Koula 17:23 - Mbede Lə Luba Kone Gə Sigi

²³ Mba logə m-aw nday ɗaa m-o neje gə aw poloje ngaɓa m-inga no kɔgə kara d-unja ne kəne na: Kar magə gə dəw gər-e ang. Ne gə ꞌgər-eje ang gə ꞌpolo-eje nee le ɓa m-aw m-pa tar-ɛ m-ar-si.

Testament ke Siki 1960 (Kabba Laka)

²³ Mbata tokou ma mase loou ke ma mo né polo mè béh té losè, ma minga mare ndaba ke maketourou ke mbòrè té pa, Mbata mare Allah ke djèdjè ngerè ang. Tokou ban né nèn ke sésè ewalidjé tokou né ke sésè egerèdjé ang, mam ntòdjousè né nèn.

Koula 17:23 ပူးပေါင်းရင်းမြစ်များ

Matiye 15:9

Polo-mje baa ja Neje gə ꞌtɔji le To torondu dəwje baa .

Jean 17:25

ꞌI Bɔ dəwje gə ꞌto dəw gə dana gadə le, dɔ nangə gər-i ang, ngaa ꞌma ɗaa m-gər-i ngaɓa ꞌjejee gə nee le ꞌgərə to gə ꞌI ula-m tɔ.

Jean 17:3

Təbə gə to gə ndɔ gə ndɔ gə le, gə mba kar ꞌgər-i, ꞌI gə gə kar-i baa gə ꞌto Luba gə tɔgərɔ, ngaɓa ye gə ꞌI ula-a, Jeju Kirisi le tɔ.

Jean 4:22

Sisəy ꞌpoloje ne gə ꞌgərəje ang baa; Sijee ɗaa, ne gə j-a gərə ɓa j-a polo, mba kaji ḭ ɓə lə Jiibije.

Jean 8:54

Jeju ila kəne na: To gə ɓo ꞌma gə dɔ-m baa ɓa m-ɔsə gaji rɔ-m nama, kɔsə gaji rɔ lə-m le to gə ne ang baa. To Bɔy ja ɓa ila riɓar dɔ-m gə, ꞌne gə sisəy, ꞌpaje tar lə-a na: N-to Luba lə-sijee!

Koula 17:30

Luba le, ḭya̰ go neje gə dəw ɗa dɔ kar mbə gə ɗaa ɓogəne ila mbərə ar dəwje gə lo tɔ̰y ja mba kar ꞌturu kəji lə-je,

Romaindjé 1:28

Be ɓa, mba d-o-je to gə gərə Luba ang ɓa gə ne gə may le ɗaa, Luba ḭya̰-je dan tar kəji lə-je gə gə mbɔr-ɛ baa nee le, ar-je ꞌɗa ne neje gə kəm ɗa ang;

1 Corinthiendjé 1:21

Mba dəwje gə dɔ nangə nee gə kəm karə lə-je ꞌgərə ne Luba gə kəm karə lə-a ang ɗaa, gə go mə njigi Luba ja aji ne nje gə ꞌta kagə ɗəw kila mbərə tar kagə dəsə gə d-o gə tar mbə baa le ja.

1 Corinthiendjé 8:5

Mba, nekundaje gə dara ose dɔ nangə nee gə dəwje na to magəje le ꞌga̰ ja, tɔgərɔ ja magəje bula nəm ngaɓa mbayɓeje kara ꞌbula tɔ,

Ephésiendjé 2:12

sisəy isi dɔ kar-ɛ gə əng lal Kirisi, ꞌtoje dəwje lə Luba ang, ngaɓa ne gə ꞌriya kone d-uwa ne dɔ gɔl-ɛ le kara ɔji dɔ-si ang nəm, cibi ngaɓa ne kunda mə lə-si kara godo, ɗaa aw-je gə dɔ nangə nee lal Luba nəm tɔ.

2 Thessaloniciendjé 2:4

ꞌNe gə n-to nje kəm tar n-un rɔ-ɛ n-unda dɔ neje tɔ̰y gə ꞌɓar-ɛ Luba ose ne gə d-a polo ngaɓa n-aw saar n-isi mə kəy gə lə Luba, ngaɓa n-ɗa rɔ-ɛ to gə ꞌne ja to Luba be.

1 Timoce 1:17

May kar dəwje tɔ̰y gə dɔ nangə nee d-ila kuji dɔ Luba gə, ngaɓa d-ila riɓar dɔ-ɛ gə gə ndɔ gə ndɔ. N-to Mbay gə Njeko̰ ɓe gə isi kəm baa, gə uy ang, gə dəw o-e ndɔ kara ang, N-to Luba gə kara baa ɗəgədə! Oyo.

1 Jean 5:20

Sijee j-a gərə ja cibi to gə Ngon lə Luba ɗe ar-si kəji negərə mba kar j-a gərə ne Luba gə tɔgərɔ, ngaɓa j-a ga̰ gə Luba gə tɔgərɔ ɗəw gə lə Ngon-e Jeju Kirisi. ꞌNe gə to Luba gə tɔgərɔ nəm gə təbə gə gə ndɔ gə ndɔ.