Koula 17:28 - Mbede Lə Luba Kone Gə Sigi

²⁸ Mba mbɔr dɔ-ɛ ꞌne ɓa d-inga ne təbə ja nja ne gə dəwje ngaɓa j-unda ne rɔ-si. Ye ja tɔ to tar gə njeno̰paje lə-si gə kɛm ꞌpa na: Ja to ngan m-e ja tɔ.

Testament ke Siki 1960 (Kabba Laka)

²⁸ Mbata to deo té lo Allah ke djèdjè djisi tébe, ke djèdjè ndja, ke djèdjè djéh nè, tokou mare dooudjé ke da pa losè pa, Mbata djèdjè nto gel dooudjé la ke tokoro.

Koula 17:28 ပူးပေါင်းရင်းမြစ်များ

Lugu 20:38

Luba to Luba lə dəwje gə d-uy ang, ngaa nje gə d-isi kəm baa, mba tɔ̰y ja d-isi kəm baa ɔji dɔ-ɛ.

Lugu 3:38

gə to ngon lə Enos, gə to ngon lə Sɛt, gə to ngon lə Adam, gə to ngon lə Luba.

Jean 11:25

Jeju pa ar-ɛ na: ꞌMa ja m-to gə kuy ɓa ndol gə kisi kəm baa nəm tɔ: Dəw gə ta kagə-m le, uy gə kuy ja kara, a kaw kəm baa.

Jean 5:26

Be ɓa, to gə Bɔ to ngira təbə le, to gə be ja tɔ n-ar Ngon to ngira təbə tɔ.

Colossiendjé 1:17

N-ga̰ kede no neje gə tɔ̰y ngaɓa mbɔr dɔ-ɛ ꞌne ja ɓa neje tɔ̰y to ne tɔ.

Tite 1:12

Dəw kara horo-je gə to pajambərə lə-je ja pa na: Dəw mə ɓeje gə Kərɛd ꞌto njetar gə ɗəgərəje ja jaga-jaga, ꞌnay to to gə daje gə muu gə njekusa ngan mar-jeje, gə ꞌto njedabəje gə nekusa ja baa uwa mə-je.

Ebərəje 1:3

ꞌNe gə n-to ndogo rɔnduba lə-a, n-tɔji lo kunda rɔ lə-a, n-ɗa neje tɔ̰y gə singamongə tar gə t-ɛ gə, logə n-togo neɗaje gə kṵra̰y tɔ̰y ɗaa, n-aw n-isi dɔ ji kɔl Luba gə dara,

Ebərəje 12:9

Ngaa bɔ-sijee gə ɗəw darɔ gə to dəwje ja baa ꞌsiri-si d-ar j-a ɓəəl, ngaa ɓədə ɓa j-a koso kul no bɔ-sijee gə dara gə nje kar-si təbə gə ang wa?

Ebərəje 2:11

Mba ꞌne ja ɓa n-togo-je n-ar d-ar ngadə ngaɓa ꞌjejee gə d-ar ngadə le, ngira-je kara baa ja. Gəl-e gə nee ɓa n-ɓar-je ngan ko̰-e nama rɔ kul uwa-a ang,