Koula 14:5 - Mbede Lə Luba Kone Gə Sigi

⁵ Mba Jiibije gə dəwje gə ꞌgərə Luba ang gə mbayje lə-je ꞌsangə ɗəw mba ɗa-je məyɛr nəm ɓa, gə mba ɗɔ-je gə ər,

Testament ke Siki 1960 (Kabba Laka)

⁵ Tokou Gentildjé ke Juifdjé deo kadaba ke mbaidjé lodè mbona naaté ta dadè madjang, ke ta tiladè ke err,

Koula 14:5 ပူးပေါင်းရင်းမြစ်များ

Matiye 5:44

Ngaa ꞌma, ɗaa m-pa m-ar-si: ꞌNjigije njeba̰a̰je lə-si, ꞌtɔrəje ndu-si dɔ nje gə d-ugu ne d-ar-si, ꞌɗaje may gə nje gə ꞌnjigi-si ang gə kɔrɔ ja ꞌdəjije Luba mba nje gə d-ula kəm-si ndoo nəm tɔ.

Lugu 6:28

ꞌTɔrje ndu-si dɔ nje gə d-ugu ne ar-si, ꞌdəjije Luba mba nje gə d-ula kəm-si ndoo.

Koula 13:45

Ngaa logə Jiibije d-o bula dəwje ɗaa mə ɗa-je ar ꞌtəl pa tar ꞌtila ne kəm tar lə Pɔl ngaɓa ꞌtaji Luba nəm.

Koula 13:50

Ngaa Jiibije ꞌsula jeneje gə ꞌto nembaje lo polo Luba gə gə buba ɓeje d-ar d-ula kəm Pɔl je gə Barənabas ndoo ngaɓa ꞌtɔbə-je dɔ nangə gə lə-je.

Koula 14:19

Cibi ɓa Jiibije gə d-ḭ Antiyos, gə nje gə d-ḭ Ikoniyom ɗe d-oso gəl bula dəwje gə, ꞌtila Pɔl gə kɔr ər ꞌndɔr-ɛ d-aw d-ila-a gir ɓe gə mba d-əji to gə n-uy gə kuy ngaa.

Koula 14:2

Ngaa Jiibije gə to nje məkədərəje ꞌsula dəwje gə ꞌgərə Luba ang d-ar d-aw gə kəji gə kṵra̰y baa ja dɔ ngan ko̰ naa gə.

Koula 14:4

Bula dəwje ꞌkay naa dana mə ɓebo gə: nje gə nee d-oso gəl Jiibije gə, nje gə kən d-oso gəl njeka̰ykulaje gə tɔ.

Koula 17:5

Ngaa Jiibije gə nje ɗa mə-je, d-aw d-odo gayim dəwje ta nada d-um-je dɔ-je gə ꞌmbo̰ ne bula bo dəwje dɔ naa gə ngaɓa d-ar bangə ɓar ne mə ɓebo gə wu-wu. Cibi d-ɔdə d-aw kəy lə Jaso̰ d-aw ꞌsangə Pɔl je gə Silas mba tuwa-je ɗe gə je no dəw mə ɓeje gə.

2 Corinthiendjé 11:26

Ɗəw kaw mbaje gə le taar-taar ja m-ce ta yo gə dɔ baaje gə, m-ce ta nje ɓogo singaje gə, m-ce ta njebaɓeje lə-m gə ꞌsangə mba tɔl-m, dəwje gə ꞌgərə Luba ang kara m-ce ta-je gə nəm, d-aw sə-m ndama-ndama mə ɓeboje gə, m-ce ta yo gə mə ndag lo gə, gə mə babo gə, nay njɛ̰ baa kar-m m-inga yo horo ngan ko̰-mje gə gə mbɔr-ɛ baa,

1 Thessaloniciendjé 2:14

Be ɓa ngan ko̰-mje, ꞌtəl ꞌtoje nje ndaji kəm Mbo̰ naaje lə njetakagəje gə lə Luba gə gəl Kirisi Jeju gə gə d-isi dɔ nangə gə Jude gə. Mba njebaɓeje lə-sisəy gə kuji kəy ja d-ula kəm-si ndoo ɗəw kara baa to gə Jiibije d-ula ne kəm ꞌjejee ndoo be tɔ.

1 Thessaloniciendjé 2:16

D-ɔgə si ɗəw kar j-a pa tar j-ar dəwje gə ꞌgərə Luba ang d-inga ne kaji ngaɓa ꞌɗaje ne neɗaje gə kṵra̰y lə-je gə kede-kede. Ngaa lo tɔl t-ɛ ɗaa wungu lə Luba ubaje nangə.

1 Thessaloniciendjé 2:2

Ngaa, go ꞌməsərə gə j-o ngaɓa kəm-si gə d-ula ndoo mə ɓe gə Pilipi gə to gə oje ne tar-ɛ le ja kara, Luba ula jingaw mə-sijee gə ar j-ila mbərə Tar gə May lə-a j-ar-sisəy dan nejɔgəje gə bula.

2 Timoce 3:11

kəm-m gə d-ula ndoo, gə mɛr gə m-o kara o gə kəm-i nəm tɔ. Ne ur ti gə ɗa-m mə ɓe gə Antiyos, gə mə ɓe gə Ikoniyom, gə mə ɓe gə Lisətərə le o ja. D-ula kəm ndoo ya̰ ja ngaa m-uwa gədərə. Ngaɓa Mbayɓe ḭya̰-m kəne ang.