Jude 1:24 - Mbede Lə Luba Kone Gə Sigi

²⁴ ꞌNe gə n-asə ngom-si kar ꞌtugaje jigi osoje ang, kar-si ar-je gə no riɓar gə lə-a gə rɔ gə may pɛdə, gə rɔləl le,

Testament ke Siki 1960 (Kabba Laka)

²⁴ A nè ke nase ngemsè baa a kosoidjé ang, ke na karesè etéhdjé ke tar kada dòsè té ang no né ndokoo té la, ke koukou nya.

Jude 1:24 ပူးပေါင်းရင်းမြစ်များ

Matiye 16:27

Mba ꞌMa gə Ngon lə dəw m-a ɗe dan rɔnduba gə lə Bɔ-mje gə anjije lə-a, ɗaa m-a kuga dɔ ji dəwje kara kara tɔ̰y gə go kula ɗa-je.

Matiye 19:28

Jeju ila-je kəne na: Tɔgərɔ, m-pa m-ar-si, ndɔ gə ꞌma gə Ngon lə dəw m-a kisi dɔ ngəndəng mbay rɔnduba gə lə-m dɔ kar gə neje tɔ̰y d-a təl to gə sigi le, sisəy gə unje go-m le, a kisije dɔ ngəndəngje gə dɔg gə gir-e gə joo mba gangə tar dɔ gəl kuji Ijirayɛlje gə dɔg gə gir-e gə joo.

Matiye 25:31

Ndɔ gə ꞌma gə Ngon lə dəw, m-a ɗe gə riɓar gə anjije tɔ̰y naa gə le, m-a kisi dɔ ngəndəng riɓar gə lə-m.

Matiye 5:12

ꞌƊa-je rɔləl ngaɓa ar-je rɔ-si ndɔɔ, mba ne dɔ ji lə-si a bo ya̰ mə dara gə, pajambərəje lə Luba gə kede ja kara d-ula kəm-je ndoo to gə be tɔ.

Lugu 9:26

Mba, dəw gə ɗa rɔ kul mba ꞌma, ngaɓa gə mba tar lə-m nama, logə ꞌMa gə Ngon lə dəw m-a ɗe dan rɔnduba gə lə-m, gə dan rɔnduba gə lə Bɔ dəwje gə ngaɓa gə anjije gə njerɔsangəje ɗaa, m-a kila rɔ kul dɔ-ɛ gə.

Romaindjé 14:4

ꞌI ꞌto na ɓa ꞌgangə tar dɔ ngon lokisi gə lə dəw wa? N-ar taar, ose n-oso kara to tar lə ꞌɓəə-eje. Ngaa n-a kar taar ja, mba singa Mbayɓe asə mba gəd-e.

Romaindjé 8:31

Tar ɗi ɓa j-a pa dɔ-ɛ gə cibi wa? To gə ɓo Luba ila gəl-sijee gə ɗaa na cibi ɓa a kasə kal dɔ sijee wa?

2 Corinthiendjé 11:2

Mba m-nər mə mba tar lə-si, to gə nər mə gə ḭ rɔ Luba gə ja, mba m-uwa gə si mɔrə m-ar jingaw kara baa ja, to to gə ꞌmbakum gə to gə losang-ɛ, mba kɔr-si kar Kirisi.

2 Corinthiendjé 4:14

Sijee ja gərə to gə nje kar Mbayɓe Jeju uy ɓa ndol le a kar-sijee j-uy ɓa ja ndol gə Jeju naa gə kara baa, ɗaa n-a kar-si j-ar-je naa gə no-ɛ gə.

2 Corinthiendjé 4:17

Mba nekəmandooje gə ɗa si dɔ ndɔ gə ɓisine nee le, kur-e a kəw ang, ngaɓa ɔlɛ pɛl-pɛl baa, gə asə kuwa kɔji ne riɓar gə ndɔ gə ndɔ gə to gə ndər-e baa, gə nekəmandooje nee gɔl ɔji dɔ-si.

Ephésiendjé 3:20

Luba gə singa-a ɗa kula rɔ-sijee ngaɓa asə ɗa gə si may kal ne dɔ ne tɔ̰y gə ja dəji ose ye gə kəji lə-si uwa dɔ-ɛ le,

Ephésiendjé 5:27

mba tɔji ne mbo̰ naa lə njetakagəje gə ɗaga kar-ɛ ndole yondə-yondə ta kəm-e ꞌne gə ja, kar-ɛ n-mina ose n-ndole njɔl-njɔl ang nəm, ose mba kar ne gə to gə mar-ɛ bənəng ɓar ri-a ang nəm tɔ. Ngaa mba kar-ɛ n-to gə losang-ɛ ngaɓa kar tar uwa dɔ-ɛ ang nəm tɔ.

Colossiendjé 1:22

ngaa ɓisine n-um gə si naa gə ɗəw kuy gə lə darɔ-ɛ, mba kar ꞌceje ar-je ne no-ɛ gə gə njerɔsangəje gə may pɛdə ngaɓa tar uwa dɔ-si ang;

Colossiendjé 1:28

ꞌNe ja j-ila mbərə lə-a, j-a ndəji ne dəwje kara kara ngaɓa j-a ndo dəwje kara kara gə kəm karə tɔ̰y, mba kar na-na kara to ne dəw gə may pɛdə ɗəw gə lə Kirisi.

Colossiendjé 3:4

Logə Kirisi gə to təbə lə-si a kila rɔ-ɛ gə ɗaga ɗaa, təbə lə-sisəy kara a kila sə-a rɔ-ɛ naa gə dan rɔnduba gə.

2 Timoce 4:18

M-gərə to gə Mbayɓe a kɔrə-m dan neɗaje gə kṵra̰y gə tɔ̰y ɗaa a kaji-m mba kar-m m-andə mə ɓeko̰ gə lə-a gə dara. May kila riɓar dɔ-ɛ gə gə ɓal-ɓal ja! Oyo!

Jacques 2:10

Be ɓa, dəw gə ɗa-ɗa gə a dɔ torondu gə t-ɛ ləm-ləm ngaa ɗa neɗa gə kṵra̰y ɔji dɔ ye gə kara baa ja kara, tar uwa dɔ-ɛ ɔji dɔ ye gə kɛm tɔ̰y ja.

1 Piyɛr 4:13

Ngaa ꞌɗaje rɔləl mba oje ꞌməsərə gə Kirisi naa gə, mba kar ndɔ gə n-kila ne rɔnduba lə-a gə ɗaga nama ingaje ne rɔləl gə boy.

2 Piyɛr 1:10

Gəl-e gə nee ɓa, ngan ko̰-m, undaje singa-si dɔ mar-ɛ gə ɔji dɔ ɓar gə Luba ɓar-si ngaɓa mbərə-si le, ɓo ꞌɗaje to gə be nama a koso-je dan neɗa gə kṵra̰y gə ang.

Jude 1:21

Iyaje rɔ-si mə njigi gə lə Luba, nginaje ne məmay lə Mbayɓe lə-si Jeju Kirisi gə ar-si təbə gə gə ndɔ gə ndɔ.

Apocalypse 14:5

Ngaɓa ndɔ kara baa be kara tar gə ɗəgərə ce ta-je gə ang nəm tar uwa dɔ-je ang nəm tɔ.