Koula 11:19 - Mbede Lə Luba Kone Gə Sigi

¹⁹ Nje gə ꞌja̰rɛ̰ naa mba nekəmtondoo gə ce dɔ-je ɔji dɔ Etiyɛn le d-a̰y saar ꞌce Penisi, gə Sipərə ngaɓa ꞌce ɓebo Antiyos tɔ ɗaa ꞌpa tar neje nee le d-ar dəwje gə ɗangə ang ngaa ꞌpa d-ar Jiibije ja baa.

Testament ke Siki 1960 (Kabba Laka)

¹⁹ Tokou ban dèdè ke nsärèna mbata né ongou ke dé mbata tar lo Etienne, dèdè dao deo eo sar Phenicie ke Chypre ke Antioche, dèdè mpa tar ndja dare mare dooudjé ke dang ang, Juifdjé kadaba.

Koula 11:19 ပူးပေါင်းရင်းမြစ်များ

Matiye 10:6

Awje gə ɓe lə badəmje gə d-igi gə ɓe lə dəw mə ɓeje gə Ijirayɛl.

Jean 7:35

Lo-e gə əng ɗaa, Jiibije ꞌpa tar horo naa gə na: Logə ɗa ngaɓa n-a kaw gə kəne ɓa j-a kinga-a ang magə wa? N-a kaw kinga nje gə ꞌsɛ̰rɛ̰ naa horo Gərɛgəje gə mba tɔji Gərɛgəje ne wa?

Koula 11:20

Ngaɓa horo-je gə le dəwje gə kɛm gə d-ḭ Sipərə gə Sirɛn ꞌɗe Antiyos ꞌpa d-ar Gərɛgəje tɔ ngaɓa d-ila ne mbərə Tar gə May lə Mbayɓe Jeju d-ar-je nəm.

Koula 11:22

Tar lə-je oso mbi Mbo̰ naa lə njetakagəje gə Jerujalɛm ɗaa d-ula Barənabas d-ar-ɛ aw saar Antiyos le.

Koula 13:1

Mbo̰ naa lə njetakagəje gə mə ɓe gə Antiyos le pajambərəje gə njenetɔjije ꞌga̰ kəne: Barənabas, Simiyo̰ gə ꞌɓar-ɛ Nijɛr, Lusiyus gə ɓe lə-a Sirɛn, Manayɛn gə nje baa kuji lə Erɔdə njeko̰ ɓe ngaɓa Sɔl tɔ.

Koula 13:4

Barənabas je gə Sɔl le Njil Njerɔsangə ula-je to gə be ɗaa d-aw ꞌce mə ɓebo gə Seləsi ngaɓa d-al to mba kaw dɔ-je gə ɓe gə Sipərə.

Koula 13:46

Ngaa Pɔl je Barənabas ꞌpa təsərə d-ar-je na: Sisəy ja, d-a pa tar lə Luba kar-si dɔngɔr ngaa mba ꞌmbadəje ngaɓa oje to gə asəje kingaje təbə gə gə ndɔ gə ndɔ ang, ɗaa oje: J-a turu kəm-si gə dɔ dəwje gə ꞌgərə Luba ang gə.

Koula 14:26

D-ḭ kəne ɗaa ꞌtəl d-al to d-aw Antiyos, lo gə d-ila-je mə ji Luba gə njemənuji gə nam ɓa, d-ar d-aw mba kula gə ꞌɗa-je nee le.

Koula 15:22

Be ɓa njeka̰ykulaje, gə ngatɔgəje gə mbo̰ naa lə njetakagəje tɔ̰y ja d-um kəji lə-je naa gə mba tɔr dəwje horo-je gə, kum-je dɔ Pɔl je gə Barənabas gə, gə Judas gə ꞌɓar-ɛ Barəsabas je gə Silas, gə to dəwje gə pa nja-je to gə maj-ɛ horo ngan ko̰ naaje gə mba kula-je Antiyos.

Koula 15:3

ꞌJejee nee le, mbo̰ naa lə njetakagəje la gə je ar-je d-aw ɗaa ꞌnday Penisi gə Samari, d-ɔr gəl tar mbəl kəji lə dəwje gə ꞌgərə Luba ang gə ɗəw-ɗəw ɗaa rɔ ngan ko̰ naaje tɔ̰y ləl-je kəne ya̰.

Koula 15:30

ꞌJejee nee le d-ɔdə ɗaa d-aw Antiyos, ꞌmbo̰ bula dəwje d-ar-je mbede le.

Koula 15:35

Pɔl je gə Barənabas d-isi Antiyos ꞌtɔji ne ɔji dɔ Tar gə May lə Mbayɓe dəwje gə kɛm bula ngaɓa d-ila mbər-e nəm tɔ.

Koula 15:39

Lo-e gə nee ɗaa məko̰ gə boy oso horo-je ar ꞌkay naa ɗəw. Be ɓa Barənabas ɔr Marəke, ar d-al to d-aw gə Sipərə.

Koula 18:22

Logə n-uru nangə Sejare ɗaa n-aw n-o mbo̰ naa lə njetakagəje gə Jerujalɛm ngaɓa n-ɔdə n-aw Antiyos.

Koula 21:16

Ngan njenendoje gə Sejare kara ꞌɗe gə si tɔ ɗaa j-aw kəy lə dəw kara gə ri-a na Naso̰ gə ɓe lə-a Sipərə, n-to ngon njenendo ləw baa ɗaa kəy lə-a ɓa d-a kar j-a to kəne.

Koula 21:2

Lo-e gə nee le j-inga to gə aw nday gə Penisi ɗaa j-al j-aw ne.

Koula 3:26

Luba ɔr ngon njekula lə-a ula ɓe lə-sisəy ja dɔngɔr, mba kar n-tɔr ndu dɔ si gə, gə mba kar na-na kara mbadə ne go neɗaje gə kṵra̰y lə-a.

Koula 4:36

Jəjəb gə njeka̰ykulaje d-unda ri-a na Barənabas gə kɔr m-e na dəw gə njekula jingaw mə dəwje gə, n-to gə gəl kuji Lebi gə, ɓe lə-a Sipərə,

Koula 6:5

Tar gə nee ləl bula dəwje tɔ̰y. Be ɓa ꞌmbərə Etiyɛn gə to njetakagə gə to ɓəəl ya̰ ngaɓa Njil Njerɔsangə kara ɗusu m-e nəm, gə Pilibi, gə Porokɔr, gə Nikanɔr, gə Timo, gə Parəmenas ngaɓa Nikola gə to ngon njeɓe gə Antiyos ɓa təl Jiibi.

Galatedjé 2:11

Ngaa logə Sepas ɗe mə ɓe gə Antiyos gə to dɔ nangə gə Siri, ɗaa m-pa sə-a kəm dəwje mba kula ɗ-ɛ gə to gə dɔ gɔl-ɛ ang.