Jean 9:34 - Mbede Lə Luba Kone Gə Sigi

³⁴ D-ila-a kəne na: ꞌI gə d-uji-i gə nje neɗa gə kṵra̰y ja dɔngɔ doy d-ila-i nangə nee ja, ꞌI ngaa ꞌndo sijee ne wa; Ɗaa d-ɔs-ɛ d-ila-a ɗaga.

Testament ke Siki 1960 (Kabba Laka)

³⁴ Dèdè ntél mpa darè, Doudji ke né ke madjang, i ata tòdjoudjè tar wa? Tokou ban dilè daka.

Jean 9:34 ပူးပေါင်းရင်းမြစ်များ

Lugu 11:45

Njekɔr gəl torondu kara un tar pa na: Njenetɔji, tar gə ꞌpa nee le, ꞌtaji-si gə taji ɓa nee ang wa!

Lugu 14:11

Dəw gə ɗa-ɗa gə unda dɔ-ɛ taar gəgəgə nama, Luba a kuwa dɔ-ɛ kula nangə, ngaa dəw gə ula dɔ-ɛ ngulum ɓa Luba a kun-e kunda-a taar.

Lugu 18:17

Tar gə tɔgərɔ ja m-pa m-ar-si, dəw gə ɓo uwa Luba gə rɔ-ɛ gə Mbay lə-a to gə ngon gə njɛ̰ be ang nama a kandə ɓeko̰ lə-a ang magə.

Lugu 6:22

A toje njenokarəje, logə dəwje d-a njigi-si ang gə kɔrɔ, ngaɓa logə d-a tɔbə-si, d-a taji si cibi d-a tuji ri-si mba tar lə ꞌma gə Ngon lə dəw.

Jean 6:37

Dəwje tɔ̰y gə Bɔ dəwje um-je ji-m gə le, d-a ɗe rɔ-m gə, ngaɓa dəw gə ɗe rɔ-m gə nama, m-a tɔb-ɛ kila-a ɗaga ang ja saar,

Jean 8:41

Sisəy le ꞌɗaje kula ɗaje lə bɔ-sijee. D-ila-a kəne na: Sijee le, ꞌɗa kaya ɓa d-uji ne si ang. Luba ja gə kar-ɛ baa to Bɔ-sijee.

Jean 9:2

Ngan njenendoje lə-a ꞌdəji-e na: Njenetɔji, na ngaɓa ɗa neɗa gə kṵra̰y ɓa kar d-uji-e ne gə nje kəm tɔ wa? ꞌNe ja ose nje kuj-eje wa?

Jean 9:22

Nje kuj-eje ꞌpa tar to gə benəng mba ꞌɓəəl Jiibije. Jiibije d-o mə naa gə kede ɗɔdə mba kar to gə ɓo dəw kara pa na Jeju to gə Kirisi nama d-a tɔb-ɛ kəy nendo gə lə-je.

Jean 9:35

Jeju o tar-ɛ to gə d-ɔs-ɛ d-ila-a ɗaga ngaɓa ye inga-a ɗaa dəji-e na: ꞌI le, ꞌta kagə Ngon lə dəw wa?

Jean 9:40

Parijiyɛ̰je gə d-ar sə-a d-o tarje gə nee le ɗaa ꞌdəji-e na: Ɗaa sijee kara ja to gə nje kəm tɔje tɔ wa?

1 Corinthiendjé 5:13

Dəwje gə ta kagə Kirisi ang le, Luba ɓa a gangə tar dɔ-je gə. Ɔrəje njeməyɛr horo-si gə gə gugu.

Galatedjé 2:15

Sijee le, j-a to Jiibije gə kuji kəy, ɓo sijee j-a to njeneɗaje gə kṵra̰y to gə dəwje gə ꞌgərə Luba ang be ang.

Ephésiendjé 2:3

Sijee tɔ̰y kara, ja to to gə ꞌjejee be tɔ, ɗaa kede le ja nja gə go kəm kə̰y gə darɔ-si ɓa ɔji, ja ɗa ne mə njigi lə darɔ-si gə tar kəjije lə-si, ar-si ja to ne gə dəwje gə d-uwa dɔ gɔl si d-ɔji ne dɔ wungu, gə ne gə d-uji-si ne gə kuji, to gə nje gə kɛm be tɔ.

1 Piyɛr 5:5

Ɗəw kara baa, basa̰je, osoje kul no ngatɔgəje gə. Kula gə aw ɗaje horo naa gə le, ar-je kula dɔ ngulum ɓa o̰ dɔ-si, mba Luba ɔsə njekunda karje ngərəng, Ngaa n-ar mənuji lə-a nay gə nje gə d-ula dɔ-je ngulum.

3 Jean 1:10

Gəl-e gə nee ɓa, to gə ɓo, m-ce horo-si gə nama, m-a təl pa tar kula ɗ-ɛje, gə tarje gə kṵra̰y gə n-pa n-tuji ne ri-si gə lo-lo, ye gə kən ja kara as-ɛ ang ja dɔro ɓi ɗaa, n-mbadə mba kuwa ngan ko̰ naaje mba, ngaɓa nje gə ꞌnjigi mba ɗa kul-ɛ kara n-ɔgə je nəm, n-tɔɓə-je lo Mbo̰ naa lə njetakagəje gə nəm tɔ.

3 Jean 1:9

M-ɗa mbede m-ar Mbo̰ naa lə njetakagəje, ngaa Diyotərɛp gə ɗa rɔ-ɛ gə ngaw ta si le, mbadə mba kuwa sijee mbaa.

Apocalypse 13:17

Ɗaa dəw kara be kara a kasə ɗabə ne ose ndogo ne to gə ɓo ndaji godo rɔ-ɛ gə, ri da kɔr le ose kɔr ri-a.