Koula 11:24 - Mbede Lə Luba Kone Gə Sigi

²⁴ Mba n-to dəw gə may, gə Njil Njerɔsangə ɗusu m-e gə takagə. Be ɓa bula dəwje d-asə mbagə d-un go Mbayɓe.

Testament ke Siki 1960 (Kabba Laka)

²⁴ Mbata nè nto doou ke madji, ke mèa dousou ke Ndil ke madji toï, ke ko mè té tô. Dooudjé baya baya mbona rò Mbaibé Seigneur té.

Koula 11:24 ပူးပေါင်းရင်းမြစ်များ

Matiye 12:35

Dəw gə may nama ne gə may ja tɔ ɓa a kḭ m-e gə, ngaa ɓo dəw gə kṵra̰y nama ne gə kṵra̰y ja tɔ ɓa a kḭ m-e gə tɔ.

Matiye 19:17

Jeju ila kəne na: Mba ɗi ɓa ꞌdəji-m tar gə ɔji dɔ ne gə may wa? Luba ja gə kar-ɛ baa ɓa to dəw gə may. To gə ɓo ꞌi njigi mba kinga təbə nama, ꞌngom toronduje lə Luba.

Lugu 23:50

Dɔ ndɔ-ɛ gə əng le, dəw kara ri-a na Jəjəb, n-to nje kar tar ndəji nje gə no ngɔ gangə tar lə Jiibije, n-to dəw gə may ngaɓa dəw gə dana gadə-gadə nəm tɔ.

Jean 7:12

Dan bula dəwje gə le, ꞌma̰y naa tar ya̰ ɔji dɔ-ɛ; nje gə kɛm ꞌpa na: N-to gə dəw gə may. Ngaa nje gə ɗangə tɔ ɗaa ꞌpa ꞌcila ne kəm nje gə ɓe kara na: N-to nje kərə bula dəwje kar-je ꞌndəm.

Koula 11:21

Mbayɓe dəbə ji-a dɔ-je gə ar kɔr nje gə ꞌta kagə, gə ꞌturu kəji lə-je gə rɔ Mbayɓe gə bo ya̰.

Koula 2:4

Be ɓa Njil Njerɔsangə ɗe ɗusu mə-je tɔ̰y ar ꞌtəl ꞌpa ndo̰ tarje gə ɗangə dang-dang gə Njil le ar-je mba kar ꞌpa.

Koula 2:47

D-ɔsə gaji Luba ngaɓa kula ɗa-je ləl dəw mə ɓeje tɔ̰y nəm tɔ. Be ɓa gə ndɔ-ndɔ ja Mbayɓe ila kɔr dəwje gə d-inga kaji dɔ-je gə taar-taar.

Koula 24:16

Gəl-e gə nee ɓa ꞌma kara m-ula rɔ-m ndubu gə dɔ karje tɔ̰y mba kar dəw ila tar dɔ kəji gə lə-m no Luba gə ngaɓa no dəwje gə ang.

Koula 5:14

Jingawje gə jeneje bula gə takagə Mbayɓe le kɔr-je oso dɔ mar-ɛ gə kede-kede.

Koula 6:3

Gəl-e gə nee ɓa, ngan ko̰-mje, ꞌmbərə-je jingawje siri horo-si gə, nje gə ꞌpa tar naji lə-je gə maj-ɛ, gə Njil kəm karə ɗusu mə-je mba kar-si j-um kula nekay nee le mə ji-je gə.

Koula 6:5

Tar gə nee ləl bula dəwje tɔ̰y. Be ɓa ꞌmbərə Etiyɛn gə to njetakagə gə to ɓəəl ya̰ ngaɓa Njil Njerɔsangə kara ɗusu m-e nəm, gə Pilibi, gə Porokɔr, gə Nikanɔr, gə Timo, gə Parəmenas ngaɓa Nikola gə to ngon njeɓe gə Antiyos ɓa təl Jiibi.

Koula 6:8

Etiyɛn le mənuji gə singamongə ɗusu m-e ɗaa ɗa neje dang-dang gə kəm dəw o ndɔ kara ang gə netɔjije gə boy-boy horo dəw mə ɓeje gə.

Koula 9:31

Mbo̰ naa lə njetakagəje gə Jude tɔ̰y, gə Galile gə Samari le dɔ-ɛ to ləl pɛ, inga singa, gə n-nja dan ɓəəl Mbayɓe gə ngaɓa uji mar-ɛ gə kede-kede ɗəw gə lə Njil Njerɔsangə.

Romaindjé 15:15

Be ja kara m-ɗa mbede m-pa ne gə si mə loje gə kɛm gə ndum gə mongə ɓəəl, ɗəw kara baa to gə m-ole ne mə-si, mba nuji gə Luba uwa sə-m,

Romaindjé 5:7

To kədərə ya̰ kar dəw a kuy mba dəw gə gadə-gadə; bayɛ̰ dəw a kuwa rɔ-ɛ gə jingaw kuy mba dəw gə may.