Koula 14:1 - Mbede Lə Luba Kone Gə Sigi

¹ Logə Pɔl je Barənabas d-aw Ikoniyom kara d-aw d-andə kəy nendo gə tɔ, ꞌpa tar ꞌcɛdə ne singa bula bo Jiibije gə dəwje gə ꞌgərə Luba ang d-ar ꞌta kagə.

Testament ke Siki 1960 (Kabba Laka)

¹ Ke béh Iconium té, Paul ke Barnabas dande mè kei Allah té lo Juifdjé naaté. Deo tar té ke dèdè mpa, dooudjé baya baya wo mèdè té, dèdè ke nto Juifdjé ke Grecdjé tò.

Koula 14:1 ပူးပေါင်းရင်းမြစ်များ

Marəke 7:26

Jene nee le to gərɛk, gə ngira ḭ gə dɔ nangə gə Siri ɓeko̰ gə Penisi. N-dəj-e mba kar tɔbə njil gə kṵra̰y mə ngon-e gə jene gə.

Jean 12:20

Gərɛgəje gə kɛm ꞌga̰ horo dəwje gə d-aw mba polo ne ndɔ ɗa nay gə.

Jean 7:35

Lo-e gə əng ɗaa, Jiibije ꞌpa tar horo naa gə na: Logə ɗa ngaɓa n-a kaw gə kəne ɓa j-a kinga-a ang magə wa? N-a kaw kinga nje gə ꞌsɛ̰rɛ̰ naa horo Gərɛgəje gə mba tɔji Gərɛgəje ne wa?

Koula 11:21

Mbayɓe dəbə ji-a dɔ-je gə ar kɔr nje gə ꞌta kagə, gə ꞌturu kəji lə-je gə rɔ Mbayɓe gə bo ya̰.

Koula 13:43

ngaa logə mbo̰ naa unda ngang-ɛ ɗaa Jiibije bula gə njetəl Jiibije njekila kuji dɔ ne gə lə Lubaje ꞌndole go Pɔl je gə Barənabas, ꞌto̰ gə je tam ngaɓa d-ula jingaw mə-je gə mba kar d-uwa tar mənuji lə Luba gədərə.

Koula 13:46

Ngaa Pɔl je Barənabas ꞌpa təsərə d-ar-je na: Sisəy ja, d-a pa tar lə Luba kar-si dɔngɔr ngaa mba ꞌmbadəje ngaɓa oje to gə asəje kingaje təbə gə gə ndɔ gə ndɔ ang, ɗaa oje: J-a turu kəm-si gə dɔ dəwje gə ꞌgərə Luba ang gə.

Koula 13:5

Logə ꞌce mə ɓe gə Salamin ɗaa d-ila mbərə Tar gə May lə Luba kəy nendo gə to kar Jiibije. Cibi d-aw gə Ja̰ Marəke gə nje la gə je.

Koula 13:51

Be ɓa Pɔl je gə Barənabas ꞌkunda kuru gə gɔl-je gə ɓa d-ɔdə d-aw Ikoniyom.

Koula 14:19

Cibi ɓa Jiibije gə d-ḭ Antiyos, gə nje gə d-ḭ Ikoniyom ɗe d-oso gəl bula dəwje gə, ꞌtila Pɔl gə kɔr ər ꞌndɔr-ɛ d-aw d-ila-a gir ɓe gə mba d-əji to gə n-uy gə kuy ngaa.

Koula 14:2

Ngaa Jiibije gə to nje məkədərəje ꞌsula dəwje gə ꞌgərə Luba ang d-ar d-aw gə kəji gə kṵra̰y baa ja dɔ ngan ko̰ naa gə.

Koula 14:21

D-ila mbərə Tar gə May mə ɓebo gə nee ngaɓa ꞌɗa dəwje bula gə ngan njenendoje nam ɓa ꞌtəl d-aw Lisətərə, gə Ikoniyom, gə Antiyos,

Koula 16:1

Logə n-ce Dɛrəbə ngaɓa Lisətərə, ɗaa ngon njenendo kara ga̰ kəne, ri-a Timoce, ko̰-ɛje to Jiibi gə takagə Kirisi ngaa bɔ-ɛje to gərɛk.

Koula 16:2

Ngan ko̰ naaje gə Lisətərə gə nje gə gə Ikoniyom ꞌpa tar naji lə-a may ya̰.

Koula 17:12

Dəwje bula horo-je gə ta kagə Mbayɓe ngaɓa jene Gərɛgəje gə ꞌto jene nembaje, gə jingawje bula asə mbagə nəm tɔ.

Koula 17:17

N-aw n-to̰ tam gə Jiibije mə kəy nendo gə lə-je ngaɓa gə dəwje gə ꞌpolo Luba ngaɓa gə dəwje n-inga-je nada gə ndɔ-ndɔ tɔ.

Koula 17:4

Tar le oso ur Jiibije gə kɛm ar d-um naa gə gə Pɔl je gə Silas ngaɓa dəwje gə ꞌgərə Luba ang bula gə to nje ɓəəl Lubaje, gə jeneje bula gə to jene nembaje nəm tɔ.

Koula 18:4

Gə ndɔ kuwa kɔrje tɔ̰y ja Pɔl aw ma̰y tar gə Jiibije nəm gə dəwje gə ꞌgərə Luba ang nəm kəy nendo gə lə Jiibije mba cɛdə ne singa-je.

Koula 18:8

Be ja kara Kirisəpus gə to nje ka dɔ kəy nendo lə Jiibije ta kagə Mbayɓe gə njeməkəyje lə-a tɔ̰y. Ngaɓa dəwje gə Kɔrɛnt bula gə d-o tar gə Pɔl pa kara ꞌta kagə Mbayɓe ar ꞌɗa-je batɛm.

Koula 19:10

To to gə be-be ja ɓal joo saar ar dəwje tɔ̰y gə d-isi dɔ nangə gə Aji d-o ne tar lə Mbayɓe, Jiibije ngaɓa dəwje gə ꞌgərə Luba ang nəm.

Koula 19:17

Ne gə nee le dəwje tɔ̰y gə d-isi Epɛs ꞌgərə, Jiibije gə dəwje gə ꞌgərə Luba ang gə ar ɓəəl unda-je badə gangə-je ɗaa d-ila riɓar dɔ ri Mbayɓe Jeju gə.

Koula 19:8

Pɔl andə kəy nendo gə lə Jiibjije n-pa tar kəne gə ɓəəl ang ngaɓa ma̰y gə je tar n-cɛdə ne singa-je gə ɔji dɔ ɓeko̰ lə Luba. N-ɗa be ja asə nay munda.

Koula 2:47

D-ɔsə gaji Luba ngaɓa kula ɗa-je ləl dəw mə ɓeje tɔ̰y nəm tɔ. Be ɓa gə ndɔ-ndɔ ja Mbayɓe ila kɔr dəwje gə d-inga kaji dɔ-je gə taar-taar.

Koula 20:21

m-pa gə ɗaga m-ar Jiibije gə dəwje gə ꞌgərə Luba ang mba kar turu kəji gə rɔ Luba gə ngaɓa ꞌta kagə Mbayɓe lə-si Jeju.

Koula 21:28

d-uru ne ꞌkuwi na: Ijirayɛlje ꞌce-je, oje dəw gə njetɔji ne gə lo-lo kar dəwje tɔ̰y, tila ne kəm dəw mə ɓeje nəm, tila ne kəm torondu nəm ngaɓa kəm lo gə nee nəm ngaɓa n-ɗe gə dəwje gə ꞌgərə Luba ang mə kəy polo Luba gə mba kar lo gə to losang-ɛ nee le mina ne.

Koula 9:20

ɗaa gə tɔg-ɛ baa ja n-aw n-pa tar lə Jeju mə kəy nendoje gə to gə Jeju nee le to ngon lə Luba.

Romaindjé 1:16

Mba m-ɗa rɔ kul ɔji dɔ Tar gə May ang, mba to singamongə lə Luba mba kar dəw gə ɗa-ɗa gə takagə nama aji ne, Jiibi ja dɔngɔr, ngaɓa dəw gə to Jiibi ang tɔ.

Romaindjé 10:12

Mba kɔr kəm dəw godo horo Jiibije gə dəw gə to Jiibi ang gə, mba Mbayɓe lə-je kara baa, gə nebaw lə-a to ɔji dɔ dəwje gə d-ila ndu-je nangə ꞌɓar-ɛ ne.

Galatedjé 2:3

Ngaa Titə, dəw gə to Gərɛk gə aw sə-m le, kuwa ja kara d-uwa-a gə singa d-ar n-unja bər-e ang.

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

Colossiendjé 3:11

ꞌYe gə nee le ɔji dɔ gərɛk ang nəm, Jiibi ang nəm, njekunja bərə ang nəm, njemɔdə ɓɔl ang nəm, mbaa ang nəm, nje kəm karə ang ang nəm, ɓərə ang nəm, nje dɔ to doy ang, ngaa Kirisi ja kara baa to mə-je gə tɔ̰y.

2 Timoce 3:11

kəm-m gə d-ula ndoo, gə mɛr gə m-o kara o gə kəm-i nəm tɔ. Ne ur ti gə ɗa-m mə ɓe gə Antiyos, gə mə ɓe gə Ikoniyom, gə mə ɓe gə Lisətərə le o ja. D-ula kəm ndoo ya̰ ja ngaa m-uwa gədərə. Ngaɓa Mbayɓe ḭya̰-m kəne ang.