Koula 15:6 - Mbede Lə Luba Kone Gə Sigi

⁶ Be ɓa njeka̰ykulaje gə ngatɔgəje ꞌmbo̰ naa mba tən tar gə nee le ko.

Testament ke Siki 1960 (Kabba Laka)

⁶ Ndjè kouladjé ke tòkou dooudjé mbona naaté ta sange gel tar nèn.

Koula 15:6 ပူးပေါင်းရင်းမြစ်များ

Matiye 18:20

Mba lo gə dəwje joo ose munda ꞌmbo̰ naa kəne gə ri-m, nama m-ga̰ horo-je gə.

Koula 11:30

Logə ꞌmbo̰je ne le ɗaa d-ula ne Barənabas je gə Sɔl d-ar ngatɔgəje.

Koula 15:2

Ngaa Pɔl je gə Barənabas ꞌnjigi gə je go-e ang ɗaa ꞌma̰y gə je tar ya̰ kəne. Be ɓa d-un ɗəw d-ar Pɔl je gə Barənabas, gə nje gə kɛm horo-je gə kar-je d-aw Jerujalɛm d-aw d-inga njeka̰ykulaje gə ngatɔgəje ɔji dɔ tar gə nee le.

Koula 15:22

Be ɓa njeka̰ykulaje, gə ngatɔgəje gə mbo̰ naa lə njetakagəje tɔ̰y ja d-um kəji lə-je naa gə mba tɔr dəwje horo-je gə, kum-je dɔ Pɔl je gə Barənabas gə, gə Judas gə ꞌɓar-ɛ Barəsabas je gə Silas, gə to dəwje gə pa nja-je to gə maj-ɛ horo ngan ko̰ naaje gə mba kula-je Antiyos.

Koula 15:25

Be ɓa logə ndu-si asə naa ɗaa j-a tɔr dəwje j-um-je dɔ Barənabas je gə Pɔl gə ja njigi ya̰ gə mba kula-je ɓe lə-si, ye ɓa j-o gə ne gə may.

Koula 15:4

Logə ꞌce Jerujalɛm ɗaa Mbo̰ naa lə njetakagəje, gə njeka̰ykulaje ngaɓa ngatɔgəje nəm d-uwa-je mba. Cibi d-ɔr-je gəl ne tɔ̰y gə Luba ɗa gə je d-ar d-o tɔ.

Koula 16:4

Ndu gə njeka̰ykulaje gə ngatɔgəje d-un mə ɓe gə Jerujalɛm gə ꞌɗa mbede gə, mə ɓeboje tɔ̰y gə Pɔl ce kəne nama ar-je mba kar d-ila kuji kəne.

Koula 21:18

Lo kar-ɛ ɗaa Pɔl aw gə si ɓe lə Jagə ngaɓa ngatɔgəje tɔ̰y kara ꞌɗe kəne tɔ.

Koula 6:2

Be ɓa nje gə dɔg gə gir-je gə joo le mbo̰ bula bo ngan njenendoje tɔ̰y ngaɓa pa d-ar-je na: Kar j-uba kula pa tar lə Luba j-iya̰ mba kay nekusa le to gə maj-ɛ ang.

Ebərəje 13:17

Oje tar ta njekɔr no-sijee gə ngaɓa osoje kul no-je gə. Mba ꞌtɔsə kəm-je dɔ təbə gə lə-si gə d-a tura go-e. ꞌƊaje gə maj-ɛ mba kar ꞌɗa gə rɔləl ɓo gə man no ang mba ꞌtura go-e gə man no kara ne may kara gə a kingaje kəne godo.

Ebərəje 13:7

Ar-je mə-si ole dɔ njekɔr no-sijee gə ꞌpa tar lə Luba d-ar-si, ꞌtənje pa nja-je saar ce ne dɔ ndɔ yo-je gə ɗaa ꞌndəjije takagə lə-je.