Jean 9:39 - Mbede Lə Luba Kone Gə Sigi

³⁹ Ngaɓa Jeju pa cibi na: ꞌMa le, gangə tar gə dɔ nangə gə nee le ɓa m-ɗe gə mb-ɛ, mba kar nje gə kəm-je o lo ang nama d-o lo, ngaɓa nje gə kəm-je o lo nama d-a təl to gə nje kəm tɔje.

Testament ke Siki 1960 (Kabba Laka)

³⁹ Jésus pana, Mam ndé nange nèn ta gange saria, ta kare dooudjé ke wo loou ang ase ta ko loou, a ta kare dooudjé ke ndjè ko loou ase dé to ndjè kem tòdjé.

Jean 9:39 ပူးပေါင်းရင်းမြစ်များ

Matiye 11:5

Nje kəm tɔje d-o lo, njeməndəje ꞌnja, gə rɔ njebənjije arə ngadə nəm, mbigije kara d-o tar nəm, dəwje gə d-uy kara ꞌtəl ndol nəm ɓa, d-ila mbərə Tar gə May d-ar njendooje nəm.

Matiye 15:14

Iya̰-jeje, ꞌto nje kəm tɔje gə d-ila kagə ji nje kəm tɔje gə. To gə ɓo nje kəm tɔ ɓa ila kagə ji nje kəm tɔ mar-ɛ gə nama, d-a koso buwa gə joo kɛm.

Matiye 6:23

Ngaa ɓo kəm-i ja tuji nam ɗaa darɔ-i tɔ̰y a kisi dan cil ciməri gə. To gə ɓo lambe gə to rɔ-i ja təl cil ciməri nama, ꞌi a kisi dan cil ciməri gə gə al dɔ lo!

Lugu 1:79

Lo kar gə a kar dɔ dəwje gə d-isi lo ndul gə gə nje gə d-isi kɔy njil yo gə. Ngaɓa gə mba kɔr no-si ɗəw ɗɛgɛgɛ gə.

Lugu 13:30

A oje, dəwje gə dɔ gugu le d-a təl to dəwje gə dɔngɔr ngaɓa nje gə dɔngɔr le d-a təl to dəwje gə dɔ gugu.

Lugu 2:34

Simiyo̰ tɔr ndu-e dɔ-je gə ngaɓa pa ar Məri, ko̰ Jeju-je na: O, ngon gə nee le to ɗəw koso ose ɗəw kḭ taar lə dəwje bula gə Ijirayɛl. Cibi, n-a to netɔji lə Luba, ngaa dəwje d-a mbad-ɛ.

Lugu 4:18

Njil lə Mbayɓe isi dɔ-m gə, Mba n-um ubu dɔ-m gə. Mba kar m-aji nje gə ɓəngərə-je ti mbidi Mba kar m-ila mbərə Tar gə May m-ar njendooje. D-ula-m mba kar m-ta nje gə d-ula kəm-je ndoo m-um-je taar, Nje kəm tɔje kar d-a ko lo, Nje gə d-ula kəmje ndoo kar d-inga dɔ to ləl pɛ.

Lugu 7:21

Lo-e gə nee ja, Jeju aji dəwje gə njerɔtoje bula, gə njeməndəje, gə n-tɔbə njilje gə kṵra̰y dɔ dəwje gə, ngaɓa nje kəm tɔje bula kara n-ar-je d-o lo.

Jean 12:31

Ɓisine ɗaa to kar gangə tar dɔ dəwje gə dɔ nangə gə nee; Ɓisine ɗaa mbay gə dɔ nangə nee le, d-a tɔb-ɛ kila-a ɗaga.

Jean 12:46

ꞌMa gə m-to gə lokarə le, m-ɗe dɔ nangə gə nee mba kar na-na gə ta kagə-m nama isi dan cil ciməri gə ang.

Jean 3:17

Luba ula ngon-e dɔ nangə gə nee mba kar-ɛ ɗe gangə tar dɔ dəwje gə ang, ngaa n-ɗe mba kar d-inga kaji ɗəw gə lə-a.

Jean 3:19

Oje gəl tar gə uwa dɔ-si le ɓa nee: Lokarə ɗe dɔ nangə ɗaa londul ɓa dəwje ꞌnjigi ya̰ d-unda lokarə, mba kula ɗa-je kṵra̰y.

Jean 8:12

Jeju təl pa tar to gə ɗangə ar-je ja cibi na: ꞌMa m-to lokarə gə dɔ nangə gə nee. Dəw gə uwa go-m nama a nja cil ciməri gə ang; n-a kinga lokarə gə a kɔr no-ɛ kaw sə-a lokarə gə kar təbə gə.

Jean 8:15

Sisəy le, ꞌgangəje tar ɗəw gə lə darɔ; ꞌma m-gangə tar dɔ dəw gə kara be ang.

Jean 9:25

N-ila-je kəne na: To gə ɓo n-to njeneɗa gə kṵra̰y kara ꞌma m-gərə ang; ne kara baa gə m-gərə ɓa nee: Kede m-to gə nje kəm tɔ ɗaa ɓisine m-o lo.

Koula 26:18

mba kar-i ꞌcɛ̰ kəm-je ar-je d-uba londul d-ḭya̰ ꞌturu kəm-je gə lokarə gə ngaɓa kar ꞌce lo gə ꞌSu o̰ ɓe kəne ɓo ꞌɗəm gə rɔ Luba gə, ɓo d-ar tar neɗa gə kṵra̰y ɔr dɔ-je gə, ngaɓa d-inga nenduba naa gə gə nje gə to gə losang-ɛ ɗəw ta kagə-m gə.

2 Corinthiendjé 2:16

Kar nje gə kɛm ɗaa, to gə ba̰y yo gə aw gə je gə lo yo gə, ngaɓa nje gə ɗangə tɔ ɗaa to gə ba̰y kisi kəm baa gə aw gə je gə lo təbə gə tɔ. Se na ɓa asə ɗa kula gə to gə be wa?

Ephésiendjé 5:14

Mba ne tɔ̰y gə to gadəmagay gə le to lokarə. Gəl-e gə nee ɓa Mbede pa na: ꞌI gə ꞌcibi le, ꞌndol dɔ ɓi gə, Uba nangə ḭ horo nje gə d-uy gə, Ɗaa Kirisi a ndogo dɔ-i gə.

2 Thessaloniciendjé 2:10

ngaɓa nekərəje gə dɔ buguru mba nje d-uba tuji, mba ꞌmbadə njigi tar gə tɔgərɔ mba kinga ne kaji.

1 Piyɛr 2:9

Sisəy le ɗaa, ꞌtoje ko dəwje gə ꞌmbərə-je, njekapoloje gə kəy mbay gə, gəl kuji gə to gə losang-ɛ, dəwje gə n-unda-je gə njeka-ɛje, mba kar ilaje mbərə lə nje kɔr-si dan cil ciməri gə, kar isije dan lokarə gə al dɔ lo gə.

1 Jean 2:11

Ngaa dəw gə njigi ngon ko̰-ɛ ang gə kɔrɔ le to dəw gə isi cil ciməri gə, dəb-e nee le nja dan cil ciməri gə ngaɓa gərə logə aw gə kəne ang, mba cil ciməri təl-e gə dəw gə kəm-e tɔ.