Koula 13:6 - Mbede Lə Luba Kone Gə Sigi

⁶ Be ɓa logə d-unda dɔ ngo gore tɔ̰y nday ꞌce ɓebo gə Papos ɗaa d-inga njembɛ̰ kara gə to pajambərə gə gə mbɔr-ɛ baa, n-to Jiibi, ri-a na Barə Jeju,

Testament ke Siki 1960 (Kabba Laka)

⁶ Tokou dèdè dao do nange té toï ke man goukou girè nderèng Paphos, dèdè dinga doou kada ke to ndjè né ndön, prophète ke ndjè ngem lo Juifdjé ria na Bar-jésus.

Koula 13:6 ပူးပေါင်းရင်းမြစ်များ

Matiye 16:17

Jeju təl un tar pa ar-ɛ na: Simo, ngon lə Jonas, ꞌi to njerɔləl mba darɔ gə məsə ɓa təgə gəl ne gə nee ar-i ang, ngaa Bɔy gə isi mə dara gə ja ɓa təgə gəl-e ar-i.

Matiye 24:24

Mba kirisije gə gə mbɔr-ɛ baa gə Pajambərəje gə gə mbɔr-ɛ baa d-a ɗe ɗa netɔjije gə to ɓəəl to ɓəəl, gə neje dang-dang gə kəm dəw o ndɔ kara ang, mba kar ɗəw to nama kərə ne dəwje gə Luba mbərə-je ja kara nəm.

Matiye 7:15

Aje rɔ-si rɔ pajambərəje gə gə mbɔr-ɛ baa. ꞌƊa rɔ-je to gə badəmje be ngaa ꞌto njagəmanjɛrje njekusa da dɔngɔr gə je dɔ ɓəngərə-je gə.

Marəke 10:46

ꞌƊe ꞌce Jeriko. Ɗaa logə Jeju ce gə ngan njenendoje lə-a ngaɓa bula dəwje nəm ɗaa, nje kəm tɔ kara, gə ri-a na Barətime, gə to ngon lə Time, isi mbɔr ɗəw boo aw kuway ne.

Koula 13:13

Dɔ ndɔ-ɛ gə nee le Pɔl je gə njeba-ɛje lə-a d-ḭ ɓebo gə Papos d-aw Pɛrəjə dɔ nangə gə Paməpili ɗaa Ja̰ uba-je ḭya̰-je təl aw Jerujalɛm.

Koula 13:8

Ngaa Elimasə njembɛ̰, kɔr gəl ri-a le to to gə be, le ila kagə no-je gə, njigi mba kar njeko̰ ɓe le ta kagə ang.

2 Corinthiendjé 11:13

Dəwje gə nee le, ꞌto njeka̰ykulaje gə gə mbɔr-ɛ baa, njekulaje gə gə nje kəsə tarje, ꞌlom rɔ-je gə njeka̰ykulaje lə Kirisi.

2 Timoce 3:8

To to gə Janɛs je gə Jambɛrɛs d-ila ne karəw gə Moyiji dɔ ndɔ gə kede le ja tɔ a, dəwje gə əng le ꞌɗa to gə be gə tar gə tɔgərɔ tɔ, mba to dəwje gə kəji lə-je to gə maj-ɛ ang ngaɓa takagə lə-je kara to gə maj-ɛ ang tɔ.

1 Jean 4:1

Ngan ko̰-mje gə m-njigi-si ya̰, ꞌtaje kagə njil tɔ̰y baa ang, ngaa ꞌnaje njilje oje se ꞌtoje kar Luba ja wa; mba pajambərəje gə gə mbɔr-ɛ bula ꞌɗe dɔ nangə nee.

Apocalypse 19:20

D-uwa da kɔr le naa gə kara baa gə pajambərə gə gə mbɔr-ɛ baa, gə nje ɗa netɔjije lə-a no gɔl-ɛ gə, kərə ne dəwje ar d-ɔsə ndaji da kɔr rɔ-je gə ngaɓa ar d-um məkəji-je no ndaji-ɛ gə le tɔ. Joo kɛm ja d-umje kəm baa dan pər gə dan sori gə ta yɛg-yɛg.