Koula 1:12 - Mbede Lə Luba Kone Gə Sigi

¹² Be ɓa d-ḭ dɔ ər gə kagəje gə ꞌɓar-ɛ Olibiyeje ar kəne nu ꞌɗe mə ɓebo gə Jerujalɛm. Dɔ ər nee le to mbɔr Jerujalɛm gə asə ɗəw gə dəw a nja kəne ndɔ kuwa kɔr gə. Ɗəw gə dəw a nja kəne ndɔ kuwa kɔr gə le asə kula mɛdərɛ kara.

Testament ke Siki 1960 (Kabba Laka)

¹² Tokou ban dèdè ntél béh Jérusalem té, dïya tokou err ke ria na Olivier, ke to ngosiba ke Jérusalem. Deo eo ase ta ndja ta tél ndò sabbat té.

Koula 1:12 ပူးပေါင်းရင်းမြစ်များ

Matiye 21:1

Ngaɓa logə Jeju je gə ngan njenendoje lə-a d-aw ce dəb gə ɓebo gə Jerujalɛm, ngaɓa ꞌɗe ꞌce dəb mə ɓe gə Ɓɛdəpaje gə to mbɔr dɔ ər gə kagə Olibiyeje d-ar kəne ɗaa, Jeju ula ngan njenendoje joo

Matiye 24:20

ꞌDəjije Luba mba kar ndɔ ka̰y lə-si oso nay kul gə ang nəm ɓa ndɔ kuwa kɔr gə ang nəm tɔ.

Matiye 24:3

Jeju isi dɔ wuri gə kagəje gə ꞌɓar-ɛ Olibiyeje ar kəne, ɗaa ngan njenendoje lə-a ꞌɗe rɔ-ɛ gə kar-ɛ baa ꞌdəji-e na: ꞌPa ar-si j-o, ndɔ gə ɗa ɓa neje nee le a ɗe ne wa? Ngaɓa ɗi ɓa to ne gə tɔji ndɔ ɗe lə-i gə ndɔ gə ɗudu le wa?

Matiye 26:30

Logə d-ɔsə paje kar ɗa nay Pagə d-ɔsə ne gaji Luba d-ila nangə ɗaa, d-ɔdə d-aw dɔ ər gə kagə Olibiyeje ar kəne.

Lugu 19:29

Be ɓa, logə ꞌce əw ang gə ɓe gə Ɓɛdəpaje, gə ɓe gə Ɓetani əər gə dɔ wuri gə kagə Olibiyeje d-ar kəne ɗaa, n-ula ngan njenendoje lə-a joo.

Lugu 21:37

Jeju ɗa ndɔ kara dum mə kəy gə lə Luba tɔji ne kəne ngaa lo gə lo aw ndul ɗaa, n-ce n-aw dɔ wuri gə kagə olibiyeje d-ar kəne n-to kəne.

Lugu 24:50

Cibi n-ce gə je n-aw gə je ɗaga əər ɓe gə Ɓetani ɗaa, n-odo ji-a gə taar, n-tɔr ne ndu dɔ-je gə.

Lugu 24:52

Logə polo-eje nam ngaɓa, ꞌtəl d-aw Jerujalɛm gə rɔləl.

Jean 11:18

To gə Ɓetani to dəb baa gə Jerujalɛm, asə kula mɛdərɛ mundaje əng le ɗaa