Koula 12:19 - Mbede Lə Luba Kone Gə Sigi

¹⁹ Erɔdə kara ula-je ar ꞌsang-ɛ ngaa d-inga əng ɗaa, n-təl n-dəji njengəm loje tar-ɛ cibi n-un ndu n-ar ꞌtɔl-je. Go-e gə ɗaa n-ɔdə Jude n-aw Sejare n-aw n-isi kəne.

Testament ke Siki 1960 (Kabba Laka)

¹⁹ Tokou Hérode sangè pi ke nè ningè ang, nè ndoudjou ndjè ke ngem tadeo kei koula, ke nè noula tè ta kare ntòldè. Gè té nè nïya Judée a nao Césarée té, nisi nou.

Koula 12:19 ပူးပေါင်းရင်းမြစ်များ

Matiye 2:1

Jeju le d-uji-e mə ɓe gə Bɛdəlɛhɛm dɔ nangə gə Jude, ɓal ko̰ ɓe gə lə mbay Erɔdə. Njenegərəje d-ḭ bəər ꞌɗe mə ɓe gə Jerujalɛm.

Matiye 2:13

Logə njenegərəje d-ɔdə d-aw ɗaa, Anji lə Mbayɓe ɗe ce dɔ Jəjəb gə gə ni, ngaɓa pa ar-ɛ na: Ḭ taar, ɓo un ngon tay le je gə ko̰-ɛje, a̰y aw gə je mə ɓe gə Ejipətə ɓo isije kəne saar ndɔ gə ꞌma ja m-pa na ꞌtəlje ɓa a təlje ɗeje ɓi, mba mbay Erɔdə aw sangə ngon tay nee le gə mba tɔl-ɛ.

Matiye 2:16

Logə mbay Erɔdə o to gə njenegərəje d-ər-e ɗaa, wungu ḭ sə-a ar-ɛ n-un ndu n-ar tɔl nganje gə jingaw gə ɓal-je joo gə nangə mə ɓe gə Bɛdəlɛhɛm ngaɓa mə ɓeje gə mbɔr-ɛ gə nəm, gə go ɓal nganje gə njenegərəje d-ɔji d-ar-ɛ le.

Koula 12:18

Logə lo arə ɗaa lo asə naa gə əng dɔ njeɗɔje gə ar ꞌdəji rɔ-je tar se Piyɛr le təl ɗi wa?

Koula 12:4

Logə d-uwa Piyɛr d-ila kəy kula gə ꞌtɔr njeɗɔje dɔg gə gir-je gə misa̰ ngaɓa d-uwa-je sɔɔ-sɔɔ ɓa d-ar ꞌngəm-e, mba ꞌnjigi kar pɛdə pagə nday nama kaw sə-a no dəw mə ɓeje gə.

Koula 12:6

Logə Erɔdə gɔl mba ce sə-a no ngɔ gangə tar gə ɗaa mə cil-e gə ja, Piyɛr to cibi horo njeɗɔje gə joo gə kula lar joo gə ꞌtɔ-ɛ ne baa ngaɓa njengəm ta kəy kulaje kara d-ar ꞌngəm ta kəy nəm tɔ.

Koula 16:27

Logə njengəm ta kəy ndol, gə o ta kəyje gə to tagəra baa tɔ̰y ɗaa ɔr kiya bayi lə-a mba tɔl ne rɔ-ɛ, mba n-əji to gə dəwje gə kəy kula gə le d-a̰y tɔ̰y ngaa.

Koula 21:8

Lo kar-ɛ ngaɓa j-ɔdə j-aw Sejare ɗaa j-aw kəy lə Pilibi gə njekila mbərə Tar gə May, gə to kara lə diyakərəje gə siri le ɓa j-a to kəne.

Koula 25:13

Ndɔje nday ɓəl go-e gə ɗaa mbay Agiripa je gə jene lə-a Berenisə ꞌɗe gə Sejare mba ɗa Pɛsətus m-o-i ɓa.

Koula 27:42

Njeɗɔje d-əji mba tɔl dəwje gə d-uwa-je le na dəw kara horo-je gə a kḭ koso man kalɛ ka̰y kaw.

Koula 8:40

Ngaa Pilibi ɗaa, aw ce Ajod, cibi ngaɓa ila mbərə Tar gə May le gə mə ɓeboje tɔ̰y gə n-nday kəne saar ce ne Sejare.