Koula 17:3 - Mbede Lə Luba Kone Gə Sigi

³ be ɓa Pɔl ɔr gəl-e ngaɓa tɔji to gə Kirisi a ko ꞌməsərə ngaɓa a ndol horo nje d-uy gə. N-təl n-pa na: Jeju gə m-aw m-pa tar lə-a m-ar-si nee le, ꞌne ja n-to Kirisi.

Testament ke Siki 1960 (Kabba Laka)

³ Nè nòrou gel tar ke ntòdjoudè to tar lo Christ ndja ta kinga né ongou ke ta kï mè bwa yo té. Nè mpana, Jésus nèn ke mam ntòdjousè tar la, nè nto to Christ ndja.

Koula 17:3 ပူးပေါင်းရင်းမြစ်များ

Lugu 24:32

Ɗaa paje tar horo-je gə, gə yo gə nee na: Ɗa to gə ne gə kar-si ɔr wud-wud, logə n-aw pa gə si tar ɗəw boo, ngaɓa n-ɔr gəl tar gə mə Mbede n-ar-si le ang wa?

Lugu 24:44

Ngaɓa n-pa n-ar-je na: Oje tar gə m-pa m-ar-si lo gə m-ga̰ gə si baa ɓi le: May kar ne gə ꞌɗa tar-ɛ ɔji dɔ-m mə torondu gə lə Moyiji, gə Pajambərəje, gə pa no mangə gə nee le ɗa ne ɓa.

Lugu 24:46

Ngaɓa n-pa n-ar-je na: To gə ꞌɗa mə mbede na: Kirisi le, a ko ꞌməsərə ngaɓa ndɔ gə njekum gə munda lə-a ɗaa, n-a ndol horo nje gə d-uy gə.

Jean 20:9

Mba tar lə Luba gə pa na, may kar n-ndol horo nje gə d-uy gə le, ꞌgərə unja-je ngadə ang ɓi.

Koula 1:4

Ndɔ kara n-aw n-usa ne gə ngan njekulaje lə-a le ɗaa n-un ndu n-ar-je na: Awje əw gə ɓebo gə Jerujalɛm ang ngaa ꞌnginaje ne gə Bɔy uwa dɔ gɔl-ɛ, ne gə m-pa tar-ɛ m-ar-si le.

Koula 18:28

mba n-bɛ̰ ta Jiibije nda̰-nda̰ gə n-tɔji mbede lə Luba gə n-pa to gə Jeju ja to Kirisi.

Koula 18:5

Logə Silas je gə Timoce d-ɔdə d-aw ɓeko̰ gə Masedowan ngaa Pɔl ila rɔ-ɛ kula kila mbərə, gə pa tar naji ar Jiibije to gə Jeju ja to Kirisi.

Koula 3:18

Ngaa Luba tɔl ta ne gə ye pa kede ləw baa gə ndu pajambərəje lə-a tɔ̰y, tar gə ɔji dɔ ko məsərə lə Kirisi lə-a le.

Koula 9:22

Ngaa Sɔl inga singa gə kede-kede m-e gə ngaɓa logə tɔji to gə Jeju to Kirisi ɗaa lo tar igi Jiibije gə ɗa ɓe Damasə le sɛl.

Galatedjé 3:1

Əy! Sisəy dəwje gə dɔ nangə gə Galasi, ꞌtoje ɛbɛje! Ambala ɓa uwa-si wa? Sisəy gə d-ɔr gəl tar kuy lə Jeju Kirisi kagə dəsə arə ngadə d-ar-si.