Koula 10:43 - Mbede Lə Luba Kone Gə Sigi

⁴³ Pajambərəje tɔ̰y ja ꞌpa tar naji lə-a na: Dəw gə ta kag-ɛ nama mbɔr dɔ ri-a ja tar neɗaje gə kṵra̰y a kɔr ne dɔ-ɛ gə.

Testament ke Siki 1960 (Kabba Laka)

⁴³ Prophètedjé toï pa tar nadji la, ke dooudjé kada kada toï ke wo mèdè té sa, nè nïya né ke madjang lodè deo ria té.

Koula 10:43 ပူးပေါင်းရင်းမြစ်များ

Marəke 16:16

Dəw gə ta kagə ngaɓa ꞌɗ-ɛ batɛm nama a kinga kaji, ngaa dəw gə ta kagə ang nama tar a kuwa dɔ-ɛ.

Lugu 24:47

Ɗaa, d-a kila mbərə turu kəji gə kar kɔr tar neɗa gə kṵra̰y gə ri-a dɔ gəl kuji dəwje gə tɔ̰y, a kun kud-e mə ɓe gə Jerujalɛm gə.

Jean 1:45

Pilibi inga Nataniyɛl ɗaa pa ar-ɛ na: Sijee j-inga dəw gə mbede lə Moyiji gə mbede lə pajambərəje ꞌpa tar lə-a, Jeju gə ɓe gə Najarɛd, gə to ngon lə Jəjəb le.

Jean 20:31

Ɗaa, neje gə nee le, ꞌɗa mba kar-si ꞌtaje ne kagə to gə Jeju to Kirisi, Ngon lə Luba, ngaɓa gə ɗəw takagə gə nee tɔ ɗaa ingaje ne təbə gə ri-a tɔ.

Jean 5:24

Tar gə tɔgərɔ ja, m-pa m-ar-si, dəw gə o tar lə-m ɓa ɓo ta kagə ye gə ula-m nama, inga təbə gə gə ndɔ gə ndɔ; a kaw lo gangə tar gə ang, ngaa ce ta yo gə mba kisi kəm baa.

Koula 15:9

ꞌNe n-ɔr kəm-je dang gə sijee ang mba n-togo mə-je n-ar arə ngadə ɗəw takagə gə.

Koula 2:38

Piyɛr pa ar-je na: ꞌTuruje kəji lə-si, ngaɓa na-na ja kara ar ꞌɗ-ɛ batɛm gə ri Jeju Kirisi, mba kar tar neɗa gə kṵra̰y ɔr ne dɔ-ɛ gə, ɗaa a kingaje nenuji lə Njil Njerɔsangə.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Koula 26:22

Ngaa mbɔr dɔ Luba gə ngom-m ɓa saar ɓogəne m-ɗa tar naji lə ne gə Pajambərəje, gə Moyiji ꞌpa tar-ɛ kede to gə a ɗe le, no nganje gə no bubaje gə, lal pa tar gə ɗangə.

Koula 3:16

Dəw gə ar aw o-eje gə ꞌgər-eje nee le, mbɔr dɔ takagə ri Jeju, ri gə nee le ja ɓa ar-ɛ singa ngaɓa ta kagə Jeju ja ɓa n-aji ne barang kəm-si gə tɔ̰y nee.

Koula 3:18

Ngaa Luba tɔl ta ne gə ye pa kede ləw baa gə ndu pajambərəje lə-a tɔ̰y, tar gə ɔji dɔ ko məsərə lə Kirisi lə-a le.

Romaindjé 10:11

Mba mbede pa na: Dəw gə ɗa-ɗa gə ta kag-ɛ le rɔ kul a kuwa-a ang.

Romaindjé 3:21

Ngaa ɓisine ɗaa Luba kila gadə-gadə lə-a gə ɗaga lal torondu to gə ꞌpa ne mə torondu ngaɓa pajambərəje kara ꞌpa ne nəm,

Romaindjé 5:1

Mba ꞌtura si gə dəwje gə gadə-gadə ɗəw takagə gə le ɗaa, ɗɛgɛgɛ to horo-sijee gə gə Luba ɗəw gə lə Mbayɓe lə-si Jeju Kirisi;

Romaindjé 6:23

Mba kuga lə neɗa gə kṵra̰y to yo; ngaa nekarə baa lə Luba to təbə gə gə ndɔ gə ndɔ ɗəw gə lə Mbayɓe lə-sijee Kirisi Jeju.

Romaindjé 8:1

Ɓisine ɗaa tar kara kara uwa dɔ nje gə d-um naa gə gə Kirisi Jeju ang.

Romaindjé 8:34

Na ɓa a kar tar uwa dɔ-je wa? Kirisi Jeju le ɓa to dəw gə uy, cibi ɓa ndol, aw isi dɔ ji kɔl Luba gə, aw dəji Luba mba sijee!

Galatedjé 3:22

Ngaa Mbede um ne tɔ̰y gəl singamongə gə lə neɗa gə kṵra̰y mba kar ndu kun gə d-uwa dɔ gɔl-ɛ le, d-ar njetakagə ɗəw takagə Jeju Kirisi gə.

Ephésiendjé 1:7

Gə ɗəw gə lə-a gə mbɔr dɔ məs-e ɓa uga dɔ sijee, ɔr tar neɗaje gə kṵra̰y lə-si dɔ-si gə, gə go mənuji lə-a gə ɗusu lo njḭ-njḭ,

Colossiendjé 1:14

Mbɔr dɔ-ɛ ꞌne ja ɓa j-inga ne kaji ngaɓa tar neɗaje gə kṵra̰y ɔr ne dɔ-si gə.

Ebərəje 13:20

May kar Luba gə njekunda gəl ɗɛgɛgɛ, gə ar Mbayɓe le-si Jeju ndol horo nje gə d-uy, to ne njekuul badəmje gə boy, ɗəw gə lə məs-e gə riya ne kone gə to gə ɓal-ɓal,

1 Piyɛr 1:11

Njil Kirisi gə to mə-je gə le, pa ar-je kede nam to gə Kirisi a ko ꞌməsərə ngaɓa rɔnduba a kore go-e. Be ɓa Pajambərəje nee le ꞌsangə ɗəw gə mba gərə dɔ ndɔ gə neje nee le a ɗe ne ngaɓa a to to gə ban wa?

Apocalypse 19:10

M-oso nangə no gɔl-ɛ gə mba pol-e, ɗaa n-pa n-ar-m na: Əw rɔ-i mba polo-m! M-to gə njeba kula le-i gə njeba-ɛ lə ngan ko̰-ije gə ꞌpa tar naji lə Jeju. Luba ɓa ꞌpol-e, mba tar naji lə Jeju le ɓa to gə njil kila mbərə.