Koula 1:6 - Mbede Lə Luba Kone Gə Sigi

⁶ Logə d-uwa-je dɔ naa ɗaa ꞌdəji Jeju tar na: Mbayɓe, dɔ ndɔ-ɛ gə əng le ɓa a təl ne gə ɓeko̰ kar Ijirayɛlje gugu wa?

Testament ke Siki 1960 (Kabba Laka)

⁶ Tokou ban, tokou dèdè mbona naaté, dèdè ndoudjè, Mbaibé Seigneur, i a tél béh ko kare Israël loshénè wa?

Koula 1:6 ပူးပေါင်းရင်းမြစ်များ

Matiye 17:11

Jeju ila-je kəne na: Tɔgərɔ ja, Eli ɗe ngaɓa a gɔl neje tɔ̰y.

Matiye 20:21

Jeju dəji-e na: Ɗi ɓa ꞌi njigi wa? Jene le təl ila-a kəne na: M-njigi kar un ndu-i to gə ngan-m gə joo nee le, ar dəw gə kara isi dɔ ji kɔl-i gə ngaɓa dəw gə kara isi dɔ ji gəl-i gə mə ɓeko̰ gə lə-i.

Matiye 24:3

Jeju isi dɔ wuri gə kagəje gə ꞌɓar-ɛ Olibiyeje ar kəne, ɗaa ngan njenendoje lə-a ꞌɗe rɔ-ɛ gə kar-ɛ baa ꞌdəji-e na: ꞌPa ar-si j-o, ndɔ gə ɗa ɓa neje nee le a ɗe ne wa? Ngaɓa ɗi ɓa to ne gə tɔji ndɔ ɗe lə-i gə ndɔ gə ɗudu le wa?

Marəke 9:12

Jeju ila-je kəne na: Eli a ɗe kede ja ɓa gə mba gɔl neje tɔ̰y. Ngaa mba ɗi cibi ɓa ꞌɗa mə mbede gə na ꞌne Ngon lə dəw n-a ko ko̰ ne ya̰ ngaɓa d-a dab-ɛ dasəra le wa?

Lugu 17:20

Parijiyɛ̰je ꞌdəji Jeju na: Ndɔ gə ɗa ja ɓa ɓeko̰ lə Luba le a ɗe wa? N-ila-je kəne na: Ɓeko̰ lə Luba le to ne gə a ɗe kar dəw o gə kəm-e nda̰-nda̰ ang.

Lugu 19:11

Logə d-isi d-aw d-o tarje nee be ɗaa, Jeju pa gusutar ila dɔ mar-ɛ gə ja cibi mba n-unda dɔ ɓe gə Jerujalɛm dəb ɗaa, ꞌjeje dəji mə-je gə to gə ɓeko̰ lə Luba le a tɔji rɔ-ɛ gə ɗaga kəm naa gə nee ja baa.

Lugu 22:29

Ɗaa ꞌma le, m-uwa dɔ gɔl Ɓeko̰ m-ɔji ne dɔ-si to gə bɔy uwa dɔ gɔl-ɛ ɔji ne dɔ-m ꞌma tɔ.

Jean 21:21

Logə Piyɛr o-e ɗaa, dəji Jeju na: Mbayɓe, ngaa ꞌne gə nee le, ɗi ɓa a ce dɔ-ɛ gə wa?