Koula 14:22 - Mbede Lə Luba Kone Gə Sigi

²² d-ula jingaw mə ngan njenendoje gə ngaɓa ꞌdəji-je mba kar d-uwa takagə lə-je gədərə tɔ. Cibi ꞌtəl ꞌpa d-ar-je to gə ɗəw ko ꞌməsərə ya̰ ɓa dəw a kandə ne mə ɓeko̰ gə lə Luba.

Testament ke Siki 1960 (Kabba Laka)

²² Dèdè nda baa ta kare mè ndjè kao gè tédjé to ngeng madji, dèdè ndedjidè ta kisi ke ko mè té ke ndò toï. Dèdè mpana, deo kinga né ongou nya a dja kase kao mè béh kö té lo Allah.

Koula 14:22 ပူးပေါင်းရင်းမြစ်များ

Matiye 10:38

dəw gə un kagə dəsə lə-a ɓa uwa ne go-m ang nama asə to nje kar ꞌma ang tɔ.

Matiye 16:24

Be ɓa Jeju təl pa ar ngan njenendoje lə-a na: To gə ɓo dəw gə njigi kuwa go-m nama, to may kar mbadə darɔ-ɛ, odo kagə dəsə lə-a, ɗaa uwa ne go-m.

Matiye 19:24

M-təl m-pa m-ar-si ja cibi to gə, a to ngangə ya̰ kar da gə ɓar-ɛ jambal nday kəm ɗəw libi gə, ngaa njenekinga kar andə ɓeko̰ gə dara le ngangə ya̰ ja cibi.

Marəke 10:30

nama ɓogəne ja a kinga gɔl tɔl, kəyje, ngan ko̰-ɛje, ko̰ nanje, ko̰je, nganje gə ndɔje ngaɓa d-a kula kəm-e ndoo nama a kinga təbə gə a to gə ndɔ gə ndɔ mə ndɔ gə bara.

Marəke 9:47

To gə ɓo kəm-i to ɗəw koso dan neɗa gə kṵra̰y gə nama, ɔr-ɛ ila-a kɔrɔ. May ya̰ mba kandə ɓeko̰ gə lə Luba gə kəm-i kara unda kar kəm-i ga̰ joo kɛm ɓa d-un-i d-ila-i dan pər gə a kṵy ang gə.

Lugu 24:26

To may kar Kirisi, dəw gə d-uwa dɔ-ɛ gə ubu le, o ꞌməsərə gə nee, ngaɓa a kandə dan riɓar gə lə-a le ang wa?

Jean 15:18

To gə ɓo dəwje ꞌnjigi-si ang gə kɔrɔ nama, may kar-si ꞌgərəje to gə ꞌma ja ꞌnjigi-m ang gə kɔrɔ dɔngɔr kede no-si gə.

Jean 15:20

Ar-je mə-si ole dɔ tar gə ꞌma m-pa m-ar-si: Ngon njekula to ɓəəl ya̰ unda ꞌɓəə-eje ang; to gə ɓo d-ula kəm-m ndoo nama sisəy kara d-a kula kəm-si ndoo tɔ; to gə ɓo ꞌngom tar lə-m ꞌma nama d-a ngom tar lə-sisəy tɔ.

Jean 16:33

M-pa tarje gə nee m-ar-si mba kar inga-je ɗɛgɛgɛ ɗəw gə lə-m. Dɔ nangə gə nee le, isije dan nekəmandoo gə ja, ngaa undaje singa-si dɔ mar-ɛ gə, m-cɛdə ɗɔ dɔ nangə ngaa.

Jean 3:5

Jeju ila-a kəne na: Tar gə tɔgərɔ ja m-pa m-ar-i, to gə ɓo dəw gə d-uji-e gə man gə Njil ang nama a kasə kandə mə ɓeko̰ gə lə Luba ang.

Koula 11:23

Logə n-ce Antiyos gə to gə n-o mənuji lə Luba ɗaa n-ɗa rɔləl ngaɓa n-ula jingaw mə-je gə mba kar d-um mə-je dɔ Mbayɓe gə.

Koula 11:26

logə n-inga-a ɗaa n-ɔr-ɛ n-ɗe sə-a Antiyos ɗaa d-isije kəne ɓal kara ja dɔngɔ, mbo̰je naa gə Mbo̰ naa lə njetakagəje ngaɓa ꞌtɔji-je ne bula dəwje. Be ɓa Antiyos gə nee ja d-unda ri ngan njenendoje na njetakagə Kirisije kəne dɔngɔr.

Koula 11:29

Be ɓa ngan njenendoje d-unda ndu-je mba kar na-na kara ar ne gə to ji-a gə mba kar d-ula ꞌla ne gə ngan ko̰ naaje gə d-isi dɔ nangə gə Jude.

Koula 13:43

ngaa logə mbo̰ naa unda ngang-ɛ ɗaa Jiibije bula gə njetəl Jiibije njekila kuji dɔ ne gə lə Lubaje ꞌndole go Pɔl je gə Barənabas, ꞌto̰ gə je tam ngaɓa d-ula jingaw mə-je gə mba kar d-uwa tar mənuji lə Luba gədərə.

Koula 14:20

Ngaa ngan njenendoje lə-a ꞌɗe ꞌgugu dɔ-ɛ mbugu ɗaa n-uba nangə n-ḭ n-təl n-andə mə ɓebo gə. Ngaɓa lo kar-ɛ ɗaa ꞌje gə Barənabas d-ɔdə d-aw Dɛrəbə. Lo kar-ɛ ɗaa ꞌje gə Barənabas ꞌtəl d-aw Dɛrəbə

Koula 14:28

Be ɓa ꞌtəl d-isije gə ngan njenendoje ndɔ bula ɓəl ja cibi.

Koula 15:32

Go-e gə ɗaa Judas ngaɓa Silas nəm, ꞌto pajambərəje tɔ ɗaa d-un tar ꞌpa d-ula ne jingaw mə ngan ko̰ naaje gə to gə ɗangə ja cibi.

Koula 15:41

ꞌNday gə ɗəw dɔ nangə gə Siiri gə Silisi d-ula jingaw mə Mbo̰ naaje lə njetakagəje.

Koula 18:23

Dɔ ndo-ɛ gə əng le kur-e əw njɛ̰ Antiyos ngaɓa n-day mə ɓeko̰je gə Galasi gə Piriji n-aw n-ula jingaw mə ngan njenendoje gə.

Koula 6:7

Tar lə Luba ɓar mii gə kede-kede ngaɓa kɔr ngan njenendoje ɔsə dɔ mar-ɛ to gə boy ja mə ɓe gə Jerujalɛm, cibi ɓa bula bo njekapoloje d-ila kuji dɔ takagə gə.

Koula 9:16

ɗaa m-a tɔj-ɛ ne ꞌməsərə gə ɗa-ɗa gə n-a ko mba ri-m.

Romaindjé 8:17

Be ɓa, to gə ɓo j-a to ngan-ɛ nama j-a to nje kuwa nendubaje tɔ, nje kuwa nendubaje lə Luba, ngaɓa nje baa kuwa nendubaje gə Kirisi, mba to gə ɓo tɔgərɔ ja j-o sə-a ꞌməsərə naa gə nama, d-a kula rɔnduba dɔ-si gə sə-a naa gə.

1 Corinthiendjé 1:8

ꞌNe ja n-a kar-si singa saar ce ne ɗud-e gə mba kar tar uwa ne dɔ-si ang dɔ ndɔ gə lə Mbayɓe lə-sijee Jeju Kirisi.

Philippiendjé 1:29

mba d-ar-si ɗəw gə go mənuji lə Kirisi, kar ꞌtaje kag-ɛ ja kara baa ang ngaa kar oje məsərə mba tar lə-a tɔ,

Colossiendjé 1:23

Ne kara baa le ɗaa, may kar ar-je dɔ takagə gə, ꞌɓərəje ngira-si kəne, gə ar-je njang, awje əw gə kunda mə gə Tar gə May pa tar-ɛ ar-si le ang. Tar gə May gə ꞌpa d-ar nekundaje tɔ̰y gəl dara gə, ngaɓa ꞌma Pɔl m-təl m-to nje kul-ɛ tɔ.

1 Thessaloniciendjé 3:13

may kar n-ula jingaw mə-si gə mba kar tar uwa dɔ-si ɔji dɔ sangə rɔ lə-si no gɔl Luba gə ang, dɔ ndɔ gə Mbayɓe lə-si Jeju a ɗe nee gə njerɔsangəje tɔ̰y. Oyo.

2 Timoce 1:8

Əw rɔ-i ɗa rɔ kul dɔ pa tar naji gə lə Mbayɓe lə-si nəm, ɓa dɔ-m ꞌma gə d-uwa-m d-ila-m kəy kula gə mba tar lə-a nəm tɔ. Ngaa o sə-m məsərə mba Tar gə May gə go singamongə lə Luba.

2 Timoce 3:12

Be ɓa dəwje tɔ̰y gə njigi kila kuji dɔ ne gə lə Luba gə mba kaw ne kəm baa gə Kirisi Jeju le d-a kula kəm-je ndoo.

1 Piyɛr 2:21

Ye gə kən le ja ɓa ꞌɓar-si mb-ɛ, mba Kirisi kara o ꞌməsərə mba-si tɔ ngaɓa ḭya̰ gə ne kɔji mar-ɛ ar-si, mba kar unje ne dɔ gɔl-ɛ.

1 Piyɛr 5:10

Luba gə nje ɗa mayje dang-dang, gə ɓar-si ɗəw gə lə Kirisi, kar-si isije sə-a dan rɔnduba gə a to saar gə no le, logə oje ꞌməsərə kor-e əw ɓəəl nama, ye ja a təl gɔl rɔ-si, a kula jingaw mə-si gə, a kar-si singa, a kar ngira-si uwa nangə baa-baa.

1 Piyɛr 5:9

Arje gədərə no-ɛ gə, uwaje takagə gədərə, mba ꞌgərəje to gə ngan ko̰-si gə dɔ nangə nee d-o ꞌməsərə ɗəw kara baa to gə be tɔ.

2 Piyɛr 1:11

Be ɓa ɓeko̰ lə Mbayɓe lə-si gə Njekaji-si Jeju Kirisi gə to gə ndɔ gə ndɔ le, d-a kɔr t-ɛ kila bəndəng kar-si.

Jude 1:3

Ngan ko̰-mje gə m-njigi-si ya̰, m-njigi ya̰ mba ɗa mbede kar-si ɔji dɔ kaji gə j-inga-je naa gə le, m-un kəm tim-tim mba ɗa, mba kula nee jingaw mə-si kar ꞌɗaje ɗɔ ɔji dɔ takagə gə d-ar njerɔsangəje gɔl kara baa ja gə dɔbo̰.

Apocalypse 1:9

ꞌMa Ja̰, ngon ko̰-si gə ɗəw takagə Kirisi gə, gə nje baa neməko̰ lə-si, ngaɓa nje baa ɓe lə-si gə mə ɓeko̰ gə lə Luba, ɓa gə njeba kuwa rɔ gədərə lə-si mba Kirisi gə d-um ubu dɔ-ɛ gə nəm. D-ila-m dɔ ngon gore gə gə ꞌɓar-ɛ Patəmos, mba mbərə tar lə Luba, ngaɓa gə mba tar naji lə Jeju tɔ.

Apocalypse 2:10

ꞌƁəəl mba ꞌməsərə gə a ko ang. O, ꞌSɛ̰ngərɛ̰ a kum nje gə kɛm horo-si gə kəy kula gə, mba na ne mə-si ko, ɗaa nenaje d-a na mə-si kəm ndɔ dɔg. Uwa ar-ɛ ngəng saar uy ne, ɗaa m-a kar-i jɔgə təbə.

Apocalypse 7:14

Ɗaa ꞌma m-ila-a kəne m-pa na: Mbayɓe lə-m, ꞌi ꞌgərə som! N-pa n-ar-m na: D-ḭ lo neməko̰ gə to ɓəəl ya̰. ꞌTogo kubuje lə-je gə ngal yududu-yududu ngaɓa ꞌsugu gə məsə Ngon badəm gə d-ar nda kələw-kələw.