Koula 10:2 - Mbede Lə Luba Kone Gə Sigi

² Dəw nee le ila kuji dɔ ne gə lə Luba ngaɓa gə njeməkəyje lə-a tɔ̰y ꞌɓəəl Luba nəm, gə n-la gə dəw mə ɓeje ya̰ nəm ngaɓa n-aw dəji Luba gə dɔ karje tɔ̰y.

Testament ke Siki 1960 (Kabba Laka)

² Nè nto doou ke ngem tar lo Allah, ke nè mmel Allah ke dooudjé ke kei la toï. Nè nare né la nya dooudjé ba, ke nè ndoudjou Allah ke ndò ke ndò.

Koula 10:2 ပူးပေါင်းရင်းမြစ်များ

Matiye 25:17

Ye gə d-ar-ɛ mbɛl kula joo kara ɗa to gə bənəng ɗaa inga mbɛl gə ɗangə kula joo um dɔ mar-ɛ gə.

Lugu 18:1

Jeju pa gusutar kara ar-je mba tɔji neje kar ꞌdəji Luba gə ndɔ-ndɔ ngaɓa d-ḭya̰ go-e ang.

Lugu 2:25

Cibi jingaw kara isi mə ɓe gə Jerujalɛm, ri-a na Simiyo̰. N-to dəw gə gadə-gadə ngaɓa n-ila kuji dɔ ne gə lə Luba ya̰. N-aw ngəbə nekul mə lə ngan Ijirayɛlje. Njil Njerɔsangə ɗe dɔ Simiyo̰ gə,

Koula 10:22

D-ila-a kəne na: Kɔrənəy njekɔr no njeɗɔje gə tɔl, gə to dəw gə gadə gə ɓəəl Luba ngaɓa gəl kuji Jiibije tɔ̰y kara ꞌtura-a gə dəw gə gadə-gadə. Ɗaa anji gə njerɔsangə ɗe pa ar-ɛ na kar n-ɓar-i n-ar-i aw kəy lə-a aw pa tar neje nee le ar-ɛ n-o.

Koula 10:31

Kɔrənəy, d-o ndu dəji lə-i nəm ngaɓa mə Luba uy dɔ la gə ꞌla gə dəwje ang nəm.

Koula 10:35

Ngaa horo gəl kujije gə tɔ̰y ja ɓo dəw gə ɓəəl-e ngaɓa ɗa ne gə gadə-gadə nama ta kəm-e.

Koula 10:4

N-ore kəm-e dɔ-ɛ gə ndəng gə ɓəəl ɗaa n-pa na: Ɗi wa Mbayɓe? Anji le ila kəne na: Dəjije lə-i gə la gə ꞌla gə dəwje le ce to no Luba gə ɓo m-e uy dɔ-ɛ gə ang.

Koula 10:7

Logə Anji pa tar le ila nangə be tɔ ɗaa ɔdə aw, go-e gə ɗaa Kɔrənəy ɓar ngan njekulaje lə-a joo gə njeɗɔ kara gə to njekila kuji dɔ ne gə lə Luba horo nje ka dɔ-ɛje gə.

Koula 11:14

gə a ɗe pa tar gə ꞌi a kaji ne gə njeməkəyje lə-i tɔ̰y.

Koula 13:16

Be ɓa Pɔl uba nangə ḭ taar un ji-a ar-je ngaɓa pa na: Sisəy dəwje gə Ijirayɛl, gə nje gə ɓəəl Luba, ꞌtugaje mbi-si.

Koula 13:26

Ngan ko̰-mje, sisəy gə gəl kuji Abəraham gə ngaɓa nje ꞌɓəəl Luba horo-si gə, tar kaji nee le, sijee ja ɓa Luba ula-a ne ar-si.

Koula 13:50

Ngaa Jiibije ꞌsula jeneje gə ꞌto nembaje lo polo Luba gə gə buba ɓeje d-ar d-ula kəm Pɔl je gə Barənabas ndoo ngaɓa ꞌtɔbə-je dɔ nangə gə lə-je.

Koula 18:8

Be ja kara Kirisəpus gə to nje ka dɔ kəy nendo lə Jiibije ta kagə Mbayɓe gə njeməkəyje lə-a tɔ̰y. Ngaɓa dəwje gə Kɔrɛnt bula gə d-o tar gə Pɔl pa kara ꞌta kagə Mbayɓe ar ꞌɗa-je batɛm.

Koula 2:5

Dɔ ndɔ-ɛ gə əng le Jiibije gə njekila kuji dɔ Luba gə je, mə gəl kuji dəwje gə tɔ̰y gə dɔ nangə nee ja ꞌɗe d-isi Jerujalɛm.

Koula 22:12

Dəw kara ri-a na Ananiyas, to dəw gə ila kuji dɔ ne gə lə Luba gə ɗəw torondu ngaɓa Jiibije gə Damasə kara ꞌpa tar naji lə-a may ya̰ tɔ,

Koula 8:2

Dəwje gə d-ila kuji dɔ ne gə lə Luba ꞌdubu yo Etiyɛn ngaɓa ꞌtəl d-uwa ndoo tor-e gə to ɓəəl ya̰ be.

Koula 9:11

Ɗaa Mbayɓe pa ar-ɛ na: Ḭ taar, aw ɗəw gə d-unda ri-a na to ndərəng, aw kəy lə Judas, ꞌdəji dəw kara ri-a na Sɔl gə Tarəsə.

Koula 9:31

Mbo̰ naa lə njetakagəje gə Jude tɔ̰y, gə Galile gə Samari le dɔ-ɛ to ləl pɛ, inga singa, gə n-nja dan ɓəəl Mbayɓe gə ngaɓa uji mar-ɛ gə kede-kede ɗəw gə lə Njil Njerɔsangə.

Koula 9:36

Ngon njenendo gə jene kara ri-a na Tabita, gə ꞌɓar-ɛ Dɔrəkas gə tar gərɛk isi mə ɓe gə Jope. Jene nee le, ɗa neɗa gə may ya̰ ngaɓa ar njenekɔyje ne nəm.

Colossiendjé 4:2

Uwaje dəji Luba gədərə, oreje kəm-si ndəng kəne ꞌɗaje ne oyo.

1 Thessaloniciendjé 5:17

Əwje rɔ-si dəji Luba ang

Jacques 1:5

Ngaa, to gə ɓo kəm karə lal dəw kara horo-si gə nama, may kar-ɛ dəji Luba gə nje kar ne dəwje tɔ̰y gə go məmay lə-a lal dəji ndu-je le nama, n-a kar-ɛ ja tɔ.

Apocalypse 15:4

Na ɓa a kasə ɓəəl-i ang, gə a kila riɓar dɔ ri-i, ꞌI, Mbayɓe gə ang wa? Mba ꞌI ja gə kar-i baa ꞌto njerɔsangə. Gəl kuji dəwje d-a ɗe ɗaa, d-a kum məkəji-je no-i gə, mba neɗa gə gadə-gadə lə-i kila rɔ-ɛ gə ɗaga.