Koula 18:12 - Mbede Lə Luba Kone Gə Sigi

¹² Logə Galiyo̰ to ne njeko̰ ɓe gə dɔ nangə Akayi, ɗaa Jiibije d-unda ndu-je naa gə kara baa ꞌtila kəm Pɔl gə tar ngaɓa d-aw sə-a no ngɔ gangə tar gə

Testament ke Siki 1960 (Kabba Laka)

¹² Tokou Gallion to to mbai ke Achaïe té, Juifdjé mbona kadaba ta mbeté Paul, dèdè dao sa loou gange saria té.

Koula 18:12 ပူးပေါင်းရင်းမြစ်များ

Matiye 27:19

Dɔ kar-ɛ gə njeko̰ ɓe gə ri-a na Pilad le aw isi ngəndəng gangə tar gə ɗaa, jene lə-a ula-je ar d-aw ꞌpa d-ar-ɛ na: Əw rɔ-i kula rɔ-i mə tar lə dəw gə gadə-gadə nee le, mba m-o ko̰ ne ɓogəne ya̰ gə nḭ mba tar lə-a.

Jean 19:13

Lo gə Pilad tuga mbi-a o tarje nee le ɗaa, ɔr Jeju ce sə-a ɗaga ngaɓa isi dɔ ngəndəng gangə tar gə, lo gə ꞌɓar-ɛ Pabe, gə tar ebərə ɗaa na Gabata.

Koula 13:12

Be ɓa ne gə ce dɔ njembɛ̰ gə nee le cɛdə singa njeko̰ ɓe le ar ta kagə mba tar lə Mbayɓe gə ꞌtɔji le cɛdə singa-a.

Koula 13:50

Ngaa Jiibije ꞌsula jeneje gə ꞌto nembaje lo polo Luba gə gə buba ɓeje d-ar d-ula kəm Pɔl je gə Barənabas ndoo ngaɓa ꞌtɔbə-je dɔ nangə gə lə-je.

Koula 13:7

dəw nee le isi naa gə gə njeko̰ ɓe gə gə ri-a na Sɛrəjus Pɔl, gə to dəw gə njenegərə. N-sangə ya̰ mba ko tar lə Luba, be ɓa n-ula n-ɓar Barənabas je gə Sɔl.

Koula 13:8

Ngaa Elimasə njembɛ̰, kɔr gəl ri-a le to to gə be, le ila kagə no-je gə, njigi mba kar njeko̰ ɓe le ta kagə ang.

Koula 14:19

Cibi ɓa Jiibije gə d-ḭ Antiyos, gə nje gə d-ḭ Ikoniyom ɗe d-oso gəl bula dəwje gə, ꞌtila Pɔl gə kɔr ər ꞌndɔr-ɛ d-aw d-ila-a gir ɓe gə mba d-əji to gə n-uy gə kuy ngaa.

Koula 14:2

Ngaa Jiibije gə to nje məkədərəje ꞌsula dəwje gə ꞌgərə Luba ang d-ar d-aw gə kəji gə kṵra̰y baa ja dɔ ngan ko̰ naa gə.

Koula 17:13

Ngaa logə Jiibije gə Tesaloniki d-o tar-ɛ to gə Pɔl aw pa tar lə Luba gə Bere tɔ ɗaa d-a̰y d-aw kəne d-aw d-ula njuma mə bula dəwje gə d-ar unda bangə.

Koula 17:5

Ngaa Jiibije gə nje ɗa mə-je, d-aw d-odo gayim dəwje ta nada d-um-je dɔ-je gə ꞌmbo̰ ne bula bo dəwje dɔ naa gə ngaɓa d-ar bangə ɓar ne mə ɓebo gə wu-wu. Cibi d-ɔdə d-aw kəy lə Jaso̰ d-aw ꞌsangə Pɔl je gə Silas mba tuwa-je ɗe gə je no dəw mə ɓeje gə.

Koula 18:11

Be ɓa n-təl n-ɗa ɓal kara gə nay misa̰ horo-je gə, n-tɔji tar lə Luba.

Koula 18:27

Ndɔ gə n-njigi mba kaw gə dɔ nangə gə Akayi ɗaa ngan ko̰ naaje d-ula jingaw m-e gə ngaɓa ꞌtəl ɗa mbede d-ar ngan njenendoje gə nu mba kar d-uwa-a gə maj-ɛ gə rɔ-je gə. Logə n-ce nam ɗaa, gə go ɗəw mənuji lə Luba ɗaa n-a la gə njetakagəje kar may to ɓəəl,

Koula 19:21

Logə neje nee nday ɗaa Pɔl gɔl mə kəji gə lə-a mba kaw Jerujalɛm ɗaa a nday gə mə ɓeko̰ gə Masedowan gə dɔ nangə gə Akayi. N-təl n-pa na: Ɓo m-aw Jerujalɛm nama may kar-m m-o Rɔm gə kəm ja tɔ.

Koula 25:10

Pɔl təl pa na: M-ar no ngɔ gangə tar gə lə Sejar ɓa nee ɗaa lo gə nee ja d-a ɗa tar nəm kəne. Ne gə kṵra̰y kara baa be gə m-ɗa gə Jiibije le godo, ꞌi ja kara ꞌgərə gə maj-ɛ.

Romaindjé 15:26

Mba nje gə Masedowan gə Akayi ꞌnjigi gə maj-ɛ ja mba mbo̰ ne la ne gə njendooje gə horo njerɔsangəje gə d-isi Jerujalɛm.

Romaindjé 16:5

oje Mbo̰ naa lə njetakagəje gə mə kəy lə-je ar-mje. Oje Epayned gə m-njig-e ya̰ ngaɓa to dɔngɔr dəw gə takagə Kirisi dɔ nangə gə Aji gə.

1 Corinthiendjé 16:15

Ngan ko̰-mje, m-un ndu m-ar-si ja cibi. ꞌGərəje to gə nje gə mə kəy gə lə Sətepanas ꞌto dɔngɔr njetakagəje gə Akayi, ngaɓa d-un rɔ-je ꞌɗa ne kula d-ar njerɔsangəje.

2 Corinthiendjé 1:1

ꞌMa Pɔl, njeka̰ykula lə Jeju Kirisi gə go mə njigi lə Luba, je gə ngon ko̰-si Timoce j-a ɗa mbede nee j-ar Mbo̰ naa lə njetakagəje gə mə ɓe gə Kɔrɛnt, ngaɓa gə njerɔsangəje gə dɔ nangə gə Akayi tɔ̰y nəm tɔ.

2 Corinthiendjé 11:10

Gə go ɗəw gə lə tar gə tɔgərɔ lə Kirisi gə to mə-m gə le ɗaa, m-pa gə ndu gə boy wəəl to gə mə dəbə ɓeko̰ gə Akayi tɔ̰y ja, dəw gə a kɔgə-m lo kɔsə rɔ lə-m nee le godo.

2 Corinthiendjé 11:26

Ɗəw kaw mbaje gə le taar-taar ja m-ce ta yo gə dɔ baaje gə, m-ce ta nje ɓogo singaje gə, m-ce ta njebaɓeje lə-m gə ꞌsangə mba tɔl-m, dəwje gə ꞌgərə Luba ang kara m-ce ta-je gə nəm, d-aw sə-m ndama-ndama mə ɓeboje gə, m-ce ta yo gə mə ndag lo gə, gə mə babo gə, nay njɛ̰ baa kar-m m-inga yo horo ngan ko̰-mje gə gə mbɔr-ɛ baa,

2 Corinthiendjé 9:2

Mba m-gərə ɓo ɗa kula gə to mə-si gə, ye ɓa m-unda ne kar-m no dəwje gə Masedowan na: Nje gə Akayi ꞌgɔl rɔ-je to gə kaal baa ngaɓa kɔsə rɔ ɓad lə-si ndol dəwje bula.

1 Thessaloniciendjé 2:14

Be ɓa ngan ko̰-mje, ꞌtəl ꞌtoje nje ndaji kəm Mbo̰ naaje lə njetakagəje gə lə Luba gə gəl Kirisi Jeju gə gə d-isi dɔ nangə gə Jude gə. Mba njebaɓeje lə-sisəy gə kuji kəy ja d-ula kəm-si ndoo ɗəw kara baa to gə Jiibije d-ula ne kəm ꞌjejee ndoo be tɔ.

1 Thessaloniciendjé 2:16

D-ɔgə si ɗəw kar j-a pa tar j-ar dəwje gə ꞌgərə Luba ang d-inga ne kaji ngaɓa ꞌɗaje ne neɗaje gə kṵra̰y lə-je gə kede-kede. Ngaa lo tɔl t-ɛ ɗaa wungu lə Luba ubaje nangə.

Jacques 2:6

Ngaa sisəy ilaje rɔ kul dɔ njendooje gə! Se bawje le ɓa d-ula kəm-si ndoo ang wa? ꞌJejee nee le ja cibi ɓa d-aw gə si nadə gangə tar gə le ang wa?