Koula 16:9 - Mbede Lə Luba Kone Gə Sigi

⁹ Mə cil-e gə əng ja Pɔl o ne lokiya gə ɗaa dəw pa na: Dəw gə Masedowan ar taar gə ngal-ɛ ɗa kɔgərɔ na, aw mə ɓeko̰ gə Masedowan aw la gə si.

Testament ke Siki 1960 (Kabba Laka)

⁹ Paul wo ke ni tilti ke ndè tén, doou ke Macédoine arr doudjè nya pana, Edé ke Macédoine té, oumadjè.

Koula 16:9 ပူးပေါင်းရင်းမြစ်များ

Koula 10:3

Ndɔ-ɛ nee le asə kar gə munda gə kar kumatagə ɗaa n-o ne lokiya gə n-o anji lə Luba kara ɗang-ɗang andə kəy lə-a ngaɓa ɓar-ɛ na: Kɔrənəy.

Koula 10:30

Kɔrənəy ila kəne na: Asə ndɔ sɔɔ ja ngaa ɓogəne, logə m-aw m-dəji Luba kar kumatagə mə kəy gə lə-m ɗaa dəw kara ula kubu gə nda kələw-kələw ja ɗe ar no-m gə pa na:

Koula 16:10

Logə Pɔl o ne lokiya gə to gə be ɗaa, ja sangə ɗəw mba kaw Masedowan gə tɔg-ɛ mba ja gərə to gə Luba ɓar-si kar j-aw j-ila mbərə tar lə Mbayɓe Jeju kəne.

Koula 16:12

J-ḭ lo-e gə nee ɗaa j-aw Pilipi gə to dɔngɔr ɓebo gə dɔ nangə gə Masedowan ngaɓa to ɓeko̰ gə Rɔm. J-isi mə ɓebo gə nee le ndɔ bula ɓəəl.

Koula 18:5

Logə Silas je gə Timoce d-ɔdə d-aw ɓeko̰ gə Masedowan ngaa Pɔl ila rɔ-ɛ kula kila mbərə, gə pa tar naji ar Jiibije to gə Jeju ja to Kirisi.

Koula 19:21

Logə neje nee nday ɗaa Pɔl gɔl mə kəji gə lə-a mba kaw Jerujalɛm ɗaa a nday gə mə ɓeko̰ gə Masedowan gə dɔ nangə gə Akayi. N-təl n-pa na: Ɓo m-aw Jerujalɛm nama may kar-m m-o Rɔm gə kəm ja tɔ.

Koula 19:22

Be ɓa n-ula njebakulaje lə-a joo, Timoce je gə Erasətə Masedowan gə ɗaa ꞌne n-təl n-isi dɔ nangə gə Aji njɛ̰ ja cibi.

Koula 19:29

Be ɓa bangə ɓar gə mə ɓebo wu-wu. D-unda ndu-je naa gə tɔ̰y d-aw gə tɔg-ɛ baa nadə kagə miḭ gə. Dəwje gə Masedowan gə ri-je na Gayus je gə Arisətarəkə, gə njebalokawje lə Pɔl kara ꞌtuwa-je d-ar d-aw gə je naa gə tɔ.

Koula 20:1

Logə kunda bangə nee le unda nangə ɗaa Pɔl ula ɓar ngan njenendoje ar ꞌɗe, ɗaa ula jingaw mə-je gə ngaɓa ḭya̰-je ɔdə mba kaw gə dɔ nangə gə Masedowan.

Koula 20:3

N-ɗa nay munda mə ɓeko̰ gə nee le ɗaa n-isi pɛrɛrɛ mba kal to mba kaw gə Siiri ngaa gə go njuma gə Jiibije d-ula dɔ-ɛ gə ɗaa, n-un ɗəw n-təl n-aw Masedowan.

Koula 27:2

J-al mə to gə d-unda ri-a na Adəramid, a nday mbo kar dɔ nangə gə Aji, mbo kar man gə, dəw gə Masedowan gə ɓe la Tesaloniki kara, ri-a na Arisətarəkə aw gə si tɔ.

Koula 9:38

Ngan njenendoje d-o tar lə Piyɛr gə ga̰ mə ɓe gə Lida ɗaa d-ula dəwje joo d-ar d-aw ꞌɓar-ɛ mba Lida le to əw ang gə ɓe gə Jope. Dəwje gə d-aw le ꞌpa d-ar Piyɛr na: Ḭ gə tɔg-ɛ aw gə si.

Romaindjé 15:26

Mba nje gə Masedowan gə Akayi ꞌnjigi gə maj-ɛ ja mba mbo̰ ne la ne gə njendooje gə horo njerɔsangəje gə d-isi Jerujalɛm.

2 Corinthiendjé 11:9

mba logə m-ga̰ ɓə lə-sisəy le, ndoo neje to-m ja ngaa m-ta ne kara ji dəw gə ang, ngaa ngan ko̰-sijee gə d-ḭ Masedowan ɓa d-ar-m neje gə ndoo-e to-m. Ɔji dɔ neje tɔ̰y le, m-njigi mba to nekodo dɔ sisəy gə ang, ngaɓa m-ɔgə rɔ-m mba to nekodo dɔ si gə ja saar gə no.

2 Corinthiendjé 12:7

Ngaa mba kar m-ɔsə rɔ-m ɔji dɔ neje gə may ya̰ gə ꞌkila gəl-e d-ar-m le ang ɗaa, d-ula rɔko̰ kara rɔ-m gə, gə ngon njekula lə ꞌSu mba kar tɔsə-m təbə taar-taar mba kar m-ɔsə nee rɔ-m ang.

2 Corinthiendjé 7:5

Mba ndɔ gə ja ce Masedowan ja, lo kar j-uwa kɔr-si njɛ̰ be kara godo, ngaa ne ꞌməsərəje dang-dang inga si. Ɗɔje gugu dɔ si ngaɓa ɓəəl ɗusu mə-si tɔ.

2 Corinthiendjé 8:1

Sisəy ngan ko̰-mje, j-a njigi kar-si ꞌgərəje mənuji lə Luba gə tɔji rɔ-ɛ gə ɗaga horo Mbo̰ naaje lə njetakagəje gə Masedowan.

2 Corinthiendjé 9:2

Mba m-gərə ɓo ɗa kula gə to mə-si gə, ye ɓa m-unda ne kar-m no dəwje gə Masedowan na: Nje gə Akayi ꞌgɔl rɔ-je to gə kaal baa ngaɓa kɔsə rɔ ɓad lə-si ndol dəwje bula.

1 Thessaloniciendjé 4:10

Ɗaa to ne gə nee le ja tɔ ɓa ꞌɗaje gə ngan ko̰-si gə gə Masedowan tɔ̰y. Be ja kara j-ula jingaw mə-si gə kar ꞌɗaje ya̰ gə kede ja cibi,