Koula 11:20 - Mbede Lə Luba Kone Gə Sigi

²⁰ Ngaɓa horo-je gə le dəwje gə kɛm gə d-ḭ Sipərə gə Sirɛn ꞌɗe Antiyos ꞌpa d-ar Gərɛgəje tɔ ngaɓa d-ila ne mbərə Tar gə May lə Mbayɓe Jeju d-ar-je nəm.

Testament ke Siki 1960 (Kabba Laka)

²⁰ Mare dooudjé horodè té, dooudjé ke Chypre ke Cyrène, tokou dèdè ntéh béh Antioche té, dèdè mpa dare Grecdjé tò, dèdè ntòdjou tar lo Mbaibé Jésus.

Koula 11:20 ပူးပေါင်းရင်းမြစ်များ

Matiye 27:32

Logə d-aw ꞌce mə ɓebo gə gə ɗaga ɗaa, d-inga dəw kara gə ɓe lə-a Sirɛn, ri-a na Simo, ɗaa d-uwa gə singa d-ar-ɛ odo kagə dəsə lə Jeju.

Jean 7:35

Lo-e gə əng ɗaa, Jiibije ꞌpa tar horo naa gə na: Logə ɗa ngaɓa n-a kaw gə kəne ɓa j-a kinga-a ang magə wa? N-a kaw kinga nje gə ꞌsɛ̰rɛ̰ naa horo Gərɛgəje gə mba tɔji Gərɛgəje ne wa?

Koula 11:19

Nje gə ꞌja̰rɛ̰ naa mba nekəmtondoo gə ce dɔ-je ɔji dɔ Etiyɛn le d-a̰y saar ꞌce Penisi, gə Sipərə ngaɓa ꞌce ɓebo Antiyos tɔ ɗaa ꞌpa tar neje nee le d-ar dəwje gə ɗangə ang ngaa ꞌpa d-ar Jiibije ja baa.

Koula 11:22

Tar lə-je oso mbi Mbo̰ naa lə njetakagəje gə Jerujalɛm ɗaa d-ula Barənabas d-ar-ɛ aw saar Antiyos le.

Koula 11:26

logə n-inga-a ɗaa n-ɔr-ɛ n-ɗe sə-a Antiyos ɗaa d-isije kəne ɓal kara ja dɔngɔ, mbo̰je naa gə Mbo̰ naa lə njetakagəje ngaɓa ꞌtɔji-je ne bula dəwje. Be ɓa Antiyos gə nee ja d-unda ri ngan njenendoje na njetakagə Kirisije kəne dɔngɔr.

Koula 11:27

Dɔ ndɔ-ɛje gə əng le, pajambərəje d-ḭ Jerujalɛm d-aw Antiyos.

Koula 13:1

Mbo̰ naa lə njetakagəje gə mə ɓe gə Antiyos le pajambərəje gə njenetɔjije ꞌga̰ kəne: Barənabas, Simiyo̰ gə ꞌɓar-ɛ Nijɛr, Lusiyus gə ɓe lə-a Sirɛn, Manayɛn gə nje baa kuji lə Erɔdə njeko̰ ɓe ngaɓa Sɔl tɔ.

Koula 14:26

D-ḭ kəne ɗaa ꞌtəl d-al to d-aw Antiyos, lo gə d-ila-je mə ji Luba gə njemənuji gə nam ɓa, d-ar d-aw mba kula gə ꞌɗa-je nee le.

Koula 15:22

Be ɓa njeka̰ykulaje, gə ngatɔgəje gə mbo̰ naa lə njetakagəje tɔ̰y ja d-um kəji lə-je naa gə mba tɔr dəwje horo-je gə, kum-je dɔ Pɔl je gə Barənabas gə, gə Judas gə ꞌɓar-ɛ Barəsabas je gə Silas, gə to dəwje gə pa nja-je to gə maj-ɛ horo ngan ko̰ naaje gə mba kula-je Antiyos.

Koula 15:23

ꞌƊa mbede to gə be d-ar-je na: Ngan ko̰-si, njeka̰ykulaje gə ngatɔgəje ꞌɗa mbede d-ar-sisəy ngan ko̰ naaje gə to Jiibije ang gə gə d-isi Antiyos, gə dɔ nangə gə Siiri gə Silisi. J-o si ɓa.

Koula 15:30

ꞌJejee nee le d-ɔdə ɗaa d-aw Antiyos, ꞌmbo̰ bula dəwje d-ar-je mbede le.

Koula 17:18

Njetɔji tar kəm karəje gə kɛm gə gəl dəw gə ri-a na Epikur gə nje kar Sətoysə d-ḭ ꞌpa gə Pɔl tar. Nje gə əər kara gə ꞌpa na: Tar ɗi ɓa njetura tar nee njigi pa wa? Nje gə kɛm na: To to gə n-aw n-ila mbərə magə mbaje be, mba Pɔl ila mbərə Tar gə May lə Jeju, gə tar ce buwa yo lə nje gə d-uy.

Koula 18:22

Logə n-uru nangə Sejare ɗaa n-aw n-o mbo̰ naa lə njetakagəje gə Jerujalɛm ngaɓa n-ɔdə n-aw Antiyos.

Koula 2:10

Piriji, Paməpili, Ejipətə, gə dɔ nangə ɓe gə Libi gə to mbɔr ɓebo gə Sirɛn, gə nje gə d-ḭ mə ɓebo gə Rɔm,

Koula 4:36

Jəjəb gə njeka̰ykulaje d-unda ri-a na Barənabas gə kɔr m-e na dəw gə njekula jingaw mə dəwje gə, n-to gə gəl kuji Lebi gə, ɓe lə-a Sipərə,

Koula 5:42

Ngaɓa gə ndɔ-ndɔ ja, mə kəy gə lə Luba ngaɓa mə kəyje gə d-əw rɔ-je tɔji ne gə kila mbərə Tar gə May gə ri Kirisi Jeju ang.

Koula 6:1

Dɔ ndɔ-ɛje gə əng le, ɗaa kɔr ngan njenendoje oso dɔ mar-ɛ gə ɗaa njetakagəje gə nje pa tar Gərɛgəje ꞌyṵrṵ tar ɔji dɔ Ebərəje mba d-aw kay ne gə ndɔ-ndɔ ngaa d-a ne lo gə dɔ jene ndubaje gə lə-je ang.

Koula 6:5

Tar gə nee ləl bula dəwje tɔ̰y. Be ɓa ꞌmbərə Etiyɛn gə to njetakagə gə to ɓəəl ya̰ ngaɓa Njil Njerɔsangə kara ɗusu m-e nəm, gə Pilibi, gə Porokɔr, gə Nikanɔr, gə Timo, gə Parəmenas ngaɓa Nikola gə to ngon njeɓe gə Antiyos ɓa təl Jiibi.

Koula 6:9

Nje gə kɛm horo-je gə d-ḭ kəy nendo gə lə Jiibije gə to kar ɓərəje gə d-ɔr kula gɔsə-je gə, horo nje gə d-ḭ ɓe gə Sirɛn gə ɓe gə Alɛgəjandəri ngaɓa nje gə d-ḭ dɔ nangə gə Silisi gə dɔ nangə gə Aji d-un kudu ma̰y tar gə Etiyɛn.

Koula 8:35

Be ɓa Pilibi un tar pa, un ne kud-e dɔ lo tura-a gə nee le, ila ne mbərə Tar gə May lə Jeju ar-ɛ.

Koula 8:5

Pilibi aw mə ɓebo gə Samari kara be ila mbərə Tar gə May lə Kirisi.

Koula 9:20

ɗaa gə tɔg-ɛ baa ja n-aw n-pa tar lə Jeju mə kəy nendoje gə to gə Jeju nee le to ngon lə Luba.

Koula 9:29

Jiibije gə nje pa tar Gərɛgəje kara n-ma̰y gə je tar nəm ngaa ꞌjejee nee ꞌsangə ɗəw mba kar ꞌtɔl-ɛ.

1 Corinthiendjé 2:2

Mba tar ne gə uwa mə-m horo-si gə le to Jeju Kirisi gə ꞌɓər-e kagə dəsə gə ja kara baa ɓo ne gə ɗangə ang.

Galatedjé 2:11

Ngaa logə Sepas ɗe mə ɓe gə Antiyos gə to dɔ nangə gə Siri, ɗaa m-pa sə-a kəm dəwje mba kula ɗ-ɛ gə to gə dɔ gɔl-ɛ ang.

Ephésiendjé 3:8

ꞌMa gə m-to gə dəw gə m-to gə ne ang baa horo njerɔsangəje gə le, d-ar-m m-inga mənuji gə nee le m-ila ne mbərə nebaw lə Kirisi gə gar-ɛ godo, m-ar nje gə ꞌto gə Jiibije ang,