Jude 1:12 - Mbede Lə Luba Kone Gə Sigi

¹² Dəɓ-eje nee le to ꞌnjɛgərɛ mə nekusa lə sisəy ngan ko̰ naaje, ꞌmbula nekusa gə mbula, ꞌɗa mə bo nekusa d-ar rɔ kul uwa-je ang, ꞌta naa gə nji gə ḭ ɗaa ləl ɔr-ɛ gə ər ang be, ose ꞌta naa gə kagəje gə ta ngaw nji gə gə kand-e godo, d-uy gɔl joo d-ɔr gə ngiraje ɓɔgɔdə-ɓɔgɔdə,

Testament ke Siki 1960 (Kabba Laka)

¹² Dèdè nto né yèdo horosè té ndò kon mourou ndiki té losè, tokou dao dön kesè dare mèdè ndan ke bel ang, dèdè ngem ròdè ndja, dèdè nto ndi ke il ke man éh kendé ang, ke lél òroudè dang dang, dèdè nto kakedjé ke nai papal té ke kandédè goto, doei gar djo, ngiradè òrou mbä.

Jude 1:12 ပူးပေါင်းရင်းမြစ်များ

Matiye 13:6

ngaa logə kar ɔsə ngaɓa tunga ɗaa ɗa kər gə ce le ar-ɛ tudu mba ngira-a andə nangə ang.

Matiye 15:13

Jeju ila-je kəne na: Kagə gə ɗa-ɗa ɓa ɓo to kagə gə Bɔ-mje gə dara ɓa maa ang nama d-a kɔr gə ngira-a mɔgɔgɔ.

Marəke 4:6

ngaa logə kar ɔsə ngaɓa tunga ɗaa ɗa kər gə ce le ar-ɛ tudu mba ngira-a andə nangə ang.

Lugu 12:45

Ngaa, to gə ɓo ngon njekula nee le pa m-e gə na: ꞌƁəə-mje a ɗe gə tɔg-ɛ ang, ɗaa n-uru dɔ ngan njekulaje gə, n-kunda-je, ngaɓa n-təl n-usa ne gə n-ay ne n-ar tɔl-ɛ,

Lugu 16:19

Dəw kara gə njenekinga gə ula kubu gə kasə rog-rog gə kubu gə nda kələw-kələw gə lar-ɛ ya̰ ngaɓa gə ndɔ-ndɔ ja ɗa nekusa unda rad-rad.

Lugu 21:34

Undaje kəm karə dɔ rɔ-si gə, ɓo ar-je mə-si to gə dɔ gə nekay mbə gə, gə nekusa gə gə ka guru gə ja kara baa ang, mba kar uwa-si ɓərə ang, ngaɓa gə tar kəjije gə ɔji dɔ kisi kəm baa gə mba kar ndo-ɛ nee le uba-si nangə bus ang.

Lugu 8:6

Ye gə kɛm um dɔ ranga gə; logə aw ce ɗaa tudu mba dɔ nangə yom ang.

Ephésiendjé 4:14

Mba kar-sijee j-a to ne gə nganje gə kasə ang ngaa, mba nganje gə kasə le, ꞌpagəm ləngə-je ngaɓa ꞌbil-je aw gə je yo gə nee ɔji dɔ netɔjije ɓədə-ɓədə gə d-ula-je ne gore, d-ar-je ꞌndəm ɗəw nekərə gə, gə ɗəw kula ɗaje gə lə dəwje;

Philippiendjé 3:19

d-a kɔsə bo̰-ɛ̰ dɔ tuji gə, magə lə-je to mə-je ngaɓa ne riɓar lə-je təl to nerɔkul ar-je; d-um mə-je dɔ neje gə nangə nee ja baa.

1 Timoce 5:6

Ngaa, jene nduba gə un rɔ-ɛ ar ne rɔləl gə dɔ nangə nee le, isi kəm baa ja kara, nay to gə dəw gə uy.

Ebərəje 13:9

May kar ḭya̰je ɗəw ar netɔjije dang-dang gə dəw gərə gəl-e ang baa ja turu dɔ-si ang. Mba may kar mənuji ɓa ula jingaw mə-si gə, ɓo nekusa le asə ɗa ne kara kar njekusa-je ang.

Jacques 5:5

Ubaje may dɔ nangə nee, ngaɓa isije dan nemayje gə dana badagə, uulje rɔ-si to gə d-uul ne da mba tɔl-ɛ be.