Koula 10:35 - Mbede Lə Luba Kone Gə Sigi

³⁵ Ngaa horo gəl kujije gə tɔ̰y ja ɓo dəw gə ɓəəl-e ngaɓa ɗa ne gə gadə-gadə nama ta kəm-e.

Testament ke Siki 1960 (Kabba Laka)

³⁵ A horo gel dooudjé té toï, dooudjé kada kada ke bel Allah ke da né gaté gaté, dase kem Allah té.

Koula 10:35 ပူးပေါင်းရင်းမြစ်များ

Lugu 1:28

Anji le andə dɔ-ɛ ɗaa pa ar-ɛ na: M-o-i ɓa ɓo, ꞌi gə mənuji lə Luba to dɔ-i gə, Mbayɓe nay sə-i.

Koula 10:2

Dəw nee le ila kuji dɔ ne gə lə Luba ngaɓa gə njeməkəyje lə-a tɔ̰y ꞌɓəəl Luba nəm, gə n-la gə dəw mə ɓeje ya̰ nəm ngaɓa n-aw dəji Luba gə dɔ karje tɔ̰y.

Koula 10:28

Piyɛr un tar pa ar-je na: ꞌGərəje to gə ndu ɔgə mba kar dəw gə to Jiibi ang nama Jiibi um sə-a naa gə ang nəm andə kəy lə-a ang nəm tɔ ngaa Luba tɔji-m mba kar-m m-o dəw gə dəw gə uwa yoro ose mina ang.

Koula 15:9

ꞌNe n-ɔr kəm-je dang gə sijee ang mba n-togo mə-je n-ar arə ngadə ɗəw takagə gə.

Koula 9:31

Mbo̰ naa lə njetakagəje gə Jude tɔ̰y, gə Galile gə Samari le dɔ-ɛ to ləl pɛ, inga singa, gə n-nja dan ɓəəl Mbayɓe gə ngaɓa uji mar-ɛ gə kede-kede ɗəw gə lə Njil Njerɔsangə.

Romaindjé 2:13

Mba dəwje gə ꞌtuga mbi-je d-o ne torondu ɓa to dəwje gə gadə-gadə ta kəm Luba gə ang ngaa nje gə ꞌɗa ne kula ɓa d-o-je gə dəwje gə gadə-gadə.

Romaindjé 2:14

Logə dəwje gə ꞌgərə Luba ang, gə ꞌgərə torondu ang ja, d-ḭ gə dɔ rɔ-je baa ja ꞌɗa ne gə torondu pa, ꞌjejee gə torondu godo ji-je gə nee le, ꞌjejee ja ꞌto torondu gə ɔji dɔ rɔ-jejee ja;

Romaindjé 3:22

gadə-gadə lə Luba gə ɗe gə go takagə Jeju Kirisi le, to mba dəwje gə ꞌta kagə, mba kɔr kəm dəw godo.

1 Corinthiendjé 12:13

Mba mə Njil gə kara ɗəgədə nee ja sijee tɔ̰y gə ja to darɔ gə kara baa le, ꞌɗa-si batɛm tɔ̰y kəne, Jiibije, gə nje gə to Jiibije ang, gə ɓərəje, gə nje dɔ-je to doy, ngaɓa Njil gə kara nee le ja tɔl kunda lə-si tɔ̰y.

2 Corinthiendjé 7:1

Sisəy gə m-njigi-si ya̰, mba d-uwa dɔ gɔl neje gə to gə be d-ar-si naa gə kara baa le ɗaa, ar-je si ja togoje ne gə mina gə darɔ-si gə, gə mə njil gə mba kar sangə rɔ aw nee ɗɔ-ɛ gə kede-kede tɔl ne t-ɛ bugum dan ɓəəl Luba gə.

Galatedjé 3:28

Jiibi ang nəm Gərɛk ang nəm, ɓərə ang nəm, ngon kuji ang nəm, jingaw ang nəm jene ang nəm, mba sisəy tɔ̰y ꞌtoje dəwje gə kara baa gəl Kirisi Jeju.

Ephésiendjé 1:6

mba kila ne riɓar ɔji dɔ njigi gə lə-a gə n-unda ne sijee dan may gə ɗəw gə lə ngon-e gə n-ɓol-e.

Ephésiendjé 5:21

ꞌƁəəlje Kirisi, osoje kul no naa gə yo gə nee mba ɓəəl gə ꞌɓəəlje Kirisi.

Philippiendjé 3:3

Mba njekunja bərəje gə tɔgərɔ le to sijee, gə j-aw polo Luba ɗəw Njil Luba gə, gə j-ila ne riɓar dɔ Kirisi Jeju gə, ngaɓa j-unda kar-si gə ne gə darɔ gə ang.

Colossiendjé 1:6

Tar gə May gə nee le aw ce ɓə lə-si, ɗəw kara baa to gə kand-e to ngaɓa ta dɔ nangə tɔ̰y ja to to gə to ne horo-sisəy gə kede ləw dɔ ndɔ gə oje ne tar mənuji lə Luba gə dɔgɔr-ɛ ja ngaɓa ꞌgərəje tar mənuji nee le to gə tar gə tɔgərɔ ja,

Colossiendjé 3:11

ꞌYe gə nee le ɔji dɔ gərɛk ang nəm, Jiibi ang nəm, njekunja bərə ang nəm, njemɔdə ɓɔl ang nəm, mbaa ang nəm, nje kəm karə ang ang nəm, ɓərə ang nəm, nje dɔ to doy ang, ngaa Kirisi ja kara baa to mə-je gə tɔ̰y.

1 Jean 2:29

To gə ɓo sisəy ꞌgər-eje gə dəw gə gadə-gadə nam, to gə ɓo dəw ɗa-ɗa ɓa ɗa ne gə gadə-gadə nama may kar ꞌgərəje to gə ꞌne ja n-uji-e.