Koula 13:26 - Mbede Lə Luba Kone Gə Sigi

²⁶ Ngan ko̰-mje, sisəy gə gəl kuji Abəraham gə ngaɓa nje ꞌɓəəl Luba horo-si gə, tar kaji nee le, sijee ja ɓa Luba ula-a ne ar-si.

Testament ke Siki 1960 (Kabba Laka)

²⁶ Ngakömdjé, ngandjé lo gel dooudjé lo Abraham, ke sésè horosè té ke ebelidjé Allah, doula tar kadji nèn daredjè mbä.

Koula 13:26 ပူးပေါင်းရင်းမြစ်များ

Matiye 10:6

Awje gə ɓe lə badəmje gə d-igi gə ɓe lə dəw mə ɓeje gə Ijirayɛl.

Matiye 3:9

Ɓo əw-je rɔ-si kunda-je mə-si na: Abəraham to ka-sijee! To gə be ɓa m-pa m-ar-si to gə ərje gə to nee ja kara Luba asə mba təl-je gə nganje kar Abəraham.

Lugu 1:69

N-ar-sijee njekaji-si gə boy Gəl kuji gə lə Dabidi, ngon njekula lə-a,

Lugu 1:77

Mba tɔji dəwje lə-a to gə d-a kinga kaji ɗəw gə Luba a kɔr ne tar neɗaje gə kṵra̰y lə-je dɔ-je gə.

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Jean 6:68

Simo Piyɛr ila-a kəne na: Mbayɓe, sijee j-a kaw gə rɔ na gə wa? Tarje gə kar təbə gə gə ndɔ gə ndɔ le ḭ rɔ-i ꞌI gə.

Koula 10:2

Dəw nee le ila kuji dɔ ne gə lə Luba ngaɓa gə njeməkəyje lə-a tɔ̰y ꞌɓəəl Luba nəm, gə n-la gə dəw mə ɓeje ya̰ nəm ngaɓa n-aw dəji Luba gə dɔ karje tɔ̰y.

Koula 10:35

Ngaa horo gəl kujije gə tɔ̰y ja ɓo dəw gə ɓəəl-e ngaɓa ɗa ne gə gadə-gadə nama ta kəm-e.

Koula 13:43

ngaa logə mbo̰ naa unda ngang-ɛ ɗaa Jiibije bula gə njetəl Jiibije njekila kuji dɔ ne gə lə Lubaje ꞌndole go Pɔl je gə Barənabas, ꞌto̰ gə je tam ngaɓa d-ula jingaw mə-je gə mba kar d-uwa tar mənuji lə Luba gədərə.

Koula 13:46

Ngaa Pɔl je Barənabas ꞌpa təsərə d-ar-je na: Sisəy ja, d-a pa tar lə Luba kar-si dɔngɔr ngaa mba ꞌmbadəje ngaɓa oje to gə asəje kingaje təbə gə gə ndɔ gə ndɔ ang, ɗaa oje: J-a turu kəm-si gə dɔ dəwje gə ꞌgərə Luba ang gə.

Koula 16:17

N-dole go si gə Pɔl naa gə ngaɓa n-uru ꞌkuwi na: Dəwje gə d-aw nee le ꞌto njekulaje lə Luba gə nje kisi sam dara gə ngaɓa d-aw d-ila mbərə ɗəw kaji.

Koula 22:5

Buba njekapolo kara to njetar naji lə-m tɔ ngaɓa ngatɔgəje tɔ̰y nəm, ɓa ꞌɗa mbede d-un ne ɗəw d-ar-m ɔji dɔ ngan ko̰ naaje gə mə ɓe gə Damasə, mba kar-m m-aw kəne ɓo m-tɔ-je m-ɗe gə je Jerujalɛm mba kar ꞌbɛ̰ ta-je.

Koula 28:28

May kar-si ꞌgərəje kaji lə Luba gə nee le ula ne ar dəwje gə ꞌgərə Luba ang, ɗaa ꞌjeje le d-a ko gə mbi-je ja.

Koula 3:26

Luba ɔr ngon njekula lə-a ula ɓe lə-sisəy ja dɔngɔr, mba kar n-tɔr ndu dɔ si gə, gə mba kar na-na kara mbadə ne go neɗaje gə kṵra̰y lə-a.

Koula 4:12

Dəw gə ɗangə kara gə kaji a kḭ rɔ-ɛ gə le godo, mba horo dəwje gə dɔ nangə nee le ri dəw kara gə j-a kaji ne godo.

Koula 5:20

Aw-je, aw ar-je mə kəy gə lə Luba, ꞌpaje tar təbə ar-je dəwje.

Romaindjé 1:16

Mba m-ɗa rɔ kul ɔji dɔ Tar gə May ang, mba to singamongə lə Luba mba kar dəw gə ɗa-ɗa gə takagə nama aji ne, Jiibi ja dɔngɔr, ngaɓa dəw gə to Jiibi ang tɔ.

Ephésiendjé 1:13

Ɗəw gə lə Kirisi le ja tɔ ɓa, sisəy oje ne mbərə tar gə tɔgərɔ, Tar gə May gə gə aji-si. Gə go ɗəw gə lə-a le ja cibi ɓa, sisəy ꞌtaje ne kagə, ɗaa d-ɔsə bəngə ji gə kar Njil rɔ-si gə, Njil Njerɔsangə gə d-ɔji gə mba kar-si,

Colossiendjé 1:5

mba ne kunda mə gə d-ar aw ngina si mə dara gə, gə go Tar gə May gə to tar gə tɔgərɔ gə ꞌpa d-ar-si ꞌgərəje kede le.