Koula 13:39 - Mbede Lə Luba Kone Gə Sigi

³⁹ Dəw gə ta kag-ɛ nama tar neɗaje gə kṵra̰y gə torondu Moyiji asə kɔr tar-ɛ dɔ-ɛ gə ang le a kɔr dɔ-ɛ gə.

Testament ke Siki 1960 (Kabba Laka)

³⁹ Deo té la, dooudjé kada kada toï ke wo mèdè té, dé gaté gate ke né toï ke sésè asidjé dé gaté gaté deo tar ndedji té lo Moïse ang.

Koula 13:39 ပူးပေါင်းရင်းမြစ်များ

Lugu 10:25

Be ɓa, dəw kara horo njekɔr gəl toronduje gə ḭ taar pa tar mba na ne Jeju na: Njenetɔji, ɗi ɓa m-a ɗa mba kinga ne təbə gə gə ndɔ gə ndɔ wa?

Lugu 10:28

Jeju pa ar-ɛ na: Ila kəne may boy. ꞌƊa ne gə kən ɗaa, a kinga təbə gə ndɔ gə ndɔ.

Lugu 18:14

Jeju pa dɔ mar-ɛ gə cibi na: M-pa m-ar-si, njembo̰ lar gədə be nee le aw kəy lə-a gə maj-ɛ, tar ɔr dɔ-ɛ gə, ngaa ye gə kara ɗa bənəng ang baa, mba dəw gə ɗa-ɗa gə unda dɔ-ɛ taar gəgəgə nama, Luba a kuwa dɔ-ɛ kula nangə, ngaa dəw gə ula dɔ-ɛ ɓa Luba a kun-e kunda-a taar.

Jean 1:17

mba Luba ar torondu-e ɗe gə ɗəw gə lə Moyiji, ngaa tar gə tɔgərɔ gə mənuji ɗaa ɗe ɗəw gə lə Jeju Kirisi.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Koula 10:43

Pajambərəje tɔ̰y ja ꞌpa tar naji lə-a na: Dəw gə ta kag-ɛ nama mbɔr dɔ ri-a ja tar neɗaje gə kṵra̰y a kɔr ne dɔ-ɛ gə.

Romaindjé 10:10

Mba dəw gə ta kagə m-e gə ja ɓa to dəw gə gadə-gadə, ngaɓa dəw gə t-ɛ ce ja ɓa inga kaji.

Romaindjé 10:4

mba Kirisi ja tɔl ta torondu mba kar dəw gə ɗa-ɗa gə takagə to ne dəw gə gadə-gadə.

Romaindjé 3:19

Ngaɓa ja gərə to gə tar gə torondu pa le, pa ar nje gə d-isi gəl torondu gə, mba kar dəw kara kara cɛ̰ ne t-ɛ ngo ang, ngaɓa mba kar tar uwa ne dɔ dɔ nangə ne tɔ̰y no Luba gə ang.

Romaindjé 3:20

Mba dəw kara ja gə a to gadə-gadə no Luba gə go kila kuji dɔ torondu gə ang, mba torondu le ɔr ta ɗəw ar dəwje ꞌgərə ne neɗa gə kṵra̰y.

Romaindjé 4:15

Mba torondu uji wungu ngaɓa logə torondu godo kəne ɗaa kal tar godo kəne tɔ.

Romaindjé 4:24

ɔji dɔ sijee tɔ, gə d-a tura si, sijee gə j-a takagə nje ndol Mbayɓe lə-si Jeju horo nje gə d-uy gə,

Romaindjé 5:1

Mba ꞌtura si gə dəwje gə gadə-gadə ɗəw takagə gə le ɗaa, ɗɛgɛgɛ to horo-sijee gə gə Luba ɗəw gə lə Mbayɓe lə-si Jeju Kirisi;

Romaindjé 5:20

Torondu ce mba kar kal tar ba̰y ne gə kede, ngaa lo gə neɗa gə kṵra̰y ba̰y kəne nama mənuji bula kəne al dɔ lo.

Romaindjé 5:9

Ngaɓa mba ɓisine ꞌtura sijee gə dəwje gadə-gadə ɗəw məs-e gə le ɗaa, n-a ta-sijee ta wungu gə lə Luba ja tɔ.

Romaindjé 8:1

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

Romaindjé 9:31

ngaa Ijirayɛl gə sangə torondu ɓa mba to ne gadə-gadə le inga-a ang.

1 Corinthiendjé 6:11

Ngaɓa ye ja, to neje gə nje gə kɛm horo-si gə, ꞌɗa kede ja tɔ. Ngaa ꞌtogo-si, ngaa d-unda si gə losang-ɛ, ngaa ꞌturu-si gə dəwje gə gadə-gadə gə ri Mbayɓe Jeju Kirisi ngaɓa gə ɗəw Njil Luba gə lə-sijee nəm tɔ.

Galatedjé 2:16

To gə be ɓa, Luba o dəw gə dəw gə gadə-gadə ɔji dɔ kuji gə kila dɔ torondu gə ang ngaa ɔji dɔ takagə Jeju Kirisi. Sijee kara j-a ta kagə Jeju Kirisi mba kar Luba o ne si gə dəwje gə gadə-gadə ɗəw ta kagə Kirisi gə, ɓo dəw a to gadə-gadə ɗəw kila kuji dɔ torondu gə ang, mba dəw kara gə Luba a ko-e gə dəw gadə-gadə gə go kuji gə kila dɔ torondu le godo.

Galatedjé 2:19

Be ɓa, gə go torondu le, ꞌma m-uy ɗəw torondu gə gə mba kisi ne kəm baa mba Luba. ꞌƁərə-m kar kagə dəsə gə gə Kirisi,

Galatedjé 3:8

Ye gə nee le ɓa, Mbede pa kede to gə Luba a ko dəwje gə ꞌgərə Luba ang gə dəwje gə gadə-gadə gə go ɗəw takagə. Luba pa Tar gə May nee le ar Abəraham kede: Gəl kuji dəwje tɔ̰y gə dɔ nangə nee d-a kinga ndu tɔr ɗəw gə lə-i.

Galatedjé 5:3

M-njigi təl pa gɔl kara ja cibi kar dəw gə ɗa-ɗa gə ar d-unja bər-e le: May kar-e ila kuji dɔ torondu gə tɔ̰y ja ɓa.

Ebərəje 10:11

Njekapolo gə ɗa-ɗa kara ar ta kula gə lə-a gə ndɔ-ndɔ ja ngaɓa un nepolo gə asə kɔr neɗa gə kṵra̰y ang nəm ja baa lɔgɛ-lɔgɛ.

Ebərəje 10:4

Mba ɗəw gə məsə bɔ mangəje gə məsə bɔ badəmje a kɔr ne tar neɗa gə kṵra̰y dɔ dəw gə le godo.

Ebərəje 7:19

Mba torondu ɗa ne kara ar-ɛ may pɛdə ang, ngaa ɔr ta ɗəw ar-si nekunda mə gə may mba kar j-aw ne gə rɔ Luba gə.