Koula 16:15 - Mbede Lə Luba Kone Gə Sigi

¹⁵ Logə ꞌɗ-ɛ batɛm gə njeməkəyje lə-a ɗaa n-ɗa-si kɔgərɔ na: To gə ɓo o-mje gə njetakagə Mbayɓe to gə tɔgərɔ nama ꞌɗe andəje kəy lə-m isije kəne. Ɗaa n-ɗa n-ar j-a njigi go-e.

Testament ke Siki 1960 (Kabba Laka)

¹⁵ Tokou dèdè nda sa baptême ke dooudjé ke mè kei té la, nè ndoudjoudjè mpana, Tokou sésè womdjé tokou ndjè mè ndaa kaï mè Mbaibé Seigneur té, edéidjé kei lom, isidjé nou. Nè nïya ta pa karedjè ang nderèng djèdjè djao kei la.

Koula 16:15 ပူးပေါင်းရင်းမြစ်များ

Matiye 10:41

Dəw gə uwa pajambərə gə rɔ-ɛ gə mba n-to njekula lə Luba nama nj-ɛ a kinga kuga to gə pajambərə tɔ, ngaɓa dəw gə uwa njeneɗa gə gadə-gadə gə rɔ-ɛ gə mba to dəw gə gadə-gadə nama a kinga kuga to gə njeneɗa gə gadə-gadə be tɔ.

Matiye 3:6

ɗaa ꞌce gəl rɔ-je dɔ neɗa gə kṵra̰y gə lə-je gə ɗaga ngaɓa Ja̰ ɗa-je batɛm mə babo gə Jurədɛ̰ gə.

Lugu 14:23

Njekəy le pa ar ngon njekula le na: Un kila ɗəwje gə mə ndɔje gə, ɔsə dəwje ꞌɗe gə je mba kar mə ndogo lə-m ɗusu tubu.

Lugu 24:29

Ɗaa, ngan njenendoje gə joo le ꞌgang-ɛ nangə ꞌpa na: Isi gə si nee mba kar a kaw kandə, ngaɓa lo a kaw ndul ngaa. Be ɓa n-gangə n-aw gə je, mba kisi gə je.

Koula 11:14

gə a ɗe pa tar gə ꞌi a kaji ne gə njeməkəyje lə-i tɔ̰y.

Koula 16:31

Pɔl je gə Silas d-ila kəne na: ꞌTa kagə Mbayɓe Jeju nama a kaji, ꞌi gə njeməkəyje lə-i.

Koula 16:33

Dɔ kar-ɛ gə mə cil-e gə nee ja, n-aw gə je n-aw n-togo do lə-je ɗaa gə lo-e gə nee ja ꞌɗ-ɛ batɛm gə njeka-ɛje tɔ̰y tɔ.

Koula 16:34

N-təl n-aw gə je mə kəy gə lə-a, n-um-je ta ka nekusa gə ngaɓa n-ɗa ne rɔləl gə njeməkəyje lə-a tɔ̰y mba ta gə ꞌta kagə Luba.

Koula 18:8

Be ja kara Kirisəpus gə to nje ka dɔ kəy nendo lə Jiibije ta kagə Mbayɓe gə njeməkəyje lə-a tɔ̰y. Ngaɓa dəwje gə Kɔrɛnt bula gə d-o tar gə Pɔl pa kara ꞌta kagə Mbayɓe ar ꞌɗa-je batɛm.

Koula 8:12

Ngaa logə ꞌtaje kagə Pilibi gə ila mbərə Tar gə May gə ɔji dɔ ɓeko̰ lə Luba gə ri Jeju Kirisi ar-je ɗaa, jingawje gə jeneje d-ar ꞌɗa-je batɛm.

Koula 8:38

N-un ɗəw n-ar njekuwa ta pusu kunda lə-a ar nangə ngaɓa ꞌJejee joo kɛm d-uru mə man gə, Pilibi nəm ɓa ꞌmbakudu le nəm ɗaa n-ɗ-ɛ batɛm.

Romaindjé 16:23

Gayus gə to njekəy mba lə-m ngaɓa to nje kar Mbo̰ naa lə Njetakagəje tɔ̰y le, na m-o-si m-ar ꞌne tɔ. Erasətə gə to njengom nekinga lə ɓebo kara na m-o-si m-ar ꞌne ngaɓa ngon ko̰-si Karətus kara nəm tɔ.

2 Corinthiendjé 12:11

M-pa tar to gə dəw gə təl mbə be, sisəy ja ɓa ɔsə-mje ila-mje kəne. Mba sisəy le ja ɓa a paje tar taje ne dɔ-m ang wa? M-to ne ang tɔgərɔ ja, ngaa ne kara ja gə njeka̰ykulaje gə d-o rɔ-je gə dəwje gə to ɓəəl ya̰ nee le nday-m ne godo.

2 Corinthiendjé 5:14

Mba njigi lə Kirisi o̰ dɔ sijee, sijee ja gərə to gə dəw kara baa uy mba dəwje tɔ̰y ɗaa, dəwje tɔ̰y d-uy sə-a ɗəw kara baa;

Galatedjé 6:10

Gəl-e gə nee ɓa, ɗəw to kar j-a ɗaje may gə dəwje tɔ̰y, ngaa to may kar j-a ɗa gə njetakagəje ja ɓa.

Ephésiendjé 1:1

ꞌMa Pɔl njeka̰ykula lə Kirisi Jeju gə go mə njigi lə Luba, m-ɗa mbede nee m-ar njerɔsangəje gə d-isi Epɛs, gə ꞌto gə njetakagə Kirisi Jeju-je gə tɔgərɔ.

Philippiendjé 1:7

To gə dɔ gɔl-ɛ ja mba kar ꞌma m-əji tar gə to gə be dɔ-si gə tɔ̰y, mba mə-m uy dɔ-si ang, mba m-ar njang ngaɓa m-ɗa ɗɔ mba Tar gə May gə m-ila mbər-e le ɗaa ɓogəne gə m-to kəy kula gə kara sisəy ingaje sə-m mənuji lə Luba naa gə kara baa.

Pilimo 1:17

To gə ɓo, o-m gə nje baa kula lə-i nama uwa Onejim gə rɔ-i gə to gə ꞌma ja be tɔ.

Ebərəje 13:2

Ar-je mə-si uy dɔ kuwa mbaje ang, mba kuwa mbaje le ɓa nje gə kɛm d-ɔsə ne dɔ-je dɔ anjije gə lal gərə.

1 Piyɛr 5:12

Ɗəw gə lə ngon ko̰-si gə to dəw gə gadə-gadə, gə ri-a na Silibɛ̰ ɓa m-ɗa ne mbede nee, m-pa ne gə si tarje ɓəl, mba ndəji-si ne ngaɓa pa ne kar-si to gə mənuji lə Luba gə tɔgərɔ le, to to gə be ja ɗaa, uwaje gədərə kəm-si gə kede.

2 Jean 1:10

To gə ɓo dəw ɗe ɓə lə-si gə nendo nee le ang nama, ꞌuwaje gə rɔ-si gə ang nəm ngaɓa ꞌɗa-ɛje m-o-i ɓa ang nəm tɔ.

3 Jean 1:5

ꞋI gə m-njigi-i ya̰ le, ꞌto ngon kuji gə ngan ko̰-sijee gə maj-ɛ ɗəw kara baa gə njembaaje.

3 Jean 1:8

Ar-si j-uwa dəwje gə be gə rɔ-si gə mba kar j-a toje nje baa kulaje gə ɔji dɔ tar gə tɔgərɔ.