Koula 13:50 - Mbede Lə Luba Kone Gə Sigi

⁵⁰ Ngaa Jiibije ꞌsula jeneje gə ꞌto nembaje lo polo Luba gə gə buba ɓeje d-ar d-ula kəm Pɔl je gə Barənabas ndoo ngaɓa ꞌtɔbə-je dɔ nangə gə lə-je.

Testament ke Siki 1960 (Kabba Laka)

⁵⁰ Juifdjé ndedji tòkou köbaidjé ke ngem tar lo Allah, ke tòkou dooudjé mè béh té ta sange Paul ke Barnabas ke tar, ke dèdè ntoubadè ke dang nange té lodè.

Koula 13:50 ပူးပေါင်းရင်းမြစ်များ

Matiye 10:23

Logə d-a kula kəm-si ndoo mə ɓebo gə nee gə nama a̰yje awje ye gə ɗangə gə. Tɔgərɔ ja m-pa m-ar-si, a kɔrəje sṵra̰ ɓeboje gə Ijirayɛl tɔ̰y ang ja, ꞌma gə Ngon lə dəw m-a ɗe.

Marəke 15:43

Jəjəb gə Arimate, gə to dəw gə d-ila kuji dɔ-ɛ gə, ngaɓa n-to kara lə nje gə no ngɔ gangə tar gə lə Jiibije, gə ye ja kara aw ngina ɓeko̰ lə Luba tɔ le ɗe. N-aw n-inga Pilad, n-dəj-e nin Jeju le.

Marəke 5:17

Be ɓa ꞌtəl ꞌɗa Jeju kɔgərɔ mba kar ɔdə dɔ nangə gə lə-je.

Koula 13:43

ngaa logə mbo̰ naa unda ngang-ɛ ɗaa Jiibije bula gə njetəl Jiibije njekila kuji dɔ ne gə lə Lubaje ꞌndole go Pɔl je gə Barənabas, ꞌto̰ gə je tam ngaɓa d-ula jingaw mə-je gə mba kar d-uwa tar mənuji lə Luba gədərə.

Koula 13:45

Ngaa logə Jiibije d-o bula dəwje ɗaa mə ɗa-je ar ꞌtəl pa tar ꞌtila ne kəm tar lə Pɔl ngaɓa ꞌtaji Luba nəm.

Koula 14:19

Cibi ɓa Jiibije gə d-ḭ Antiyos, gə nje gə d-ḭ Ikoniyom ɗe d-oso gəl bula dəwje gə, ꞌtila Pɔl gə kɔr ər ꞌndɔr-ɛ d-aw d-ila-a gir ɓe gə mba d-əji to gə n-uy gə kuy ngaa.

Koula 14:2

Ngaa Jiibije gə to nje məkədərəje ꞌsula dəwje gə ꞌgərə Luba ang d-ar d-aw gə kəji gə kṵra̰y baa ja dɔ ngan ko̰ naa gə.

Koula 14:4

Bula dəwje ꞌkay naa dana mə ɓebo gə: nje gə nee d-oso gəl Jiibije gə, nje gə kən d-oso gəl njeka̰ykulaje gə tɔ.

Koula 14:5

Mba Jiibije gə dəwje gə ꞌgərə Luba ang gə mbayje lə-je ꞌsangə ɗəw mba ɗa-je məyɛr nəm ɓa, gə mba ɗɔ-je gə ər,

Koula 16:14

Ɗaa jene kara, ri-a na Lidi, n-to nje ɗabə dɔ kubuje gə kasə wɛgɛ ngaɓa n-to gə Tiyatir, n-ɓəəl Luba ya̰. Jene nee le tuga mbi-a o ne tar ɗaa Mbayɓe mbudu dɔ ɓəngər-e ar-ɛ n-ta kagə tarje gə Pɔl pa le.

Koula 17:12

Dəwje bula horo-je gə ta kagə Mbayɓe ngaɓa jene Gərɛgəje gə ꞌto jene nembaje, gə jingawje bula asə mbagə nəm tɔ.

Koula 17:13

Ngaa logə Jiibije gə Tesaloniki d-o tar-ɛ to gə Pɔl aw pa tar lə Luba gə Bere tɔ ɗaa d-a̰y d-aw kəne d-aw d-ula njuma mə bula dəwje gə d-ar unda bangə.

Koula 17:17

N-aw n-to̰ tam gə Jiibije mə kəy nendo gə lə-je ngaɓa gə dəwje gə ꞌpolo Luba ngaɓa gə dəwje n-inga-je nada gə ndɔ-ndɔ tɔ.

Koula 17:4

Tar le oso ur Jiibije gə kɛm ar d-um naa gə gə Pɔl je gə Silas ngaɓa dəwje gə ꞌgərə Luba ang bula gə to nje ɓəəl Lubaje, gə jeneje bula gə to jene nembaje nəm tɔ.

Koula 18:7

Logə n-ɔdə lo-e gə ɗaa n-aw kəy lə dəw kara gə to nje ɓəəl Luba ri-a na Titiyus Jusətus, kəy lə-a le to mbɔr kəy nendo gə lə Jiibije lɛr baa.

Koula 2:5

Dɔ ndɔ-ɛ gə əng le Jiibije gə njekila kuji dɔ Luba gə je, mə gəl kuji dəwje gə tɔ̰y gə dɔ nangə nee ja ꞌɗe d-isi Jerujalɛm.

Koula 21:27

Logə ndɔ gə siri le a kaw ɗunga ɗaa, Jiibije gə Aji d-o-e mə kəy polo Luba gə ɗaa d-ula tar mə bula dəwje gə tɔ̰y ngaɓa d-ila d-uwa-a,

Koula 28:17

Ndɔ munda nday ɗaa Pɔl ɓar buba ɓeje lə Jiibije ngaɓa logə ꞌmbo̰ naa ɗaa n-pa tarje gə nee n-ar-je na: Ngan ko̰ naaje, m-ɗa ne kara gə kṵra̰y gə dəw mə ɓeje ang nəm, ɔji dɔ nejiɓe lə bɔ-sijee-je ang nəm ja d-uwa-m d-ila-m kəy kula gə Jerujalɛm ngaɓa d-ila mə ji nje gə Rɔm gə.

Koula 6:12

D-ɔsə-je dəw mə ɓeje, gə buba ɓeje gə njekɔr gəl toronduje d-umje dɔ-ɛ gə d-ar d-uwa gə singa ngaɓa d-aw sə-a no ngɔ gangə tar gə lə Jiibije.

Koula 8:1

Be ɓa Sɔl njigi gə je go ꞌtɔl gə tɔl Etiyɛn le. Dɔ ndɔ-ɛ gə əng le nekəmandoo gə boy ja oso dɔ Mbo̰ naa lə njetakagəje gə d-isi Jerujalɛm ɗaa njeka̰ykulaje ja gə kar-je baa ꞌnay ngaa ꞌjejee tɔ̰y ja ꞌja̰rɛ̰ naa dɔ nangə gə Jude gə Samari.

Romaindjé 10:2

Mba m-ɗa tar naji lə-je to gə tar kuwa Luba mə-je gə o̰-je ya̰ ja, ngaa ꞌgərə ɗəb-e gə tɔgərɔ ang.

2 Corinthiendjé 11:26

Ɗəw kaw mbaje gə le taar-taar ja m-ce ta yo gə dɔ baaje gə, m-ce ta nje ɓogo singaje gə, m-ce ta njebaɓeje lə-m gə ꞌsangə mba tɔl-m, dəwje gə ꞌgərə Luba ang kara m-ce ta-je gə nəm, d-aw sə-m ndama-ndama mə ɓeboje gə, m-ce ta yo gə mə ndag lo gə, gə mə babo gə, nay njɛ̰ baa kar-m m-inga yo horo ngan ko̰-mje gə gə mbɔr-ɛ baa,

1 Thessaloniciendjé 2:14

Be ɓa ngan ko̰-mje, ꞌtəl ꞌtoje nje ndaji kəm Mbo̰ naaje lə njetakagəje gə lə Luba gə gəl Kirisi Jeju gə gə d-isi dɔ nangə gə Jude gə. Mba njebaɓeje lə-sisəy gə kuji kəy ja d-ula kəm-si ndoo ɗəw kara baa to gə Jiibije d-ula ne kəm ꞌjejee ndoo be tɔ.

2 Timoce 3:11

kəm-m gə d-ula ndoo, gə mɛr gə m-o kara o gə kəm-i nəm tɔ. Ne ur ti gə ɗa-m mə ɓe gə Antiyos, gə mə ɓe gə Ikoniyom, gə mə ɓe gə Lisətərə le o ja. D-ula kəm ndoo ya̰ ja ngaa m-uwa gədərə. Ngaɓa Mbayɓe ḭya̰-m kəne ang.