba ke koula lodè, nè nisi kedè. Dèdè nda koula, dèdè nto ndjè da kei koubou.

Koula 18:3 ပူးပေါင်းရင်းမြစ်များ

1 Corinthiendjé 4:12

J-ula rɔ-si ndubu j-a ɗa kula gə ji-si ja; ꞌtaji-si kara j-a tɔr ndu dɔ-je gə, d-ula kəm-si ndoo kara j-uwa gədərə;

1 Corinthiendjé 9:14

To to gə be ja tɔ ɓa Mbayɓe ja kara un ndu to gə nje kila mbərə Tar gə Mayje le, Tar gə May ja ɓa a kodo-je tɔ.

1 Corinthiendjé 9:15

Ngaa ɔji dɔ ꞌma le ɗaa, neje gə ɔji dɔ-m le, m-ta kara ang nəm, ngaɓa m-ɗa mbede nee mba kar-si ar-mje ne neje le ang nəm tɔ. Mba kar m-uy ja ɓa m-njigi! Ne riɓar lə-m nee le dəw a ta ji-m gə ang.

1 Corinthiendjé 9:18

Ɗi ɓa gə nekuga dɔ ji-m wa? To gə mba kar m-ila mbərə Tar gə May le baa ja lal kar m-ta neje gə ɔji dɔ-m gə Tar gə May pa tar-ɛ le.

2 Corinthiendjé 11:7

Ose, logə m-ɗa rɔ-m gə dəw gə njɛ̰ baa ɗaa sisəy ɓa m-ɗa-si gə dəwje gə to ɓəəl ya̰ ɓa m-ila ne mbərə Tar gə May lə Luba baa ja m-ar-si le to neɗa gə kṵra̰y ɓa m-ɗa wa?

2 Corinthiendjé 11:9

mba logə m-ga̰ ɓə lə-sisəy le, ndoo neje to-m ja ngaa m-ta ne kara ji dəw gə ang, ngaa ngan ko̰-sijee gə d-ḭ Masedowan ɓa d-ar-m neje gə ndoo-e to-m. Ɔji dɔ neje tɔ̰y le, m-njigi mba to nekodo dɔ sisəy gə ang, ngaɓa m-ɔgə rɔ-m mba to nekodo dɔ si gə ja saar gə no.

2 Corinthiendjé 12:13

Ɗi ɓa sisəy ꞌtoje ne dang gə Mbo̰ naa lə njetakagəje gə kɛm wa? To gə m-to nekodo dɔ-si gə le ja baa ang wa? Ɔrəje tar neɗa gə dɔ buguru gə m-ɗa dɔ-m gə.

1 Thessaloniciendjé 2:9

Ngan ko̰-mje, oleje mə-si dɔ rɔ-sijee gə j-ula ndubu ngaɓa gə dɔ kɔrje gə j-ɔr gə, j-a ɗa kula cil gə kar le, ɓa mba to ne nekodo dɔ dəw kara horo-sisəy gə ang ja ɓa j-ila ne mbərə Tar gə May lə Luba j-ar-si.

1 Thessaloniciendjé 4:11

ar-je kəji sangə ɗəw kisi ɗɛgɛgɛ uwa mə-si, ꞌtɔsəje kəm-si dɔ neje gə lə-si ja ngaɓa ꞌɗaje kula gə ji-si to to gə j-a ndəji-si ne le;