Koula 1:2 - Mbede Lə Luba Kone Gə Sigi

² Saar ce ne dɔ ndɔ gə Luba ar-ɛ n-uba nangə n-ḭ n-aw dara. N-mbərə dəwje gə njeka̰ykulaje lə-a ngaɓa nam ɓa kar Luba ar-ɛ nḭ n-aw dara ɗaa n-un ndu n-ar-je ɗəw gə lə Njil Njerɔsangə.

Testament ke Siki 1960 (Kabba Laka)

² Nderèng ndò ke nè nao ke tarr, gè té ke nè nare ndjè kouladjé ke nè mberedè tar ndedji deo té lo Ndil ke madji toï.

Koula 1:2 ပူးပေါင်းရင်းမြစ်များ

Matiye 12:28

Ngaa, to gə ɓo ɗəw gə lə Njil Luba ɓa ꞌma m-tɔbə ne njilje gə kṵra̰y nama, ɓeko̰ lə Luba ce ɓə lə-si nam ngaa.

Matiye 3:16

Logə Ja̰ ɗa Jeju batɛm, ngaɓa Jeju aw ce mə man gə gə ɗaga ɗaa kəm dara cɛ̰ bərərə, ar n-o Njil Luba ɗisi to to gə dər kuul be isi dɔ-ɛ gə.

Marəke 6:30

Njeka̰ykulaje ꞌɗe mbo̰ naa gə Jeju, d-ɔr gəl neje tɔ̰y gə ꞌɗa gə neje gə ꞌtɔji dəwje d-ar-ɛ o.

Lugu 24:51

Logə n-aw n-tɔr ndu dɔ-je gə bənəng ɗaa, n-uba-je n-ḭya̰-je, ngaɓa ne un-e aw sə-a dara.

Lugu 9:51

Logə kar gə Jeju a kuba ne dɔ nangə nee kḭya̰ nay dəb ɗaa, Jeju un kəm-e tim-tim mba kaw mə ɓe gə Jerujalɛm.

Jean 1:16

Be ɓa, gə go nebaw lə-a gə unda kubu le, sijee tɔ̰y j-inga ne ne ji-a gə ngaɓa mənuji lə-a kara j-inga gə dɔ mar-ɛ gə dɔ mar-ɛ gə nəm tɔ;

Jean 13:1

Kede no ndɔ ɗa nay pagə gə le, logə Jeju gərə to gə dɔ kar lə-a asə ɗɔdə ɗaa, dɔ kar gə kar n-ḭya̰ ne dɔ nangə nee n-aw ne gə rɔ Bɔ dəwje gə le ɗaa, ꞌne gə n-njigi njeka-ɛje gə d-isi dɔ nangə gə nee le, n-njigi-je n-ɔr sṵra̰ njal.

Jean 13:18

M-pa tar gə nee ɔji dɔ sisəy tɔ̰y ang baa; nje gə m-mbərə-je. Ngaa may kar Tar gə ꞌɗa mə mbede gə le aw ne lo-e gə: Dəw gə usa sə-m ne mə ka gə kara ja ɔr gɔl-ɛ tuga ne tamas-m.

Jean 13:3

Jeju gərə to gə Bɔ dəwje ḭya̰ neje tɔ̰y mə ji-a gə, ngaɓa n-ḭ rɔ Luba gə ɗaa n-aw gə rɔ Luba gə tɔ.

Jean 16:28

M-ḭ ɓə lə Bɔ dəwje ɗaa m-ɗe dɔ nangə gə nee; nga ɓisine m-uba dɔ nangə m-ḭya̰ ɗaa m-aw gə ɓə lə Bɔ dəwje.

Jean 17:13

Ɓisine ɗaa, m-aw gə ɓə lə-i, ɗaa m-pa tar nee le m-ar-je dɔ nangə nee mba kar-je d-isi ne dan rɔləl gə lə-m dana badagə.

Jean 20:17

Jeju pa ar-ɛ na: Ɔr rɔ-m ang, mba m-aw ɓə lə Bɔ dəwje ang baa ɓi. Ɗaa aw inga ngan ko̰-mje ꞌpa ar-je to gə m-aw gə rɔ Bɔy gə, gə Bɔ-sisəy-je gə ngaɓa Luba lə-m gə Luba lə-sisəy tɔ.

Jean 20:21

Be ɓa, Jeju pa to ɗangə ar-je ja cibi na: Ɗɛgɛgɛ nay gə si! To gə Bɔ dəwje ula-m le, ꞌma kara m-ula-si tɔ.

Jean 3:34

mba dəw gə Luba ula-a le, tar gə ta Luba gə ja ɓa ye pa, mba Luba ar Njil lal tura go-e.

Jean 6:62

Ngaa to gə ɓo sisəy oje Ngon lə dəw uba nangə ḭ aw lo gə ye ga̰ kəne kede le a paje na ɗi ngaa wa?

Jean 6:70

Jeju ila-je kəne na: Sisəy gə dɔg gə gir-si gə joo le, ꞌma ja ɓa m-mbərə-si ang wa? Ngaa dəw kara horo-si gə to ꞌSɛ̰ngərɛ̰.

Koula 1:11

Sisəy dəwje gə Galile, mba ɗi ɓa arje aw aje ne lo gə dara wa? Jeju nee gə d-un-e horo-si gə dɔ-ɛ gə dara gə aw le, n-a təl ɗe ɗəw kara baa to to gə aw o-eje ne lo kaw gə dara be tɔ.

Koula 1:13

Logə ꞌce mə ɓe gə ɗaa d-aw d-andə mə kəy gə to dɔ mar-ɛ gə taar, gə to lo kuwa dɔ naa lə-je gə ndɔ-ndɔ, ri-je ɓa nee: Piyɛr, Ja̰, Jagə je gə Andəre, Pilibi gə Toma, gə Batələmi je gə Matiye, Jagə gə ngon lə Aləpe, Simo gə to dəw gə tar ɓe lə-a o̰-ɛ ngaɓa Jude gə ngon lə Jagə tɔ.

Koula 1:22

un kud-e dɔ ndɔ gə Ja̰ ɗa ne dəwje batɛm saar ce ne ndɔ gə d-un ne Jeju horo-si gə le, may kar dəw kara oso dɔ-si gə gə njetar naji ce buwa yo gə lə Jeju le.

Koula 1:9

Logə n-pa tar to gə be tɔ̰y ɗaa d-ar d-o-e nda̰ be ja d-un-e kəm-je ar d-ar d-a go-e saar n-igi ne yom mə kil gə lə nji dɔ-ɛ gə dara.

Koula 10:38

Luba ar Jeju gə Najarɛd singamongə ɗəw gə lə Njil Njerɔsangə n-nja ne gə lo-lo ɗa ne may ngaɓa n-aji ne dəwje tɔ̰y gə ꞌSɛ̰ngərɛ̰ uwa-je ɓərə gə, mba Luba nay sə-a.

Galatedjé 1:1

ꞌMa, Pɔl, m-ɗa mbede nee, m-ar-sisəy njetakagəje gə mə Mbo̰ naaje lə njetakagə gə dɔ nangə gə Galat. M-to njeka̰ykula lə Jeju Kirisi gə dəwje ɓa ula-m ang nəm ngaɓa dəw ɓa ɔr-m ang nəm tɔ. Ngaa Jeju Kirisi je gə Luba gə Bɔ gə to nje ndol Kirisi horo nje gə d-uy ɓa d-ula-m.

Ephésiendjé 2:20

ꞌToje gə kəy, gə pajambərəje gə njeka̰ykulaje ɓa ꞌto gə gɔl-ɛ gə d-ɔsə nangə, ɓa d-unda si dɔ-ɛ gə, ɗaa Kirisi Jeju gə darɔ-ɛ ja ɓa to gə kɔr ər gə kil-e gə tɔ.

1 Timoce 3:16

Cibi, ne gə to kəm kar ja gərə-je ɓa nee, negərə gə to ɓəəl ya̰ gə to lokiya ɓa takagə tɔji-si le ɓa nee: N-təl tɔji rɔ-ɛ gə dəw, N-tɔji rɔ-ɛ gə dəw gə gadə-gadə mə Njil gə, N-tɔji rɔ-ɛ n-ar anjije, D-ila mbərə lə-a horo dəwje gə ꞌgərə Luba ang Ta kag-ɛ gə dɔ nangə gə nee D-ila riɓar dɔ-ɛ gə.

Ebərəje 9:24

Mba no kɔgə gə ji dəw ɗa, gə to ndaji ye gə tɔgərɔ ɓa Kirisi andə kəne ang ngaa, ꞌye gə dara ja, mba kar ne no Luba gə ɓisine mba-si.

1 Piyɛr 3:22

Jeju Kirisi gə ḭ aw dara, isi dɔ ji kɔl Luba gə, o̰ dɔ anjije, gə njeko̰ dɔ loje gə dɔ njesingamongəje gə dara tɔ.

2 Piyɛr 3:2

mba kar mə-si ole ne dɔ tarje gə pajambərəje gə to gə losang-ɛ ꞌpa kede, ngaɓa gə dɔ ndu gə Mbayɓe gə Njekaji-si un ar njeka̰ykulaje lə-si.

Apocalypse 1:1

Ne gə to lo kiya gə, gə a ɗe ɓisine baa, gə Luba ar Jeju Kirisi kila dɔ-ɛ mba tɔji ngan njekulaje lə-a. Ɗaa n-ula anji lə-a n-ar ɗe ɔr gəl-e ar ngon njekula lə-a Ja̰ kar-ɛ gərə,

Apocalypse 2:11

May kar, dəw gə ɓo mbi-a ga̰ nama, o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama a ko ꞌməsərə gə yo gə gɔl joo ang ja saar.

Apocalypse 2:17

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje. Dəw gə cɛdə ɗɔ nama m-a kar-ɛ muru misi gə to nekusa gə ḭ dara gə to lo kiya gə, m-a kar-ɛ kɔr ər gə nda; ɗaa kɔr ər gə nee le, ꞌɗa ri gə sigi kəne kara, gə dəw kara kara gərə ang, ngaa nj-ɛ gə ta ja baa ɓa.

Apocalypse 2:29

Dəw gə mbi-a ga̰ nama, o ne tar gə Njil pa ar Mbo̰ naaje lə njetakagəje.

Apocalypse 2:7

Dəw gə mbi-a ga̰ nama, may kar-ɛ o ne tar gə Njil pa ar mbo̰ naaje lə njetakagəje nee. Dəw gə cɛdə ɗɔ nama, m-a kar-ɛ kandə kagə kaw kəm baa gə to mə ɓe rɔləl gə lə Luba gə dara usa.

Apocalypse 21:14

Ndogo bɔrɔ lə ɓebo le d-um kɔr ər nangə dɔg gə gir-e gə joo ɓa d-ɔsə gɔl-ɛ dɔ-ɛ gə, ɗaa kɔr ərje le, ꞌɗa ri njeka̰ykulaje lə ngon badəm gə dɔg gə gir-je gə joo kəne.

Apocalypse 3:13

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje.

Apocalypse 3:16

Ngaa mba ꞌn-unga gə purapo baa ngaɓa ꞌkul ang nəm, ꞌləgə ang nəm, ɗaa m-a tɔm-i gə ta-m.

Apocalypse 3:22

Dəw gə mbi-a ga̰ nama may kar-ɛ o ne tar gə Njil pa ar mbo̰ naaje lə njetakagəje.