Jean 9:7 - Mbede Lə Luba Kone Gə Sigi

⁷ ɗaa n-pa n-ar-ɛ na: Aw togo kəm-i man dangə gə to Silohe. Silohe le kɔr gəl-e na Njeka̰y kula. Nje kəm tɔ le aw togo kəm-e kəne. Ɗəm lə-a gə gugu ɗa n-o lo borong-borong.

Testament ke Siki 1960 (Kabba Laka)

⁷ Nè mpa narè, Ao etoko man Siloé, yèn pana, Doula mbä. Tokou ban nè nao ntoko mbä, nga nao ntél a no loou.

Jean 9:7 ပူးပေါင်းရင်းမြစ်များ

Matiye 11:5

Nje kəm tɔje d-o lo, njeməndəje ꞌnja, gə rɔ njebənjije arə ngadə nəm, mbigije kara d-o tar nəm, dəwje gə d-uy kara ꞌtəl ndol nəm ɓa, d-ila mbərə Tar gə May d-ar njendooje nəm.

Lugu 13:4

Ose dəwje gə dɔg gə gir-je gə ji nay joo gə ndogo kəy gə Silohe cɛdə unda-je tɔl-je nee le, se ꞌto njeneɗaje gə kṵra̰y d-unda dəw mə ɓeje gə Jerujalɛm wa?

Lugu 2:32

Kaji nee le to lokarə gə a tɔji dəwje gə ꞌgərə Luba ang tɔ̰y mba kar gər-i nee A to ne riɓar lə Ijirayɛl, dəwje lə-i.

Jean 10:36

Dəw gə Bɔ dəwje ɔr-ɛ unda-a gə losang-ɛ ngaɓa ula-a dɔ nangə gə nee le, sisəy, ꞌpaje ar-ɛje na: ꞌTaji Luba, mba m-pa na: M-to gə Ngon lə Luba.

Jean 11:37

Ngaa nje gə naaje horo-je gə pa na: ꞌNe gə nje kar kəm nje kəm tɔ unja le n-asə gə mba kɔgə Lawjar kar-ɛ uy ang mba ɗi wa?

Jean 9:11

N-ila kəne na: Dəw gə ri-a na Jeju le ɓa lɔy bɔrɔ uwa ne kəm ɗaa pa ar-m na: Aw Silohe ɓo ꞌtogo kəm-i. Be ɓa m-aw kəne m-togo kəm-m ɗaa m-o lo borong-borong.

Jean 9:39

Ngaɓa Jeju pa cibi na: ꞌMa le, gangə tar gə dɔ nangə gə nee le ɓa m-ɗe gə mb-ɛ, mba kar nje gə kəm-je o lo ang nama d-o lo, ngaɓa nje gə kəm-je o lo nama d-a təl to gə nje kəm tɔje.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

Romaindjé 8:3

Ne gə torondu asə ɗa ang, mba mbɔr-ɛ lə darɔ ɓa Luba ɗa, ula Ngon-e ja ar-ɛ un darɔ gə ta naa gə njeneɗa gə kṵra̰y be, ila ne tar dɔ neɗa gə kṵra̰y gə darɔ gə,

Galatedjé 4:4

Ngaa logə dɔ kar gə d-ɔji asə ɗaa, Luba ula ngon-e. Jene ɓa uji-e, ɗaa n-tɔgə gəl torondu gə.