Koula 14:19 - Mbede Lə Luba Kone Gə Sigi

¹⁹ Cibi ɓa Jiibije gə d-ḭ Antiyos, gə nje gə d-ḭ Ikoniyom ɗe d-oso gəl bula dəwje gə, ꞌtila Pɔl gə kɔr ər ꞌndɔr-ɛ d-aw d-ila-a gir ɓe gə mba d-əji to gə n-uy gə kuy ngaa.

Testament ke Siki 1960 (Kabba Laka)

¹⁹ A Juifdjé ï béh ke Antioche ke Iconium, dèdè ndè Lystre té, tokou dèdè dere dooudjé ke baya baya nèn, dèdè ntila Paul ke err. Dèdè dòrè ke giri béh té mbata dèdè dedji nè noei mbä.

Koula 14:19 ပူးပေါင်းရင်းမြစ်များ

Koula 13:14

D-ḭ mə ɓe Pɛrəjə d-aw gə no-je ꞌce Antiyos, dɔ nangə gə Pisidi. Ndɔ kuwa kɔr ɗaa d-aw d-andə kəy nendo gə d-isi kəne.

Koula 13:45

Ngaa logə Jiibije d-o bula dəwje ɗaa mə ɗa-je ar ꞌtəl pa tar ꞌtila ne kəm tar lə Pɔl ngaɓa ꞌtaji Luba nəm.

Koula 14:1

Logə Pɔl je Barənabas d-aw Ikoniyom kara d-aw d-andə kəy nendo gə tɔ, ꞌpa tar ꞌcɛdə ne singa bula bo Jiibije gə dəwje gə ꞌgərə Luba ang d-ar ꞌta kagə.

Koula 14:18

ꞌPa tarje to gə be ja ngaa to kədərə kar d-ɔgə dəwje lo kun nepolo kar je ang.

Koula 14:2

Ngaa Jiibije gə to nje məkədərəje ꞌsula dəwje gə ꞌgərə Luba ang d-ar d-aw gə kəji gə kṵra̰y baa ja dɔ ngan ko̰ naa gə.

Koula 14:21

D-ila mbərə Tar gə May mə ɓebo gə nee ngaɓa ꞌɗa dəwje bula gə ngan njenendoje nam ɓa ꞌtəl d-aw Lisətərə, gə Ikoniyom, gə Antiyos,

Koula 14:26

D-ḭ kəne ɗaa ꞌtəl d-al to d-aw Antiyos, lo gə d-ila-je mə ji Luba gə njemənuji gə nam ɓa, d-ar d-aw mba kula gə ꞌɗa-je nee le.

Koula 14:4

Bula dəwje ꞌkay naa dana mə ɓebo gə: nje gə nee d-oso gəl Jiibije gə, nje gə kən d-oso gəl njeka̰ykulaje gə tɔ.

Koula 14:5

Mba Jiibije gə dəwje gə ꞌgərə Luba ang gə mbayje lə-je ꞌsangə ɗəw mba ɗa-je məyɛr nəm ɓa, gə mba ɗɔ-je gə ər,

Koula 15:26

ꞌTo dəwje gə ꞌnuga rɔ-je kadə mba tar lə Mbayɓe lə-si Jeju Kirisi.

Koula 17:13

Ngaa logə Jiibije gə Tesaloniki d-o tar-ɛ to gə Pɔl aw pa tar lə Luba gə Bere tɔ ɗaa d-a̰y d-aw kəne d-aw d-ula njuma mə bula dəwje gə d-ar unda bangə.

Koula 22:20

ngaɓa ndɔ gə d-aw d-ila məsə Etiyɛn, njetar naji lə-i nangə le, ꞌma ja kara m-ga̰ kəne nəm, m-njigi go-e nəm ngaɓa m-ngom kubuje lə njetɔl-ɛje nəm tɔ.

Koula 7:58

d-ɔs-ɛ d-ila gir ɓe gə ɗaga ngaɓa ꞌtila-a gə kɔr ər. Njetar naj-ɛje le ꞌtɔr kubuje lə-je d-um ngira gɔl ngon basa̰ kara gə ri-a na Sɔl.

Koula 9:16

ɗaa m-a tɔj-ɛ ne ꞌməsərə gə ɗa-ɗa gə n-a ko mba ri-m.

1 Corinthiendjé 15:31

Ngan ko̰-mje, gə ndɔ-ndɔ ja m-o yo gə kəm nda̰-nda̰, m-pa tɔgərɔ ja, mba ꞌtoje ne rɔləl lə-m ɗəw gə lə Jeju Kirisi, Mbayɓe lə-sijee.

2 Corinthiendjé 11:23

ꞌTo njekulaje lə Kirisi wa? M-pa to to gə dəw gə dɔ-ɛ godo gə kɔrɔ be, m-to njekula lə Kirisi m-unda-je: ɗəw kula gə, ɗəw to kəy kula gə, ɗəw kunda gə ꞌkunda-m gə. Taar-taar ja m-aw ta yo cɛbɛdə-cɛbɛdə,

2 Corinthiendjé 11:25

ꞌkunda-m gə ndəy kɔb tarara-tarara gɔl munda, ꞌɗɔ-m gə kɔr ər gɔl kara, to njuyi sə-m gɔl munda, m-ɗa kar kara gə cil kara dan baa gə dana.

2 Corinthiendjé 11:26

Ɗəw kaw mbaje gə le taar-taar ja m-ce ta yo gə dɔ baaje gə, m-ce ta nje ɓogo singaje gə, m-ce ta njebaɓeje lə-m gə ꞌsangə mba tɔl-m, dəwje gə ꞌgərə Luba ang kara m-ce ta-je gə nəm, d-aw sə-m ndama-ndama mə ɓeboje gə, m-ce ta yo gə mə ndag lo gə, gə mə babo gə, nay njɛ̰ baa kar-m m-inga yo horo ngan ko̰-mje gə gə mbɔr-ɛ baa,

1 Thessaloniciendjé 2:14

Be ɓa ngan ko̰-mje, ꞌtəl ꞌtoje nje ndaji kəm Mbo̰ naaje lə njetakagəje gə lə Luba gə gəl Kirisi Jeju gə gə d-isi dɔ nangə gə Jude gə. Mba njebaɓeje lə-sisəy gə kuji kəy ja d-ula kəm-si ndoo ɗəw kara baa to gə Jiibije d-ula ne kəm ꞌjejee ndoo be tɔ.

2 Timoce 3:11

kəm-m gə d-ula ndoo, gə mɛr gə m-o kara o gə kəm-i nəm tɔ. Ne ur ti gə ɗa-m mə ɓe gə Antiyos, gə mə ɓe gə Ikoniyom, gə mə ɓe gə Lisətərə le o ja. D-ula kəm ndoo ya̰ ja ngaa m-uwa gədərə. Ngaɓa Mbayɓe ḭya̰-m kəne ang.