Koula 18:18 - Mbede Lə Luba Kone Gə Sigi

¹⁸ Pɔl isi kəne ɗa ndɔ bula ja cibi. Go-e gə ngaɓa ḭya̰ ngan ko̰ naaje, al to aw gə ɓeko̰ gə Siiri naa gə kara baa gə Pirisika je gə Akilas. ꞌCe Sa̰kəre ɗaa Pɔl ar-je ꞌgisa dɔ-ɛ kəne mba un ndu-e.

Testament ke Siki 1960 (Kabba Laka)

¹⁸ Gè té nèn Paul isi marè bai ndò baya, goukoudang nè nda laphia ndjè ke to ngaködjèdjè, nè nao ke to do man té ta kao Syrie té, Priscille ke Aquilas dao sa. Nè ngisa bi dè béh té ke Cenchrées mbata tar ke nè noubou né dè té.

Koula 18:18 ပူးပေါင်းရင်းမြစ်များ

Matiye 4:24

No kula lə Jeju oso dɔ nangə gə Siiri ja tɔ̰y. ꞌƊe gə dəwje tɔ̰y gə rɔko̰je bula ula kəm-je ndoo gə naməje dang-dang, nje gə njilje gə kṵra̰y ula gərəng mə-je gə, njeməngərəje, gə nje gə dəbə rɔ-je uy ɗaa n-aji-je.

Marəke 6:46

Logə Jeju ḭya̰-je ɗaa, aw dɔ ər gə mba dəji Luba.

Koula 1:15

Dɔ ndɔ-ɛje gə əng le ngan ko̰ naaje d-asə tɔl gə dɔg joo be ꞌmbo̰ naa ɗaa Piyɛr uba nangə ḭ taar horo-je gə ngaɓa un tar pa na:

Koula 15:23

ꞌƊa mbede to gə be d-ar-je na: Ngan ko̰-si, njeka̰ykulaje gə ngatɔgəje ꞌɗa mbede d-ar-sisəy ngan ko̰ naaje gə to Jiibije ang gə gə d-isi Antiyos, gə dɔ nangə gə Siiri gə Silisi. J-o si ɓa.

Koula 15:41

ꞌNday gə ɗəw dɔ nangə gə Siiri gə Silisi d-ula jingaw mə Mbo̰ naaje lə njetakagəje.

Koula 18:2

Mə ɓebo gə nee le n-inga Jiibi kara ri-a na Akilas, to ngon njeɓe gə Po̰, je gə jene lə-a ri-a na Pirisika, d-ḭ ɓeko̰ gə Itali ɓisine ɓi, mba dɔ ndɔ-ɛje gə əng le mbay Kolodə un ndu mba kar Jiibije tɔ̰y d-ɔdə Rɔm gə gugu. Ɗaa Pɔl um gə je naa gə.

Koula 18:26

ꞌNe nee le n-pa tar kəm ngon gə jingaw mə kəy nendo gə lə Jiibije. Logə Pirisika je gə Akilas d-o ɗaa d-uwa-a gə rɔ-je gə ꞌtəl tɔj-ɛ ɗəw lə Luba bɛrɛ-bɛrɛ ja cibi.

Koula 18:27

Ndɔ gə n-njigi mba kaw gə dɔ nangə gə Akayi ɗaa ngan ko̰ naaje d-ula jingaw m-e gə ngaɓa ꞌtəl ɗa mbede d-ar ngan njenendoje gə nu mba kar d-uwa-a gə maj-ɛ gə rɔ-je gə. Logə n-ce nam ɗaa, gə go ɗəw mənuji lə Luba ɗaa n-a la gə njetakagəje kar may to ɓəəl,

Koula 21:23

Be ɓa may kar ꞌi ꞌɗa ne gə j-a pa kar ꞌi nee: Dəwje sɔɔ horo-si gə nee d-un ndu-je,

Koula 21:24

ɗaa odo-je, ɓo ꞌsangə rɔ-i ngaɓa ar-je lar ꞌgisa ne dɔ-je. Be nama, tɔ̰y ja d-a ko to gə tarje gə ꞌpa ɔji dɔ-i le tar gə tɔgərɔ kara kara godo kəne, nəm ɓa ꞌi kara ꞌto njekila kuji dɔ torondu gə tɔ.

Koula 21:3

Logə j-o ɓe gə Sipərə no-si gə ɗaa j-unja gə ɗəw gə dɔ gəl ngaɓa j-a ləl to dɔ-si gə Siiri, ɓa gə mba ce ne Tir gə d-a kɔr nekodoje nangə kəne.

Romaindjé 16:1

M-ula ko̰ nan-sijee gə ri-a na Pəybe mə ji-si gə, n-to diyakərə gə jene gə mə Mbo̰ naa lə Njetakagəje gə mə ɓe gə Sa̰kəre,

1 Corinthiendjé 9:20

Ɓə lə Jiibije ɗaa m-ɗa rɔ-m to to gə Jiibi be, mba kinga ne Jiibije, m-godo gəl torondu gə ngaa, ngaa ɓo ɓe lə nje gə d-isi gəl torondu gə nama m-ɗa rɔ-m to to gə dəw gə isi gəl torondu gə be mba kinga ne nje gə d-isi gəl torondu gə;

Galatedjé 1:21

Cibi, m-aw dɔ nangə gə Siiri, gə dɔ nangə gə Silisi.