Koula 10:34 - Mbede Lə Luba Kone Gə Sigi

³⁴ Be ɓa Piyɛr cɛ̰ t-ɛ pa na: Tɔgərɔ m-gərə to gə Luba ɔr kəm dəwje ang.

Testament ke Siki 1960 (Kabba Laka)

³⁴ Pierre òrou tè pana, Tokoro, mam ngeré Allah piti doou kada wota maredjé ang.

Koula 10:34 ပူးပေါင်းရင်းမြစ်များ

Matiye 22:16

D-ula ngan njenendoje lə-je gə nje koso gəl Erɔdə gə je ɓə lə Jeju na: Njenetɔji, j-a gərə to gə ꞌto nje pa tar gə tɔgərɔ nəm, ꞌtɔji dəwje ɗəw lə Luba gə tɔgərɔ, ꞌɓəəl ne kəm dəw ang, mba ꞌi o pa kun darɔ lə dəwje gə ɗaga baa ang.

Matiye 5:2

Ɗaa Jeju un kudu tɔji dəwje ne na:

Lugu 20:21

ꞌDəji-e tar gə tɔgərɔ na: Njenetɔji, j-a gərə to gə ꞌto nje pa tar gə tɔgərɔ, ngaɓa ꞌtɔji dəwje ne gə ɗəw gə dana gadə-gadə. ꞌI ɔr kəm dəwje ang ngaɓa ꞌtɔji dəwje pa nja gə ta kəm Luba nəm tɔ.

Koula 10:33

Be ɓa gə tɔg-ɛ baa ja m-ula m-ɓar-i ɗaa ꞌi kara ꞌɗa may ya̰ ja tɔ ɓa ḭ ꞌɗe nee. Ɓisine j-isi no Luba gə tɔ̰y ja mba ko tar gə Mbayɓe ula-i ne le.

Koula 15:9

ꞌNe n-ɔr kəm-je dang gə sijee ang mba n-togo mə-je n-ar arə ngadə ɗəw takagə gə.

Koula 8:35

Be ɓa Pilibi un tar pa, un ne kud-e dɔ lo tura-a gə nee le, ila ne mbərə Tar gə May lə Jeju ar-ɛ.

Romaindjé 2:11

Mba no Luba gə le kɔr kəm dəw godo.

Romaindjé 3:29

Ose, Luba le to Luba lə Jiibije ja gə kar je baa wa? Ɓo nje gə to Jiibije ang ɗaa n-to Luba lə-je ja tɔ ang wa? Be ɓa dəwje gə ꞌgərə Luba ang kara n-to Luba lə-je tɔ,

Galatedjé 2:6

Nje gə d-o-je gə bubaje le, le ꞌtoje ne gə bubaje ja kara, ɔsə-m kəne ang! Mba Luba ɔr kəm dəw ang. Dəbeje nee le d-uwa-m gə singa d-ar-m ɗa ne gə ɗangə m-ila dɔ mar-ɛ gə ang.

Ephésiendjé 6:9

Ye gə ɔji dɔ sisəy ꞌɓəəje ɗaa, ꞌɗaje ne ar-je ngan lokisije lə-si ɗəw kara baa to gə be ja tɔ, ngaɓa undaje dɔ-si gə gə maj-ɛ mba kar ulaje ɓəəl mə-je gə ang, ngaɓa undaje dɔ-si gə gə maj-ɛ to gə Mbayɓe gə to ꞌɓəə sisəy gə ꞌjejee, gə isi dara le ɔr kəm dəw kara ang.

Colossiendjé 3:11

ꞌYe gə nee le ɔji dɔ gərɛk ang nəm, Jiibi ang nəm, njekunja bərə ang nəm, njemɔdə ɓɔl ang nəm, mbaa ang nəm, nje kəm karə ang ang nəm, ɓərə ang nəm, nje dɔ to doy ang, ngaa Kirisi ja kara baa to mə-je gə tɔ̰y.

Colossiendjé 3:25

Mba dəw gə ɗa ne dɔ buguru nama a kinga kuga neɗa gə dɔ buguru tɔ, ngaɓa kɔr kəm dəw godo.

Jacques 2:1

Ngan ko̰-mje, takagə Mbayɓe lə-si Jeju Kirisi gə njerɔnduba gə ꞌtaje le, ꞌjungərije gə kɔr kəm dəwje ang.

Jacques 2:4

Sisəy ɔrəje kəm naa horo-si gə ang ɓa kən wa? Ose ɔrəje kəm ne gə go tar kəji gə kṵra̰y ang wa?

Jacques 2:9

Ngaa to gə ɓo sisəy ɔrəje kəm dəwje nama, ɗaje neɗa gə kṵra̰y, ɗaa torondu ila tar dɔ-si gə to gə sisəy ꞌtoje gə njekal tarje.

1 Piyɛr 1:17

To gə ɓo nje kɔr kəm dəwje ang, gə gangə tar dɔ na-na gə kara gə go kula ɗ-ɛje le, ꞌɓar-ɛje Bɔ nama, may kar dɔ ndɔ kisi kəm baa gə lə-si dɔ nangə nee ja ꞌɓəəl-eje ɗəw pa nja-si gə.