Koula 18:25 - Mbede Lə Luba Kone Gə Sigi

²⁵ ꞌNe nee le ꞌtɔj-ɛ ɗəw lə Mbayɓe ngaɓa batɛm lə Ja̰ baa n-gərə ngaa kəji lə-a to njang ɗəw Njil gə ar n-ila mbərə ngaɓa n-tɔji ne gə ɔji dɔ Jeju gə dɔ gɔl-ɛ.

Testament ke Siki 1960 (Kabba Laka)

²⁵ Ntòdjè tar deo té lo Mbaibé Seigneur, mbata ndii la ndiki nya nè mpa ke nè ntòdjou gel tar lo Jésus gaté gaté, a né ke nè ngeré to baptême lo Jean kadaba.

Koula 18:25 ပူးပေါင်းရင်းမြစ်များ

Marəke 1:3

ꞌGɔlje ɗew lə Mbayɓe, ꞌNdujije kila ɗəwje lə-a ar-je to rad. Ye ɓa to ndu ꞌkuwi lə dəw gə ɓar ndag lo gə.

Marəke 12:14

ꞌƊe ꞌpa d-ar-ɛ na: Njenetɔji, j-a gərə to gə ꞌto nje pa tar gə tɔgərɔ nəm, ꞌɓəəl ne kəm dəw ang; mba ꞌi o pa kun darɔ lə dəwje gə ɗaga baa ang nəm, ꞌtɔji dəwje pa nja gə ta kəm Luba nəm tɔ. Ɗəw to kar dəw uga lar gədə ɓe lə Sejar wa? J-a kuga ose j-a kuga ang wa?

Lugu 1:4

mba kar-i gərə to gə netɔji gə tɔgərɔ ja inga.

Lugu 7:29

Dəw mə ɓeje tɔ̰y gə njembo̰ lar gədə ɓeje ꞌtunga mbi-je d-o ne tar gə Jeju pa ɔji dɔ Ja̰, ꞌgərəje ne to gə ɗəw lə Luba to gadə-gadə, ɓa ꞌɗa neje batɛm lə Ja̰.

Koula 13:10

ngaɓa pa na: ꞋI gə tar kərə gə məngo̰y ɗusu mə-i njḭ, ngon lə ꞌSɛ̰ngərɛ̰, njeba̰a̰ lə neɗa gə gadə-gadə tɔ̰y, kuwa tar gə tɔgərɔ lə Mbayɓe ndṵrḭ le a kunda ngang-ɛ ang gə no ja wa?

Koula 16:17

N-dole go si gə Pɔl naa gə ngaɓa n-uru ꞌkuwi na: Dəwje gə d-aw nee le ꞌto njekulaje lə Luba gə nje kisi sam dara gə ngaɓa d-aw d-ila mbərə ɗəw kaji.

Koula 18:26

ꞌNe nee le n-pa tar kəm ngon gə jingaw mə kəy nendo gə lə Jiibije. Logə Pirisika je gə Akilas d-o ɗaa d-uwa-a gə rɔ-je gə ꞌtəl tɔj-ɛ ɗəw lə Luba bɛrɛ-bɛrɛ ja cibi.

Koula 19:23

Dɔ ndɔ-ɛje gə nee le ndu kasə naa ang gə boy ja to horo dəwje gə ɔji dɔ ɗəw lə Mbayɓe.

Koula 19:3

N-təl pa na: Batɛm gə ban ɓa inga-je wa? D-ila-je kəne na: Batɛm kar Ja̰ ɓo.

Koula 19:9

Ngaa nje gə kɛm mə-je kədərə al dɔ lo ɗaa ꞌpa tarje gə kṵra̰y ɔji dɔ ɗəw lə Mbayɓe be ɓa n-ɔr kəm ngan njenendoje ɗədə n-aw gə je kəy nendo gə lə dəw gə ri-a na Tiranus ɗaa gə ndɔ-ndɔ ja n-to̰ gə je tam.

Koula 9:2

n-dəj-e mba kar ɗa mbede un ne ɗəw kar n-aw ne kəy nendo gə Damasə, mba kinga nje gə kɛm, jingawje gə jeneje, gə d-un ɗəw gə əng le, ɓo ꞌga̰ nama tuwa-je tɔ-je ɗe gə je Jerujalɛm.

Romaindjé 12:11

Ar-je rɔ-si ɔlɛ kəne pɛl ɓo ꞌdabəje ang. Uwaje gədərə mə kəji gə lə-si, ꞌɗaje kula ar-je Mbayɓe.

2 Timoce 2:4

Dəw gə un rɔ-ɛ gə njeɗɔ le, ɓo njigi may ta kəm njeko̰ dɔ-ɛ gə nama a jɔgə rɔ-ɛ mba neje gə ɗangə ang.

Jacques 5:16

ꞌPaje tar neɗa gə kṵra̰y lə-si gə ɗaga no naa gə ɗaa dəjije Luba ɔji dɔ naa gə yo gə nee, mba kar ajije ne. Dəji Luba lə dəw gə gadə-gadə le, ɓar mii ngaɓa tɔg-e to ya̰ tɔ.