Jude 1:7 - Mbede Lə Luba Kone Gə Sigi

⁷ Ɗəw kara baa, dəwje gə Sɔdom gə nje gə Gɔmɔr gə ɓeje gə to mbɔr-je gə dəb, d-un rɔ-je ꞌɗa ne kaya, cibi ꞌɗaje nekɔbə, ꞌgangə tar dɔ-je gə kar to ne kɔji mar-ɛ, d-ar pər gə ndɔ gə ndɔ gə a kṵy ang ja o̰-je.

Testament ke Siki 1960 (Kabba Laka)

⁷ Deo kadaba tokou Sodome ke Gomorrhe ke mare béh ke ngosi kedè, ke nda deo kadaba ke dooudjé nèn to, deo koun ròdè ndja to né kaiya, ke dao go né da rò té dang dang, ndadè to né tòdjou, deo né ongou té lo pourou ke ke ndò ke ndò ke dèdè dinga saria kendé.

Jude 1:7 ပူးပေါင်းရင်းမြစ်များ

Matiye 10:15

Tar gə tɔgərɔ ja m-pa m-ar-si: Ndɔ gangə tar nama, tar gə d-a gangə dɔ ɓebo gə nee le, a kədərə ya̰ kunda kar ɓe gə Sɔdom gə Gɔmɔr.

Matiye 11:24

Gəl-e gə nee ɓa, m-pa m-ar-si to gə ndɔ gangə tar nama, tar gə d-a gangə dɔ ɓebo gə nee le, a kədərə ya̰ kunda kar ɓe gə Sɔdom.

Matiye 25:41

Ngaɓa n-turu kəm-e n-pa n-ar nje gə dɔ ji gəl-e gə le na: Ɔdəje gə nu, sisəy gə Luba ugu ne ar-si, awje gə kəm pər gə a ko̰ gə ndɔ gə ndɔ gə Luba gɔl mba ꞌSɛ̰ngərɛ̰ je gə anjije lə-a.

Lugu 17:29

ngaa ndɔ gə Lɔd ce mə ɓe gə Sɔdom ɗaa, Luba ar nji ḭ dara ər, nji gə to pər gə o̰ bilim-bilim ar-je ꞌbusu nee rag-rag.

1 Corinthiendjé 6:9

ꞌGərəje ang baa wa? Nje ɗa ne dɔ buguruje le d-a kuwa ɓeko̰ lə Luba gə nenduba ang. Ərəje rɔ-si dɔ-ɛ gə ang: njekayaje nəm, nje polo magəje nəm, nje ɓogo lo toje nəm, njetəl rɔ-je gə jeneje nəm, jingawje gə njeto gə naaje nəm,

2 Thessaloniciendjé 1:7

Ngaɓa sisəy nje ko ꞌməsərəje, n-a kar-si lo kuwa kɔr naa gə kara baa gə sijee, logə Mbayɓe Jeju a kḭ dara gə anjije lə-a gə to njesingaje,

2 Thessaloniciendjé 1:8

n-a ɗe mə pər gə a ko̰ bilim-bilim, mba bɛ̰ ta dəwje gə gərə Luba ang, gə dəwje gə d-ila kuji dɔ Tar gə May gə lə Mbayɓe lə-si Jeju ang.

2 Piyɛr 2:2

Dəwje bula d-a kum mə-je naa gə dɔ neɗa dɔ godo gə lə-je, ɗaa mba sijee ja, d-a taji ne ɗəw tar gə tɔgərɔ.

2 Piyɛr 2:6

To gə ɓo n-tuji ɓeboje gə Sɔdom je gə Gɔmɔr gə pər mba kar to nekɔji mar-ɛ mba nje ɓəəl Luba angje gə ndɔ gə bara,

2 Piyɛr 3:7

ngaa, gə go tar gə nje kara nee le ja, d-uwa ne dɔ gɔl dara gə nangə gə ɓisine ngina ne pər gə dɔ ndɔ gangə tar gə ngaɓa tuji gə nje gə gərə Luba ang d-a kuba.