Koula 10:1 - Mbede Lə Luba Kone Gə Sigi

¹ Dəw kara ri-a na Kɔrənəy, to njekun dɔ njeɗɔje tɔl kara gə ꞌɓar-ɛ na kudu njeɗɔje gə Itali ɗaa n-isi Sejare.

Testament ke Siki 1960 (Kabba Laka)

¹ Mare doou kada isi Césarée té, ria na Corneille, ndjè ngem ndjè pouroudjé dòdòkou, ke ridè na Italienne.

Koula 10:1 ပူးပေါင်းရင်းမြစ်များ

Matiye 27:27

Be ɓa d-ar njeɗɔje lə njeko̰ ɓe Pilad d-aw gə Jeju kəy mbay gə ɗaa, ꞌmbo̰ njeɗɔje gə kɛm tɔ̰y ja d-ar gugu dɔ-ɛ mbugu.

Matiye 27:54

Njekun dɔ njeɗɔje gə tɔl gə nje gə d-ar sə-a mba ngəm ta Jeju le, d-o dɔ nangə gə yəgə gə neje gə nday le ɗaa ɓəəl unda-je bad gangə-je ngaɓa ꞌpa na: Dəw gə nee ɗaa, to Ngon lə Luba ja tɔgərɔ.

Marəke 15:16

Njeɗɔje d-aw gə Jeju kəy mbay gə, nadə gangə tar gə ngaɓa ꞌɓar njeɗɔje gə kɛm tɔ̰y.

Lugu 7:2

Ngon njekula lə njekun dɔ njeɗɔje gə tɔl kara gə njigi-e ya̰ ja, rɔ-ɛ to-e asə yo.

Jean 18:12

Be ɓa njeɗɔje gə njekɔr no-je gə njengəm loje lə Jiibije d-uwa Jeju ɗaa ꞌtɔ-ɛ.

Jean 18:3

Buba njekapoloje gə Parijiyɛ̰je d-ar-ɛ ꞌne gə Judas le njeɗɔje gə njengəm loje ɗaa, n-ɔr no-je n-ce gə je lo-e gə nee gə pər karəje gə pər ngəlje, gə neɗɔje.

Koula 10:24

Lo kar-ɛ ngaɓa ꞌce Sejare ɗaa Kɔrənəy kara isi pɛrɛrɛ ngina-je gə njenujije lə-a ngaɓa ɓar njekuraje lə-a nəm tɔ.

Koula 21:31

Logə d-aw ꞌsangə ɗəw mba tɔl-ɛ ɗaa tar-ɛ aw oso mbi mbay lə njeɗɔje gə tɔl-tɔl dɔg gə to gə dəwje gə Jerujalɛm tɔ̰y ja ꞌgərə dɔ jije ang.

Koula 21:8

Lo kar-ɛ ngaɓa j-ɔdə j-aw Sejare ɗaa j-aw kəy lə Pilibi gə njekila mbərə Tar gə May, gə to kara lə diyakərəje gə siri le ɓa j-a to kəne.

Koula 22:25

Logə ꞌtɔ-ɛ mba kunda ɗaa Pɔl pa ar mbay lə njeɗɔje gə tɔl gə ar lo-e gə le na: Se ɗəw to kar d-unda ngon njeɓe gə Rɔm lal gangə tar dɔ-ɛ gə wa?

Koula 23:23

Go-e gə ɗaa n-ɓar njekun dɔ njeɗɔje gə tɔl le joo n-pa n-ar-je na: ꞌGɔl-je njeɗɔje tɔl-tɔl joo, njekundaje dɔg siri ngaɓa njeningaje tɔl-tɔl joo mba kar d-aw cil gə saar Sejare.

Koula 23:33

Logə ꞌce Sejare ɗaa d-ɔr mbede le d-ar njeko̰ ɓe ngaɓa ꞌtɔj-ɛ ne Pɔl tɔ.

Koula 25:1

Ndɔ munda nday go ɗe gə n-ɗe dəbə ɓeko̰ gə le ɗaa Pɛsətus ɔdə Sejare aw Jerujalɛm.

Koula 25:13

Ndɔje nday ɓəl go-e gə ɗaa mbay Agiripa je gə jene lə-a Berenisə ꞌɗe gə Sejare mba ɗa Pɛsətus m-o-i ɓa.

Koula 27:1

Logə d-un ɗəw kar-si j-al to j-aw Itali ɗaa d-um Pɔl je gə dəwje gə kɛm gə ꞌtuwa-je mə ji njekun dɔ njeɗɔje gə tɔl gə, njeɗɔje lə Ogusəd, ri-a na Juliyus.

Koula 27:31

Pɔl pa ar njekun dɔ njeɗɔje gə tɔl le na: To gə ɓo dəwje nee le d-isi mə to gə ang nama a kasə kajije ang.

Koula 27:43

Ngaa njekun dɔ njeɗɔje gə tɔl le njigi kaji Pɔl ɗaa ɔgə-je dɔ-ɛ gə. N-un ɗəw n-ar nje gə d-asə kalɛ man n-ar d-um man d-alɛ ꞌce ɗaga kede,

Koula 8:40

Ngaa Pilibi ɗaa, aw ce Ajod, cibi ngaɓa ila mbərə Tar gə May le gə mə ɓeboje tɔ̰y gə n-nday kəne saar ce ne Sejare.